ദോഹ: അമേരിക്കന്‍ ആക്രമണങ്ങള്‍ക്ക് മറുപടിയായി ഖത്തറിലെ അമേരിക്കന്‍ സൈനിക താവളമായ അല്‍ ഉദൈദ് വ്യോമതാവളം ആക്രമിക്കേണ്ടി വന്നതില്‍ ഇറാന്‍ ഖേദം പ്രകടിപ്പിച്ചതായി ഖത്തര്‍ പ്രധാനമന്ത്രി ഷെയ്ഖ് മുഹമ്മദ് ബിന്‍ അബ്ദുറഹ്മാന്‍ അല്‍താനി. സംഭവത്തിനു ശേഷം ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍താനിയുമായി സംസാരിച്ച ഇറാന്‍ പ്രസിഡന്റ് ഖത്തറിനെ ലക്ഷ്യം വെച്ചതില്‍ ഖേദം പ്രകടിപ്പിച്ചു.

ALSO READ: യുദ്ധത്തിന് താല്‍ക്കാലിക വിരാമം?; ഇറാന്‍- ഇസ്‌റാഈല്‍ വെടിനിര്‍ത്തല്‍ നിലവില്‍ വന്നെന്ന് അല്‍ജസീറ റിപ്പോര്‍ട്ട്

അമേരിക്കയും ഖത്തറും തമ്മില്‍ പതിറ്റുണ്ടാകളായുള്ള ബന്ധമാണുള്ളതെന്നും അത് മേഖലയുടെ സുസ്ഥിര വികസനത്തിനും സുരക്ഷയ്ക്കും ഗുണം ചെയ്യുമെനന്നും ഇറാനും ഖത്തര്‍ സ്വീകരിച്ച നയം സ്വീകരിക്കണമെന്നും ഖത്തര്‍ ആവശ്യപ്പെട്ടു. സംഘര്‍ഷങ്ങളില്‍ നിന്ന് വിട്ടുനില്‍ക്കണമെന്നും സുഹൃദ് രാജ്യങ്ങളായി തുടരണമെന്നും ഗള്‍ഫ് രാജ്യങ്ങള്‍ ഇതിന് നേതൃത്വം നല്‍കണമെന്നും ഖത്തര്‍ ആവശ്യപ്പെട്ടു.

ALSO READ: ഗത്യന്തരമില്ലാതെ നെതന്യാഹു; വെടിനിര്‍ത്തല്‍ അംഗീകരിച്ചു, നടപ്പിലായതായി സ്ഥിരീകരണം 

ഖത്തറിനെതിരായ ഒരു ആക്രമണവും നിയമലംഘനങ്ങളും അംഗീകരിക്കില്ല. സമാധാനപരമായ ബന്ധമാണ് തങ്ങള്‍ ആഗ്രഹിക്കുന്നതെന്നും ഖത്തര്‍ പ്രധാനമന്ത്രി ചൂണ്ടിക്കാട്ടി. ഇന്നലെ വൈകീട്ട് ഏഴരയോടെയാണ് ഖത്തറിലെ അല്‍ ഉബൈദ് സൈനികതാവളത്തില്‍ ഇറാന്‍ ആക്രമണം നടത്തിയത്. സംഭവത്തിനു പിന്നാലെ ഖത്തറിലെ ഇറാന്‍ അംബാസഡറെ വിളിച്ചുവരുത്തി ശക്തമായ പ്രതിഷേധം അറിയിച്ചിരുന്നു.

Qatar’s Prime Minister reveals that Iran has expressed regret over its recent attack on Al Udeid Air Base, signaling possible efforts to ease regional tensions.