ദുബൈ: അധിനിവേശ വെസ്റ്റ് ബാങ്കിലെ ഹീബ്രൂണ്‍ നഗരത്തിലെ ഇബ്രാഹിമി പള്ളിയുടെ നിയന്ത്രണം പിടിച്ചെടുക്കാനുള്ള ഇസ്‌റാഈല്‍ പദ്ധതിയെ യു.എ.ഇ ശക്തമായി അപലപിച്ചു. കിരിയാത് അര്‍ബ സെറ്റില്‍മെന്റിലെ ഫലസ്തീന്‍ അധികൃതരില്‍നിന്ന് ജൂത മത കൗണ്‍സിലിന് നിയന്ത്രണം കൈമാറാനുള്ള നീക്കം പള്ളിയുടെ ചരിത്രപരവും നിയമപരവുമായ പദവിയുടെ ഗുരുതര ലംഘനമാണെന്ന് യു.എ.ഇ വിദേശ കാര്യ മന്ത്രാലയം പറഞ്ഞു.

പുണ്യ സ്ഥലങ്ങളുടെ നിലവിലെ സ്ഥിതിയെ മാനിക്കേണ്ടതിന്റെ പ്രാധാന്യം യു.എ.ഇ വിദേശ കാര്യ മന്ത്രാലയം ഊന്നിപ്പറയുകയും അധിനിവിഷ്ട ഫലസ്തീന്‍ പ്രദേശങ്ങളെ അസ്ഥിരപ്പെടുത്താനും സംഘര്‍ഷം ലഘൂകരിക്കാനുള്ള അന്താരാഷ്ട്ര ശ്രമങ്ങളെ ദുര്‍ബലപ്പെടുത്താനും സാധ്യതയുള്ള ഏകപക്ഷീയവും പ്രകോപനപരവുമായ നടപടികള്‍ ആണിതെന്നും, അതിനാല്‍ നീക്കം ഉടനടി നിര്‍ത്തണമെന്നും ആവശ്യപ്പെട്ടു.

പ്രതിരോധ മന്ത്രാലയത്തിന് കീഴില്‍ പ്രവര്‍ത്തിക്കുകയും ഇസ്‌റാഈല്‍ അധിനിവേശ വെസ്റ്റ് ബാങ്ക് നിയന്ത്രിക്കുകയും ചെയ്യുന്ന ഇസ്‌റാഈല്‍ സിവില്‍ അഡ്മിനിസ്‌ട്രേഷനാണ് നിര്‍ദേശം നല്‍കിയിരിക്കുന്നതെന്ന് ഇതുസംബന്ധിച്ച മാധ്യമ റിപ്പോര്‍ട്ടില്‍ പറഞ്ഞു.

ഇബ്രാഹിമി പള്ളി നിലവില്‍ ഫലസ്തീന്‍ ഔഖാഫ്, മത കാര്യ മന്ത്രാലയത്തിന്റെയും ഹീബ്രന്‍ മുനിസിപ്പാലിറ്റിയുടെയും അധികാരത്തിലും ഭരണത്തിലുമാണ്. ഇസ്‌ലാമിലും ജൂത മതത്തിലും ഏറ്റവും ആദരണീയമായ സ്ഥലങ്ങളില്‍ ഒന്നാണീ പള്ളി. 2017ല്‍ യുനെസ്‌കൊ ഇതിനെ ലോക പൈതൃക സ്ഥലമായി നാമനിര്‍ദേശം ചെയ്തിരുന്നു. അതേസമയം, അപകടത്തിലാണെന്ന് യു.എന്‍ സാംസ്‌കാരിക സംഘടന കരുതുന്ന സ്ഥലങ്ങളുടെ പട്ടികയിലും ഇതിനെ ഉള്‍പ്പെടുത്തിയിട്ടുണ്ട്.

യുനെസ്‌കൊയിലെ ഫലസ്തീന്‍ രാഷ്ട്ര സ്ഥിരം പ്രതിനിധി സംഘം ഇസ്‌റാഈലിന്റെ പദ്ധതി 'അപകടകരവും നിയമ വിരുദ്ധവും' എന്ന് വിശേഷിപ്പിച്ചു. പുണ്യസ്ഥലങ്ങള്‍ സംരക്ഷിക്കുന്നതിലും അവയുടെ മതപരവും ചരിത്രപരവുമായ പദവി സംരക്ഷിക്കുന്നതിലും അന്താരാഷ്ട്ര സമൂഹം തങ്ങളുടെ ഉത്തരവാദിത്തങ്ങള്‍ ഉയര്‍ത്തിപ്പിടിക്കണമെന്ന് യു.എ.ഇ ആഹ്വാനം ചെയ്തു.

മിഡില്‍ ഈസ്റ്റിലെ സമാധാന പ്രക്രിയ മുന്നോട്ട് കൊണ്ടുപോകുന്നതിനും ദ്വിരാഷ്ട്ര പരിഹാരത്തെ ദുര്‍ബലപ്പെടുത്തുന്ന നിയമ വിരുദ്ധമായ ആചാരങ്ങള്‍ അവസാനിപ്പിക്കുന്നതിനുമുള്ള എല്ലാ പ്രാദേശിക, അന്തര്‍ദേശീയ ശ്രമങ്ങളെയും പിന്തുണയ്‌ക്കേണ്ടതിന്റെ ആവശ്യകത മന്ത്രാലയം അടിവരയിട്ടു.

 ALSO READ: യുഎഇയിലെ പാനീയങ്ങളുടെ വില ഇനി അതിലെ പഞ്ചസാരയെ ആശ്രയിച്ച്; പഞ്ചസാരയുടെ അളവ് കൂടുന്തോറും നികുതി കൂടും

The United Arab Emirates has expressed its strong condemnation and denunciation of the Israeli plan to transfer authority and administration of the Ibrahimi Mosque from the Palestinian Ministry of Awqaf and Religious Affairs and the Hebron Municipality to the Jewish Religious Council in the Kiryat Arba settlement, which constitutes a grave violation of the historical and legal status quo at the Ibrahimi Mosque.