കാലവര്‍ഷം തുടരുന്നതിനിടെ സംസ്ഥാനത്ത് ഇതുവരെ 53 ശതമാനം അധിക മഴ ലഭിച്ചെന്ന് കാലാവസ്ഥ വകുപ്പിന്റെ റിപ്പോര്‍ട്ട്. കാലവര്‍ഷം ആരംഭിച്ച് ഒരുമാസം പിന്നിടുമ്പോഴുള്ള കണക്കാണിത്. വടക്കന്‍ ജില്ലകളായ കാസര്‍ഗോഡ്, കണ്ണൂര്‍, കോഴിക്കോട് എന്നിവിടങ്ങളിലാണ് ഏറ്റവും കൂടുതല്‍ മഴ ലഭിച്ചത്. 1432 മില്ലമീറ്റര്‍ മഴ ലഭിച്ച കണ്ണൂരാണ് കേരളത്തില്‍ ഒന്നാമത്. 

മെയ് 24നാണ് കേരളത്തില്‍ കാലവര്‍ഷം ആരംഭിച്ചത്. തീവ്ര മഴയ്ക്ക് പുറമെ ശക്തമായ കാറ്റും സംസ്ഥാനത്തുടനീളം ആഞ്ഞൂവീശി. ഒരു മാസത്തില്‍ 17 ദിവസവും ശരാശരിയില്‍ കൂടുതല്‍ മഴ ലഭിക്കുന്ന പ്രവണതയാണ് കാണാനായത്. തുടക്കത്തിലെ ശക്തമായ പെയ്ത്തിന് ശേഷം പത്ത് ദിവസത്തേക്ക് മഴ ദുര്‍ബലമാവുകയും, 11ന് വീണ്ടും ശക്തിയാര്‍ജിക്കുകയും ചെയ്തു. 

ജൂണ്‍ 15, 16 തീയതികളില്‍ വടക്കന്‍ കേരളത്തില്‍ പ്രത്യേകിച്ച് കാസര്‍ഗോഡ്, കണ്ണൂര്‍, വയനാട്, കോഴിക്കോട് ജില്ലകളില്‍ മഴ കനക്കുന്ന സാഹചര്യവുമുണ്ടായി. പുറമെ പലയിടങ്ങളിലും, ഇടിയും മിന്നലും റിപ്പോര്‍ട്ട് ചെയ്തു. മെയ് 24 മുതലുള്ള കണക്കുകള്‍ പ്രകാരം കണ്ണൂര്‍, എറണാകുളം, തൃശൂര്‍, മലപ്പുറം ജില്ലകളിലാണ് കൂടുതല്‍ മിന്നല്‍ രേഖപ്പെടുത്തിയത്. 

ALSO READ: രാത്രി വൈദ്യുതി ഉപയോഗിച്ചാല്‍ കൂടുതല്‍ പൈസ കൊടുക്കണോ? എന്താണ് വാസ്തവം; ബില്ല് കുറക്കാന്‍ എന്ത് ചെയ്യണം? കെഎസ്ഇബി തന്നെ പറയുന്നു 

^{ഏറ്റവും പുതിയ കാലാവസ്ഥ മുന്നറിയിപ്പ്}

അതേസമയം കേരളത്തില്‍ വരും ദിവസങ്ങളിലും ഒറ്റപ്പെട്ട ജില്ലകളില്‍ മഴ കനക്കും. നിലവില്‍ ഇന്ന് എട്ട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിട്ടുള്ളത്. കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലാണ് മഞ്ഞ അലര്‍ട്ടുള്ളത്. അടുത്ത അഞ്ച് ദിവസത്തേക്ക് മഴ മുന്നറിയിപ്പ് നല്‍കിയിട്ടുണ്ട്. 

_{യെല്ലോ അലര്‍ട്ട്}

24/06/2025: കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ്

25/06/2025: ആലപ്പുഴ, എറണാകുളം, തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ്

26/06/2025: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ്

27/06/2025: ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ്

28/06/2025: മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് എന്നീ  ജില്ലകളിലാണ് മഞ്ഞ അലര്‍ട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റര്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്നെന്നാണ് നിഗമനം. 

According to the latest report from the India Meteorological Department (IMD), Kerala has received 53% excess rainfall so far during this monsoon season. The data reflects the first month since the onset of the monsoon.