കോഴിക്കോട്: കുറ്റിച്ചിറ കുളത്തി വീണ് വിദ്യാർഥി മരിച്ചു. കുറ്റിച്ചിറ കുളത്തിൽ കുളിക്കാനെത്തിയ വിദ്യാർത്ഥിയാണ് അപകടത്തിൽപ്പെട്ടത്. പയ്യാനക്കൽ കപ്പക്കൽ സ്വദേശി യഹിയ(17) ആണ് മരിച്ചത്. കുളത്തിൽ നീന്താൻ ഇറങ്ങിയപ്പോൾ യഹിയ മുങ്ങിപോവുകയായിരുന്നു. അപകടം നടന്ന ഉടനെ തന്നെ കുട്ടിയെ ബീച്ച് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിക്കാതെ പോവുകയായിരുന്നു. 

ALSO READ: പരപ്പനങ്ങാടിയിൽ പുഴയിൽ കാണാതായ വിദ്യാർഥിയുടെ മൃതദേഹം തൃശൂരിൽ കടലിൽ നിന്നും കണ്ടെത്തി

ഞായറാഴ്ച ഒമ്പത് മണിക്കാണ് അപകടം നടന്നത്. നീന്താൻ നന്നായി അറിയുന്ന കുട്ടിയാണ് അപകടത്തിൽ പെട്ടതെന്നാണ് നാട്ടുകാർ പറഞ്ഞത്. നിരവധി ആളുകൾ കുളത്തിൽ ഇറങ്ങാൻ എത്തുന്നുണ്ടെന്നും എന്നാൽ ഇവിടെ വേണ്ടത്ര സുരക്ഷ ക്രമീകരണങ്ങൾ ഇല്ലെന്നും നാട്ടുകാർ വ്യക്തമാക്കി.