കേരള കേന്ദ്ര സർവകലാശാലയിൽ അധ്യാപക ഒഴിവുകൾ

കാസർകോട്: പെരിയ കേരള കേന്ദ്ര സർവകലാശാലയിൽ എസ്.സി, ഒ.ബി.സി വിഭാഗങ്ങൾക്ക് സൗജന്യ സിവിൽ സർവിസസ് പരീക്ഷാ പരിശീലനം നൽകുന്ന ഡോ. അംബേദ്കർ സെന്റർ ഓഫ് എക്‌സലൻസിൽ സയൻസ്, സോഷ്യൽ സയൻസ് വിഷയങ്ങളിൽ കരാർ അടിസ്ഥാനത്തിൽ അധ്യാപകരെ നിയമിക്കുന്നു. മൂന്ന് ഒഴിവുകളാണുള്ളത്. 

55 ശതമാനം മാർക്കോടെയുള്ള ബിരുദാനന്തര ബിരുദമാണ് യോഗ്യത. സിവിൽ സർവിസസ് പരീക്ഷാ പരിശീലനത്തിൽ മുൻ പരിചയം, പിഎച്ച്.ഡി/നെറ്റ്, യു.പി.എസ്.സി/എസ്.പി.എസ്.സി മെയിൻ പരീക്ഷ/പ്രിലിമിനറി പരീക്ഷ യോഗ്യത എന്നിവ അഭികാമ്യം. ഒരു വർഷത്തേക്കാണ് നിയമനം. പ്രതിമാസം 80,000 രൂപയാണ് വേതനം. താൽപര്യമുള്ളവർ യോഗ്യത, പ്രവൃത്തി പരിചയം, തുടങ്ങിയവയുടെ സ്വയം സാക്ഷ്യപ്പെടുത്തിയ പകർപ്പ് ഉൾപ്പെടെ നിർദിഷ്ട മാതൃകയിൽ [email protected] എന്ന ഇ മെയിലിലേക്ക് അയക്കേണ്ടതാണ്. അവസാന തീയതി ജൂലൈ 19. കൂടുതൽ വിവരങ്ങൾക്ക് www.cukerala.ac.in.

കുസാറ്റിൽ വിവിധ വകുപ്പുകളിൽ റിയൽ ടൈം അഡ്മിഷൻ

കൊച്ചി: കൊച്ചി ശാസ്ത്ര സാങ്കേതിക സർവകലാശാലയിൽ അഡ്മിഷനായി വിവിധ വകുപ്പുകളിലേക്ക് റിയൽ ടൈം അഡ്മിഷൻ നടത്തുന്നു. ഡി.ഡി.യു കൗശൽ കേന്ദ്ര എം.വോക് സോഫ്റ്റ്വെയർ ഡെവലപ്‌മെന്റ് പ്രോഗ്രാമിലേക്കുള്ള റിയൽ ടൈം അഡ്മിഷൻ 17ന് കുസാറ്റ് ഡി.ഡി.യു കൗശൽ കേന്ദ്രയിൽ നടക്കും. കുസാറ്റ് ക്യാറ്റ് റാങ്ക് ലിസ്റ്റിലുള്ളവർക്കു മാത്രം പങ്കെടുക്കാം. സമയം രാവിലെ 10 മണി. കൂടുതൽ വിവരങ്ങൾക്ക് admissions.cusat.ac.in,  kaushalkendra.cusat.ac.in എന്ന വെബ്‌സൈറ്റ് സന്ദർശിക്കുക. ഫോൺ: 0484-2575411. എം.വോക് ബാങ്കിങ് ആൻഡ് ഫിനാൻസ് പ്രോഗ്രാമിലേക്കുള്ള റിയൽ ടൈം അഡ്മിസ്ഷൻ 18ന് കുസാറ്റ് ഡി.ഡി.യു കൗശൽ കേന്ദ്രയിൽ നടക്കും. കുസാറ്റ് ക്യാറ്റ് റാങ്ക്‌ലിസ്റ്റിലുള്ളവർക്കു മാത്രം പങ്കെടുക്കാം. സമയം രാവിലെ 10 മണി. കൂടുതൽ വിവരങ്ങൾക്ക് admissions.cusat.ac.in, kaushalkendra.cusat.ac.in. ഫോൺ: 0484-2575411

അപ്ലൈഡ് എക്കണോമിക്‌സ്
എം. എ അപ്ലൈഡ് എക്കണോമിക്സ് പ്രോഗ്രാമിലേക്കുള്ള റിയൽ ടൈം അഡ്മിഷൻ 17ന് കുസാറ്റ് അപ്ലൈഡ് എക്കണോമിക്‌സ് വകുപ്പിൽ നടക്കും. രജിസ്ട്രേഷൻ സമയം രാവിലെ 9:30 മുതൽ 10:30 വരെ. കൂടുതൽ വിവരങ്ങൾക്ക് admissions.cusat.ac.in. ഫോൺ: 0484-2862564

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Real-time admission at CUSAT: Cochin University of Science and Technology (CUSAT) has initiated real-time admission procedures. Faculty recruitment at Central University, Kasaragod: Teaching positions are open at the Central University located in Kasaragod.