കോട്ടയം: കോട്ടയം മെഡിക്കൽ കോളേജിൽ കെട്ടിടം തകർന്നുവീണ് മരിച്ച ബിന്ദുവിന്റെ മൃതദേഹം പോസ്റ്റ്മോർട്ടത്തിനു ശേഷം മാറ്റുന്നതിനിടെ ചാണ്ടി ഉമ്മൻ എംഎൽഎയുടെ നേതൃത്വത്തിൽ കോൺഗ്രസ് പ്രവർത്തകരുടെ പ്രതിഷേധം. ഇവരുടെ ബന്ധുക്കളെ അടക്കം അണിനിരത്തി കൊണ്ടായിരുന്നു മൃതദേഹം മാറ്റുന്നത് തടഞ്ഞുകൊണ്ടുള്ള പ്രതിഷേധം നടത്തിയത്. സംഭവത്തിൽ ചാണ്ടി ഉമ്മനെതിരെയും 30 പേർക്കെതിരെയും കേസ് രേഖപ്പെടുത്തി. 

പ്രതിഷേധത്തിൽ സർക്കാരിന്റെയും പൊലിസിന്റെയും നടപടികളെ ചാണ്ടി ഉമ്മൻ രൂക്ഷമായി വിമർശിച്ചു. പ്രതിഷേധത്തിൽ മൂന്ന് ആവശ്യങ്ങളാണ് ചാണ്ടി ഉമ്മൻ ഉന്നയിച്ചത്. ബിന്ദുവിന്റെ കുടുംബത്തിന് 25 ലക്ഷം രൂപ നഷ്ടപരിഹാരം നൽകണമെന്നും നവമിയുടെ ശസ്ത്രക്രിയ ചെലവ് 3.4 ലക്ഷം രൂപ സർക്കാർ വഹിക്കണമെന്നും നവമിക്ക് സർക്കാർ ജോലി നൽകണമെന്നുമായിരുന്നു ചാണ്ടി ഉമ്മൻ ഉന്നയിച്ചത്. 

പ്രതിഷേധക്കാരെ ബലം പ്രയോഗിച്ചു മാറ്റിയതിനു ശേഷമാണ് ആംബുലൻസ് മാറ്റിയത്. മുട്ടുചിറയിലെ സ്വകാര്യ ആശുപത്രിയിലേക്കാണ് ബിന്ദുവിന്റെ മൃതദേഹം മാറ്റിയത്. രാവിലെ എട്ടുമണിക്ക് ആശുപത്രിയിൽ നിന്നും മൃതദേഹം വീട്ടിലേക്ക് കൊണ്ടുപോകും.

Congress protests while Bindus body is being moved Case filed against 30 people including Chandy Oommen