ന്യൂഡല്‍ഹി: പ്രധാനമന്ത്രി നരേന്ദ്രമോദിയുടെ എട്ട് ദിവസത്തെ വിദേശസന്ദര്‍ശനത്തിന് ഇന്ന് തുടക്കമാകും. ഘാന, ട്രിനിഡാഡ് ടുബാഗോ, അര്‍ജന്റീന, ബ്രസീല്‍, നമീബിയ തുടങ്ങിയ രാജ്യങ്ങളാണ് മോദി സന്ദര്‍ശിക്കുന്നത്. പ്രധാനമന്ത്രി പദത്തിലെത്തിയ ശേഷമുള്ള മോദിയുടെ ഏറ്റവും ദൈര്‍ഘ്യമേറിയ വിദേശ സന്ദര്‍ശനമാണിത്.

ഘാനയിലേക്കാണ് ആദ്യസന്ദര്‍ശനം. 30 വര്‍ഷങ്ങള്‍ക്ക് ശേഷമാണ് ഒരു ഇന്ത്യന്‍ പ്രധാനമന്ത്രി ഘാനയിലെത്തുന്നത്. തുടര്‍ന്ന് (വ്യാഴം, വെള്ളി), ട്രിനിഡാഡ് ടുബാഗോ സന്ദര്‍ശിക്കും. അവിടെ പാര്‍ലമെന്റിനെ മോദി അഭിസംബോധന ചെയ്യും. ശേഷം രണ്ടുദിവസം അര്‍ജന്റൈന്‍ സന്ദര്‍ശനം. അതുകഴിഞ്ഞ് (ജൂലൈ 5 മുതല്‍ 8 വരെ) മോദി ബ്രസീലില്‍ ചെലവഴിക്കും. റിയോയില്‍ നടക്കുന്ന ബ്രിക്‌സ് ഉച്ചകോടിയിലും പ്രധാനമന്ത്രി പങ്കെടുക്കും. സന്ദര്‍ശനത്തിന്റെ അവസാനഘട്ടം (ജൂലൈ 9) നമീബിയയില്‍ ചെലവഴിക്കും. മോദിയുടെ ആദ്യ നമീബിയ സന്ദര്‍ശനമാണിത്. സന്ദര്‍ശനങ്ങളിലെല്ലാം വിവിധ ഉഭയകക്ഷിചര്‍ച്ചകളിലും മോദി സംബന്ധിക്കുമെന്നും വിദേശകാര്യമന്ത്രാലയം അറിയിച്ചു.

Prime Minister Narendra Modi will begin his eight-day, five-nation tour today. During the tour – his longest foreign trip in ten years – the prime minister will participate in the crucial BRICS Summit in Brazil and expand India's ties with several key nations of the Global South.