ന്യൂഡല്‍ഹി: അഹമ്മദാബാദ് വിമാന ദുരന്തത്തില്‍ മരണപ്പെട്ടവരുടെ ഔദ്യോഗിക കണക്ക് കേന്ദ്ര സര്‍ക്കാര്‍ പുറത്തുവിട്ടു. പത്തനംതിട്ട സ്വദേശി രഞ്ജിത ഉള്‍പ്പെടെ 275 പേര്‍ മരിച്ചെന്നാണ് ഔദ്യോഗിക സ്ഥിരീകരണം. വിമാനത്തിലുണ്ടായിരുന്ന 241 പേര്‍ക്കും ജീവന്‍ നഷ്ടമായി. വിമാനം ഇടിച്ച് വീണ പ്രദേശത്ത് 34 പേരാണ് മരിച്ചതെന്നും കേന്ദ്ര വ്യോമയാന മന്ത്രാലയം പുറത്തിറക്കിയ റിപ്പോര്‍ട്ടില്‍ വ്യക്തമാക്കി. 

ജൂണ്‍ 12ന് അഹമ്മദാബാദില്‍ നിന്ന് ലണ്ടനിലേക്ക് യാത്രതിരിച്ച എയര്‍ ഇന്ത്യ ഡ്രീംലൈനര്‍ IX787-8 ബോയിങ് വിമാനമാണ് തകര്‍ന്നത്. സര്‍ദാര്‍ വല്ലഭായ് പട്ടേല്‍ വിമാനത്താവളത്തില്‍ നിന്ന് പറന്നുയര്‍ന്ന ഉടന്‍ സമീപത്തെ മെഡിക്കല്‍ ഹോസ്റ്റല്‍ കെട്ടിടത്തിന് മുകളിലേക്ക് ഇടിച്ചിറങ്ങുകയായിരുന്നു. 

വിമാനത്തില്‍ സ്വദേശികളും, വിദേശികളുമായ 242 പേരാണ് ഉണ്ടായിരുന്നത്. ഒരാള്‍ മാത്രമാണ് ജീവനോടെ രക്ഷപ്പെട്ടത്. മരിച്ചവരില്‍ 169 ഇന്ത്യക്കാരും, 53 ബ്രീട്ടീഷ് പൗരന്‍മാരും, ഏഴ് പോര്‍ച്ചുഗീസ് പൗരന്‍മാരും ഉള്‍പ്പെടും. വിമാനം വീണ മെഡിക്കല്‍ കോളജ് ഹോസ്റ്റലില്‍ ഭക്ഷണം കഴിച്ച് കൊണ്ടിരുന്ന വിദ്യാര്‍ഥികളാണ് മരണപ്പെട്ടത്. 

ALSO READ: യുവാവിനെ മര്‍ദ്ദിച്ച ബേപ്പൂര്‍ സ്റ്റേഷനിലെ പ്രൊബേഷന്‍ എസ്.ഐയെ സ്ഥലം മാറ്റി 

Central Government has officially released the death toll of the Ahmedabad plane crash. A total of 275 people have been confirmed dead, including Ranjita from Pathanamthitta.