ലോർഡ്‌സ്: ഇന്ത്യ-ഇംഗ്ലണ്ട് അഞ്ചു ടെസ്റ്റ് മത്സരങ്ങളടങ്ങുന്ന പരമ്പരയിൽ ഇന്ത്യൻ നായകൻ ശുഭ്മൻ ഗിൽ മിന്നും ഫോമിലാണ് കളിച്ചുകൊണ്ടിരിക്കുന്നത്. മൂന്നാം ടെസ്റ്റ് മത്സരം എത്തിയപ്പോഴേക്കും പരമ്പരയിൽ 600 റൺസ് പൂർത്തിയാക്കിയാണ് ഗിൽ മുന്നേറുന്നത്.

600 റൺസ് പിന്നിട്ടതോടെ മറ്റൊരു റെക്കോർഡും ഗിൽ കൈവരിച്ചിരിക്കുകയാണ്. ടെസ്റ്റിൽ ഇംഗ്ലണ്ടിൽ ഏറ്റവും കൂടുതൽ റൺസ് നേടുന്ന ഏഷ്യൻ ക്യാപ്റ്റനായാണ് ഗിൽ മാറിയത്. ഈ നേട്ടം സ്വന്തമാക്കുന്ന ആദ്യ ഏഷ്യൻ ക്യാപ്റ്റനാണ് ഗിൽ. വിരാട് കോഹ്‌ലി നേടിയ 593 റൺസിന്റെ റെക്കോർഡ് തകർത്താണ് ഗിൽ ഈ നേട്ടം സ്വന്തമാക്കിയത്. 

നിലവിൽ ഈ പരമ്പരയിൽ രണ്ട് സെഞ്ച്വറിയും ഒരു സെഞ്ച്വറിയും നേടിയാണ് ഗിൽ തിളങ്ങി നിൽക്കുന്നത്. ഇംഗ്ലണ്ടിനെതിരായ രണ്ടാം ടെസ്റ്റിൽ രണ്ട് ഇന്നിങ്ങ്സുകളിലും മികച്ച പ്രകടനമാണ് നായകൻ ശുഭ്മൻ ഗിൽ നടത്തിയത്. 

ആദ്യ ഇന്നിങ്സിൽ ഡബിൾ സെഞ്ച്വറിയും രണ്ടാം ഇന്നിങ്സിൽ സെഞ്ച്വറി നേടിയുമാണ് ഗിൽ തിളങ്ങിയത്.ആദ്യ ഇന്നിങ്സിൽ 387 പന്തിൽ നിന്നും 269 റൺസാണ് ഗില്ലിന്റെ ബാറ്റിൽ നിന്നും പിറന്നത്. 30 ഫോറുകളും മൂന്ന് സിക്സുകളും അടങ്ങുന്നതാണ് ഗില്ലിന്റെ ഇന്നിംഗ്സ്. രണ്ടാമത്തെ ഇന്നിങ്സിൽ  161 പന്തിൽ 162 റൺസുമാണ് ഇന്ത്യൻ നായകൻ നേടിയത്. 13 ഫോറുകളും എട്ട് സിക്സുകളുമാണ് ഗിൽ നേടിയത്. 

ALSO READ: മലയാളിയെ വീഴ്ത്തി ചരിത്രത്തിലേക്ക്; ഇന്ത്യൻ വന്മതിൽ തകർത്ത് റൂട്ടിന്റെ മുന്നേറ്റം

ഇംഗ്ലണ്ടിനെതിരായ രണ്ടാം ടെസ്റ്റ് മത്സരത്തിൽ 336 റൺസിന്റെ കൂറ്റൻ വിജയമാണ് ഇന്ത്യ സ്വന്തമാക്കിയത്. എഡ്ജ്ബാസ്റ്റൺ സ്റ്റേഡിയത്തിൽ ചരിത്ര വിജയമാണ് ഇന്ത്യ നേടിയത്. ഈ വേദിയിലെ ഇന്ത്യയുടെ ആദ്യ ടെസ്റ്റ് വിജയമാണിത്. ഇതിനു മുമ്പ്. ഈ വേദിയിൽ ഇതുവരെ എട്ട് മത്സരങ്ങളിലാണ് ഇന്ത്യ കളിച്ചിട്ടുള്ളത്. ഇതിൽ ഏഴ് മത്സരങ്ങൾ പരാജയപ്പെട്ടപ്പോൾ ഒരു മത്സരം സമനിലയിൽ പിരിയുകയും ചെയ്തു. എന്നാൽ രണ്ടാം ടെസ്റ്റ് വിജയത്തോടെ ഗിൽ ഇന്ത്യയുടെ ചരിത്ര നായകനായും മാറിയിരിക്കുകയാണ്. 

Indian captain Shubman Gill has been in brilliant form in the five-match India-England Test series By the time the third Test match arrived Gill had completed 600 runs in the series