അബൂദബി: ഇറാന്‍-ഇസ്‌റാഈല്‍ സംഘര്‍ഷത്തിന്റെ പശ്ചാത്തലത്തില്‍, യു.എ.ഇ. പ്രസിഡന്റ് ഷെയ്ഖ് മുഹമ്മദ് ബിന്‍ സായിദ് അല്‍ നഹ്യാന്‍ ഗള്‍ഫ് നേതാക്കളുമായി ടെലിഫോണ്‍ വഴി ചര്‍ച്ച നടത്തി. കുവൈത്ത് അമീര്‍ ഷെയ്ഖ് മിഷാല്‍ അല്‍ അഹമ്മദ് അല്‍ ജാബര്‍ അല്‍ സബാഹ്, ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി, സഊദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ എന്നിവരുമായാണ് അദ്ദേഹം സംസാരിച്ചത്.

ALSO READ: Israel-Iran conflict LIVE: കുവൈത്തില്‍ ഷെല്‍ട്ടറുകള്‍, ബഹ്‌റൈനില്‍ വര്‍ക്ക് ഫ്രം ഹോം, റേഡിയോ ആക്ടീവ് ഇഫക്റ്റുകളില്ലെന്ന് സഊദിയും ഖത്തറും; ഗള്‍ഫ് രാജ്യങ്ങളുടെ നീക്കം ഇങ്ങനെ

പശ്ചിമേഷ്യയിലെ സമീപകാല സംഭവവികാസങ്ങളും ഇറാനെതിരായ ആക്രമണങ്ങളുടെ പ്രാദേശിക സമാധാനത്തിനും സുരക്ഷയ്ക്കും ഉണ്ടാക്കുന്ന ഗുരുതരമായ പ്രത്യാഘാതങ്ങളും ചര്‍ച്ചാവിഷയമായി. മേഖലയില്‍ സ്ഥിരത പുനഃസ്ഥാപിക്കാനും സംഘര്‍ഷം ലഘൂകരിക്കാനുമുള്ള യു.എ.ഇ.യുടെ തുടര്‍ച്ചയായ നയതന്ത്ര ശ്രമങ്ങളുടെ ഭാഗമാണ് ഈ കൂടിയാലോചനകള്‍.

നിലവിലെ സംഘര്‍ഷം പ്രാദേശിക, ആഗോള തലങ്ങളില്‍ വലിയ പ്രത്യാഘാതങ്ങള്‍ സൃഷ്ടിക്കുമെന്ന് നേതാക്കള്‍ ഊന്നിപ്പറഞ്ഞു. എല്ലാ കക്ഷികളും സംയമനം പാലിക്കണമെന്നും വിവേകപൂര്‍വം പ്രവര്‍ത്തിക്കണമെന്നും സംഭാഷണത്തിനും സമാധാനപരമായ പരിഹാരങ്ങള്‍ക്കും മുന്‍ഗണന നല്‍കണമെന്നും നേതാക്കള്‍ ആവശ്യപ്പെട്ടു.

ALSO READ: സൈബര്‍ ആക്രമണങ്ങള്‍ ഉയരുന്നു; കമ്പനികളോട് സുരക്ഷ വര്‍ധിപ്പിക്കാന്‍ നിര്‍ദേശിച്ച് യുഎഇ

സംഘര്‍ഷം കുറയ്ക്കാനുള്ള എല്ലാ നയതന്ത്ര ശ്രമങ്ങള്‍ക്കും തങ്ങള്‍ പിന്തുണ നല്‍കുമെന്ന് നേതാക്കള്‍ ആവര്‍ത്തിച്ചു.

UAE President holds talks with Gulf leaders on the Iran-Israel war, focusing on regional security, diplomacy, and economic stability amid escalating tensions.