ന്യൂഡല്‍ഹി: ചരിത്രത്തിലാദ്യമായി സുപ്രിംകോടതിയിലെ നേരിട്ടുള്ള നിയമനങ്ങളിലും സ്ഥാനക്കയറ്റത്തലുംപട്ടികവര്‍ഗക്കാര്‍ക്കും പട്ടികജാതിക്കാര്‍ക്കും സംവരണം ഏര്‍പ്പെടുത്തി. പട്ടികജാതിക്കാരനായ ചീഫ് ജസ്റ്റിസ് ബി.ആര്‍ ഗവായി മുന്‍കൈയെടുത്താണ് സംവരണം കൊണ്ടുവന്നിരിക്കുന്നത്. സംവരണം കഴിഞ്ഞ 23ന് പ്രാബല്യത്തില്‍ വന്നതായി സര്‍ക്കുലറിലൂടെ സുപ്രിംകോടതി ജീവനക്കാരെ അറിയിച്ചു. പട്ടികജാതിക്കാര്‍ക്ക് 15 ശതമാനവും പട്ടികവര്‍ഗക്കാര്‍ക്ക് 7.5 ശതമാനവുമാണ് നിയമനങ്ങളിലും സ്ഥാനക്കയറ്റത്തിലും സംവരണം.

കോംപിറ്റന്റ് അതോറിറ്റിയുടെ നിര്‍ദേശപ്രകാരം മോഡല്‍ റിസര്‍വേഷന്‍ റോസ്റ്ററും രജിസ്റ്ററും അപ് ലോഡ് ചെയ്തിട്ടുണ്ടെന്നും റോസ്റ്ററിലോ രജിസ്റ്ററിലോ തെറ്റുകളോ കൃത്യതയില്ലായ്മയോ ഉണ്ടെങ്കില്‍ ജീവനക്കാര്‍ക്ക് രജിസ്ട്രാറെ (റിക്രൂട്ട്‌മെന്റ്) അറിയിക്കാമെന്നും എതിര്‍പ്പുകള്‍/നിര്‍ദേശങ്ങള്‍ ഉണ്ടെങ്കില്‍ അതും അറിയിക്കാമെന്നും സര്‍ക്കുലറില്‍ പറയുന്നു.

ALSO READ: 300 വര്‍ഷം പഴക്കമുള്ള ദര്‍ഗ തകര്‍ത്തു; ഗുജറാത്ത് മുനിസിപ്പാലിറ്റിക്ക് ഹൈക്കോടതി നോട്ടീസ്; ധൃതിപിടിച്ച് ദര്‍ഗ പൊളിച്ചതില്‍ കോടതിയുടെ വിമര്‍ശനം | Bulldozer Raj
രജിസ്ട്രാറുമാര്‍, സീനിയര്‍ പഴ്‌സണല്‍ അസിസ്റ്റന്റ്, അസിസ്റ്റന്റ് ലൈബ്രേറിയന്‍, ജൂനിയര്‍ കോര്‍ട്ട് അസിസ്റ്റന്റ് കം ജൂനിയര്‍ പ്രോഗ്രാമര്‍, ജൂനിയര്‍ കോര്‍ട്ട് അറ്റന്‍ഡന്റ്, ചേംബര്‍ അറ്റന്‍ഡന്റ് (ആര്‍), സീനിയര്‍ പഴ്‌സണല്‍ അസിസ്റ്റന്റ്, അസിസ്റ്റന്റ് ലൈബ്രേറിയന്‍, ജൂനിയര്‍ കോര്‍ട്ട് അസിസ്റ്റന്റ് തുടങ്ങിയ തസ്തികളില്‍ സംവരണം ബാധകമാകും. പട്ടികജാതി, പട്ടികവര്‍ഗം, സംവരണമില്ലാത്തവര്‍ എന്നിങ്ങനെ മൂന്ന് വിഭാഗങ്ങളായാണ് ജീവനക്കാരെ തരം തിരിച്ചിരിക്കുന്നത്.

പട്ടികജാതി, പട്ടികവര്‍ഗ വിഭാഗങ്ങള്‍ക്ക് സംവരണം നല്‍കുന്നതിനുള്ള വ്യവസ്ഥകള്‍ എല്ലാ സര്‍ക്കാര്‍ സ്ഥാപനങ്ങളിലും നിരവധി ഹൈക്കോടതികളിലും ഇതിനകം തന്നെയുണ്ട്. എന്നാല്‍, സുപ്രിംകോടതിയിലുണ്ടായിരുന്നില്ല. ഈ പ്രശ്‌നത്തിനാണ് പരിഹാരമായിരിക്കുന്നത്.

In a historic move, the Supreme Court of India has, for the first time in its 75-year history, implemented a formal reservation policy for Scheduled Castes (SC) and Scheduled Tribes (ST) in direct recruitment and promotions for its non-judicial staff. The policy came into effect on June 23, 2025, and marks a significant shift in the administrative functioning of the country’s highest court.