ആലപ്പുഴ: നൂറനാട് കൈക്കുഞ്ഞടക്കമുള്ള കുടുംബം താമസിക്കുന്ന വീടിന് മുമ്പിൽ പാർട്ടി കൊടി കുത്തി വീട് പൂട്ടിയ സി.പി.എം നേതാക്കളുടെ നടപടിയിൽ പ്രതിഷേധം. ഇവരെ വീട്ടിൽ നിന്നിറക്കിവിട്ട സി.പി.എം ലോക്കൽ സെക്രട്ടറിയുടെ നടപടി ഏകാധിപത്യത്തിന്റെ ഇരുണ്ടകാലത്താണ് നാം സഞ്ചരിക്കുന്നതെന്ന ഓർമപ്പെടുത്തലാണെന്ന് കെ.സി വേണുഗോപാൽ എം.പി  കുറ്റപ്പെടുത്തി.
 
ആദിക്കാട്ട് കുളങ്ങര സ്വദേശി അർഷാദ്, ഭാര്യ റജൂല, ഇവരുടെ രണ്ട് മക്കൾ എന്നിവരടങ്ങുന്ന കുടുംബത്തിനാണ് ദുരവസ്ഥ നേരിട്ടത്. സി.പി.എം പാലമേൽ ലോക്കൽ സെക്രട്ടറി നൗഷാദ്, മുഹമ്മദലി, അൻഷാദ് എന്നിവർക്കെതിരേ  നൂറനാട് പൊലിസിൽ കുടുംബം പരാതി നൽകി. പൊലിസുകാർ സ്ഥലത്തെത്തി വീട് തുറന്നുകൊടുത്തു. കഴിഞ്ഞദിവസം  മക്കളുമായി ദമ്പതികൾ ആശുപത്രിയിൽ പോയി മടങ്ങി വന്നപ്പോഴാണ് വീടുപൂട്ടി കൊടി കുത്തിയതായി കണ്ടത്. വാടകയ്ക്ക് താമസിച്ചിരുന്ന സ്ഥലത്ത് വെള്ളം കയറിയതിനാലാണ് അകന്ന ബന്ധുവിന്റെ വീട്ടിലേക്ക് താമസിക്കാൻ എത്തിയതെന്ന് കുടുംബം പറയുന്നു. 

ALSO READ: അപകടങ്ങള്‍ തുടര്‍ക്കഥ: എങ്ങുമെത്താതെ കെഎസ്ഇബിയുടെ എബിസി ലൈന്‍ പദ്ധതി

2006ൽ പട്ടയ ഭൂമിയായി നൽകിയ സ്ഥലം ഉടമസ്ഥൻ കൈമാറ്റം ചെയ്തത് തങ്ങൾ തടഞ്ഞതാണെന്നാണ് സംഭവത്തിൽ സി.പി.എം പ്രാദേശിക നേതൃത്വം നൽകുന്ന വിശദീകരണം.

Widespread protest has erupted in Nooranad, Alappuzha, after CPM leaders allegedly sealed a family's home, including a newborn baby, by planting a party flag in front of the house and locking it. The incident has sparked outrage across political and social circles.