കൊച്ചി: രാജ്യാന്തര വിപണിയില്‍ ചാഞ്ചാട്ടം തുടരുമ്പോള്‍ കേരളത്തില്‍ സ്വര്‍ണവില മുന്നോട്ട് തന്നെ. ആഗോള വിപണിയില്‍ 3400 ഡോളര്‍ വരെ എത്തിയ സ്വര്‍ണവില ഇപ്പോള്‍ 3370ലാണുള്ളത്. എന്നാല്‍ കേരളത്തില്‍ 74000 കടന്ന് പവന്‍ വില കുതിക്കുകയാണ്. ഡോളര്‍ നടത്തിയ മുന്നേറ്റം രൂപയ്ക്ക് മങ്ങലേല്‍പ്പിച്ചതാണ് കേരളത്തില്‍ വില അല്‍പം കൂടാന്‍ കാരണമെന്ന് നിരീക്ഷകര്‍ വിലയിരുത്തുന്നു. 

കഴിഞ്ഞ കുറച്ച് ദിവസങ്ങളായി സ്വര്‍ണത്തേക്കാള്‍ മുന്നിലാണ് വെള്ളിയുടെ കുതിപ്പ്. ഈ വര്‍ഷം വെള്ളിയില്‍ നിക്ഷേപം കൂടിവന്നതാണ് ഈ മാറ്റത്തിന് കാരണമെന്നും നിരീക്ഷകര്‍ ചൂണ്ടിക്കാട്ടുന്നു. 

ഇന്നത്തെ വില അറിയാം
കേരളത്തില്‍ ഒരു പവന്‍ സ്വര്‍ണത്തിന് വില 74120 രൂപയാണ്. ഗ്രാമിന് 9265 രൂപയും. പവന് 120 രൂപയും ഗ്രാമിന് 15 രൂപയുമാണ് ഇന്ന് വര്‍ധിച്ചത്. അതേസമയം, 18 കാരറ്റ് സ്വര്‍ണം ഗ്രാമിന് 10 രൂപ വര്‍ധിച്ച് 7600 രൂപയിലെത്തി. രാജ്യാന്തര വിപണിയില്‍ സ്വര്‍ണവില 3360 ഡോളര്‍ വരെ കുറഞ്ഞ ശേഷം 3385 വരെ കയറി. അതേസമയം, വെള്ളിയുടെ ഔണ്‍സ് വില 36.70 ഡോളറാണ്. 

ALSO READ: സ്വര്‍ണമോ ഓഹരിയോ..ഏതാണ് സുരക്ഷിത നിക്ഷേപം, ലാഭകരവും; അറിഞ്ഞിരിക്കാം ഇക്കാര്യങ്ങള്‍ 

വിലവിവരം നോക്കാം

24 കാരറ്റ്
ഗ്രാമിന് 17 രൂപ കൂടി 10,108
പവന് 136 രൂപ കൂടി 80,864

22 കാരറ്റ്
ഗ്രാമിന് 15 രൂപ കൂടി 9,265
പവന് 120 രൂപ കൂടി 74,120

18 കാരറ്റ്
ഗ്രാമിന് 12 രൂപ കൂടി 7,581
പവന് 96 രൂപ കൂടി 60,648

ഡോളറും നേരിയ തോതില്‍ മുന്നേറുകയാണ്. 98.98 എന്ന നിരക്കിലാണ് നിലവില്‍ ഡോളര്‍ സൂചിക. ഡോളര്‍ മുന്നേറുന്നത് രൂപക്ക് മങ്ങലേല്‍പ്പിക്കും. രൂപ കരുത്ത് കുറയുന്നതും ആഭ്യന്തര വിപണിയില്‍ സ്വര്‍ണം ഉള്‍പെടെയുള്ളവക്ക് വില ഉയരാന്‍ കാരണമാകും. 74560 രൂപയാണ് സ്വര്‍ണത്തിന് ഈ മാസം രേഖപ്പെടുത്തിയ ഏറ്റവും ഉയര്‍ന്ന പവന്‍ നിരക്ക്. 

ALSO READ: ഖാംനഇയെ വധിക്കുക തന്നെ ചെയ്യുമെന്ന് ഇസ്‌റാഈല്‍,  അതാണ് യുദ്ധത്തിന്റെ പരമലക്ഷ്യമെന്ന് ഇസ്‌റാഈല്‍ പ്രതിരോധമന്ത്രി; വധഭീഷണി വെറും വിഢിത്തമെന്ന് ഹിസ്ബുല്ല

അഞ്ച് ശതമാനം പണിക്കൂലിയും മൂന്ന് ശതമാനം ജിഎസ്ടിയും പരിഗണിക്കുമ്പോള്‍ ഇന്ന് ഒരു പവന്‍ ആഭരണം വാങ്ങുമ്പോള്‍ 80000-81000 രൂപ വരെ ചെലവ് പ്രതീക്ഷിക്കാം. ആഭരണങ്ങള്‍ക്കാകട്ടെ ഇതിനൊപ്പം ഹാള്‍മാര്‍ക്കിങ് ചാര്‍ജ് കൂടി നല്‍കണം. ആഭരണം മാത്രമാണ് ആവശ്യമെങ്കില്‍ 18 കാരറ്റ് സ്വര്‍ണമാണ് നല്ലത്.