തിരുവനന്തപുരം: അഹമ്മദാബാദിൽ വിമാനാപകടത്തിൽ മരിച്ച പത്തനംതിട്ട സ്വദേശിനി രഞ്ജിതയുടെ മൃതദേഹം കേരളത്തിലെത്തിച്ചു. തിരുവനന്തപുരം വിമാനത്താവളത്തിൽ എത്തിയ മൃതദേഹം അവരുടെ ജന്മനാടായ പുല്ലാട്ടിലേക്ക് കൊണ്ടുപോയി. മന്ത്രിമാരായ വി. ശിവൻകുട്ടി, ജി.ആർ. അനിൽ, സിപിഐഎം ജനറൽ സെക്രട്ടറി എം.എ. ബേബി, സിപിഐഎം സംസ്ഥാന സെക്രട്ടറി എം.വി. ഗോവിന്ദൻ, കോൺഗ്രസ് നേതാവ് തിരുവഞ്ചൂർ രാധാകൃഷ്ണൻ, ബിജെപി നേതാവ് എസ്. സുരേഷ് എന്നിവർ വിമാനത്താവളത്തിൽ എത്തി അന്ത്യാഞ്ജലി അർപ്പിച്ചു. ഉച്ചയ്ക്ക് 2:30 വരെ ശ്രീ വിവേകാനന്ദ സ്കൂളിൽ പൊതുദർശനം നടക്കും. തുടർന്ന് വൈകിട്ട് 4:30ന് വീട്ടുവളപ്പിൽ സംസ്കാരം നടത്തും. ‌അമ്മ തുളസിയുടെ ഡിഎൻഎ സാമ്പിളുമായി യോജിച്ചതിനെ തുടർന്നാണ് മൃതദേഹം തിരിച്ചറിഞ്ഞത്.  ഇതോടെ മൃതദേഹം നാട്ടിലേക്ക് കൊണ്ടുവന്നു.

രഞ്ജിത, കേരളത്തിൽ സർക്കാർ ജോലിയിൽ പ്രവേശിക്കാൻ തയ്യാറെടുക്കവേയാണ് വിമാന അപകടത്തിൽ മരിച്ചത്. എട്ട് മാസമായി ബ്രിട്ടനിൽ നഴ്സായി ജോലി ചെയ്തിരുന്ന അവർ, സർക്കാർ ജോലിക്കുള്ള നടപടിക്രമങ്ങൾ പൂർത്തിയാക്കാൻ നാട്ടിലേക്ക് മടങ്ങുകയായിരുന്നു. ജൂലൈയിൽ ജോലിയിൽ പ്രവേശിക്കാനിരുന്ന രഞ്ജിത, ലണ്ടനിലെ ജോലിസ്ഥലത്ത് നിന്നുള്ള വിടുതൽ രേഖകൾ പൂർത്തിയാക്കാനാണ് യാത്ര ചെയ്തത്. എന്നാൽ, ഈ സമയത്താണ് ദുരന്തം രഞ്ജിതയെ തേടിയെത്തിയത്.

ജൂൺ 12ന് അഹമ്മദാബാദിലെ സർദാർ വല്ലഭായ് പട്ടേൽ വിമാനത്താവളത്തിൽനിന്ന് ലണ്ടനിലേക്ക് പുറപ്പെട്ട എയർ ഇന്ത്യ വിമാനം മിനിറ്റുകൾക്കുള്ളിൽ തകർന്നുവീഴുകയായിരുന്നു. വിമാനത്തിൽ 242 യാത്രക്കാർ ഉണ്ടായിരുന്നു. ഇതിൽ 169 ഇന്ത്യക്കാർ, 53 ബ്രിട്ടീഷ് പൗരന്മാർ, ഏഴ് പോർച്ചുഗീസ് പൗരന്മാർ, ഒരു കനേഡിയൻ പൗരൻ എന്നിവർ ഉൾപ്പെടുന്നു. വിമാനം ബി.ജെ. മെഡിക്കൽ കോളേജിന്റെ മെസ്സിലും പിജി വിദ്യാർഥികളുടെ ഹോസ്റ്റലിലും തകർന്നുവീണു. മെഡിക്കൽ കോളേജിലെ വിദ്യാർഥികളും സാധാരണക്കാരും അപകടത്തിൽ മരിച്ചു. ഗുജറാത്തിന്റെ മുൻ മുഖ്യമന്ത്രി വിജയ് രൂപാണിയും ഈ ദുരന്തത്തിൽ മരണപ്പെട്ടു.

The body of Ranjitha, a native of Pathanamthitta who died in the Ahmedabad plane crash, has been brought back to Kerala. The mortal remains were received at Thiruvananthapuram airport and then taken to her hometown of Pullad for the final rites [1].