ദുബൈ: വിസ തട്ടിപ്പില്‍ ഉള്‍പ്പെട്ട വിവിധ രാജ്യക്കാരായ 21 പ്രതികള്‍ക്കെതിരെ 25.21 ദശലക്ഷം പിഴ ചുമത്തി ദുബൈ സിറ്റിസണ്‍ഷിപ്പ് ആന്‍ഡ് റെസിഡന്‍സി കോടതി.
ഇവര്‍ കുറ്റക്കാരാണെന്ന് ദുബൈ സിറ്റിസണ്‍ഷിപ്പ് ആന്‍ഡ് റെസിഡന്‍സി പ്രോസിക്യൂഷന്‍ നേരത്തേ കണ്ടെത്തിയിരുന്നു. റെസിഡന്‍സി വിസകള്‍ നിയമവിരുദ്ധമായി ദുരുപയോഗം ചെയ്യുകയും തൊഴിലാളികളുടെ നിയമപരമായ പദവി സ്ഥിരപ്പെടുത്താതെ കമ്പനികള്‍ പെട്ടെന്ന് അടച്ചുപൂട്ടുകയും ചെയ്തതിനാണ് പ്രതികളെ ശിക്ഷിച്ചിരിക്കുന്നത്.

ALSO READ: ഇറാന്റെ ഖത്തര്‍ ആക്രമണത്തിനു പിന്നാലെ ജീവനക്കാര്‍ക്ക് 'വര്‍ക്ക് ഫ്രം ഹോം' ഓപ്ഷനുമായി യുഎഇയിലെ കമ്പനികള്‍

ദുബൈ ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്‌സ് അഫയേഴ്‌സിന്റെ (GDRFA) അന്വേഷണത്തില്‍ സംശയാസ്പദമായ കമ്പനികളെ കണ്ടെത്തിയതിനെ തുടര്‍ന്നാണ് വിശദമായ അന്വേഷണം ആരംഭിച്ചതെന്ന് സീനിയര്‍ അഡ്വക്കേറ്റ് ജനറലും പ്രോസിക്യൂഷന്‍ മേധാവിയുമായ ഡോ. അലി ഹുമൈദ് ബിന്‍ ഖാതിം വെളിപ്പെടുത്തി. 33 വാണിജ്യ സ്ഥാപനങ്ങളില്‍ നടത്തിയ അന്വേഷണത്തില്‍ 385 റെസിഡന്‍സി വിസകളുടെ ദുരുപയോഗം കണ്ടെത്തി.

നിരീക്ഷണം, പരിശോധന, തുടര്‍നടപടികള്‍ എന്നിവയിലൂടെ ഈ കമ്പനികള്‍ക്ക് യഥാര്‍ത്ഥ ഓഫീസുകള്‍ ഇല്ലെന്നും വിസകള്‍ നിയമവിരുദ്ധമായി നേടാന്‍ മാത്രമാണ് ഇവ സ്ഥാപിച്ചതെന്നും വ്യക്തമായി. 

'നിയമവിരുദ്ധമായി ലാഭം കൊയ്യാനായി താമസതൊഴില്‍ നിയമങ്ങള്‍ ബോധപൂര്‍വം ലംഘിച്ചാണ് ഈ സാങ്കല്പിക വിലാസങ്ങളില്‍ ബിസിനസ് ലൈസന്‍സുകള്‍ നേടിയത്,' ഡോ. ബിന്‍ ഖാതിം പറഞ്ഞു.

ALSO READ: ഇറാൻ-ഇസ്റാഈൽ വെടിനിർത്തൽ കരാർ പ്രാബല്യത്തിൽ വന്നതിനു പിന്നാലെ ദുബൈയിലെ സ്വർണ വിലയിൽ ഇടിവ്; വാങ്ങാൻ അനുയോജ്യ സമയമെന്ന് വിദഗ്ധർ

അറസ്റ്റിനു ശേഷം പ്രതികളെ പ്രോസിക്യൂഷന് കൈമാറിയിരുന്നു. വിപുലമായ അന്വേഷണത്തിലൂടെയാണ് കേസിന് ആവശ്യമായ തെളിവുകള്‍ ശേഖരിച്ചത്. വിചാരണയില്‍ 21 പേരും കുറ്റക്കാരാണെന്ന് കോടതി വിധിച്ചു. 

'നിയമവ്യവസ്ഥ ഉയര്‍ത്തിപ്പിടിക്കാന്‍ ഈ വിധി നിര്‍ണായകമാണ്,' ഡോ. ബിന്‍ ഖാതിം അഭിപ്രായപ്പെട്ടു.

Authorities in Dubai have exposed a large-scale visa scam involving 21 individuals, who have been fined a total of Dh25.21 million for fraudulent activities and legal violations.