ബെംഗളൂരു: ധർമ്മസ്ഥലയിൽ നിരവധി സ്ത്രീകളെയും പെൺക്കുട്ടികളെയും ബലാത്സം​ഗം ചെയ്ത് മൃതദേഹങ്ങൾ കത്തിച്ച് കുഴിച്ച്മൂടിയെന്ന   ആരോപണം അന്വേഷിക്കാൻ ഹൈക്കോടതിയിലോ സുപ്രീം കോടതിയിലോ സിറ്റിംഗ് ജഡ്ജിയുടെ മേൽനോട്ടത്തിൽ പ്രത്യേക അന്വേഷണ സംഘം (എസ്‌ഐടി) രൂപീകരിക്കണമെന്ന് ആവശ്യപ്പെട്ട് അഭിഭാഷക സംഘം. മുഖ്യമന്ത്രി സിദ്ധരാമയ്യയുമായി നടന്ന കൂടിക്കാഴ്ചയിലാണ് അഭിഭാഷകർ ആവശ്യം മുന്നോട്ട് വച്ചത്. ധർമ്മസ്ഥലയിലെ ക്ഷേത്രത്തിൽ ജോലി ചെയ്തിരുന്ന മുൻ ശുചിത്വ തൊഴിലാളിയുടെ വെളിപ്പെടുത്തലിന്റെ അടിസ്ഥാനത്തിലാണ് കേസ് പൊലിസ് ​രജിസ്റ്റർ ചെയ്തത്. വെളിപ്പെടുത്തലിൽ കൂട്ടക്കൊല, ബലാത്സംഗം, കൂട്ട ശവസംസ്കാരം എന്നിവ റിപ്പോർട്ട് ചെയ്യപ്പെട്ടതായും മുതിർന്ന അഭിഭാഷകരായ സി.എസ്. ദ്വാരകാനാഥ്, ഉമാപതി എന്നിവരുടെ നേതൃത്വത്തിലുള്ള സംഘം മുഖ്യമന്ത്രിക്ക് നൽകിയ കത്തിൽ ചൂണ്ടിക്കാട്ടി.

നിലവിൽ ഒരു ഡിവൈഎസ്പിയുടെ മേൽനോട്ടത്തിൽ പ്രാദേശിക എസ്ഐ നടത്തുന്ന അന്വേഷണം പുരോഗമിക്കുന്നില്ലെന്ന് അഭിഭാഷകർ ആരോപിച്ചു. ദൃക്സാക്ഷി കൂട്ട സംസ്കാരത്തെക്കുറിച്ച് വെളിപ്പെടുത്തിയിട്ടും മൃതദേഹങ്ങൾ ഇതുവരെ പുറത്തെടുത്തിട്ടില്ല. കുറ്റകൃത്യങ്ങളുടെ ഗൗരവവും ശക്തരായ പ്രതികൾ ഇതിൽ ഉൾപ്പെട്ടിരിക്കാമെന്നതും കണക്കിലെടുത്ത്, അഡീഷണൽ ഡയറക്ടർ ജനറൽ ഓഫ് പൊലിസിന്റെ നേതൃത്വത്തിൽ എസ്‌ഐടി രൂപീകരിക്കണമെന്ന് അവർ ആവശ്യപ്പെട്ടത്. കുറ്റവാളികളെ, അവരുടെ സ്വാധീനം പരിഗണിക്കാതെ, അറസ്റ്റ് ചെയ്ത് കസ്റ്റഡിയിൽ വെച്ച് ചോദ്യം ചെയ്യണമെന്നും വ്യക്തമാക്കി.

ALSO READ: ഇന്ത്യയിലെ വിദ്യാർഥികൾക്ക് ​ഗൂ​ഗിളിന്റെ സമ്മാനം: ജെമിനി എഐ പ്രോ ഒരു വർഷത്തെ സബ്‌സ്‌ക്രിപ്‌ഷൻ സൗജന്യം: ഓഫർ ലഭിക്കാൻ ശ്രദ്ധിക്കേണ്ട കാര്യങ്ങൾ

സാക്ഷി സംരക്ഷണത്തിൽ വീഴ്ച

ധർമ്മസ്ഥലയിൽ നിരവധി സ്ത്രീകളെ ബലാത്സംഗം ചെയ്ത് കൊലപ്പെടുത്തി കുഴിച്ചുമൂടിയെന്ന ആരോപണവുമായി ബന്ധപ്പെട്ട് ദക്ഷിണ കന്നഡ പൊലിസിന് മുന്നിൽ ദുരൂഹതകൾ വർധിക്കുന്നു. മുൻ ശുചിത്വ ജീവനക്കാരനായ ദൃക്സാക്ഷിയുടെ സുരക്ഷ ഉറപ്പാക്കുന്നത് പൊലിസ് വാഗ്ദാനം ചെയ്തിരുന്നെങ്കിലും, അദ്ദേഹത്തിന്റെ സാനിധ്യം അവ്യക്തമാണ്. ബ്രെയിൻ മാപ്പിംഗ്, വിരലടയാള പരിശോധന, നാർക്കോ അനാലിസിസ് എന്നിവയ്ക്ക് കോടതിയിൽ നിന്ന് അനുമതി തേടിയിട്ടുണ്ട്. എന്നാൽ, സാക്ഷി സംരക്ഷണ പദ്ധതി പ്രകാരം ആവശ്യമായ സമ്മതവും സഹകരണവും ലഭിച്ചിട്ടില്ലെന്ന് എസ്പി വ്യക്തമാക്കി.

പരാതിക്കാരന്റെ അഭിഭാഷകൻ എഫ്‌ഐആറിന്റെയും പരാതിയുടെയും വ്യാജ പകർപ്പുകൾ മാധ്യമങ്ങൾക്ക് നൽകിയതിൽ പൊലിസ് ആശങ്ക പ്രകടിപ്പിച്ചു. ഇത് സാക്ഷിയുടെ ഐഡന്റിറ്റി സംരക്ഷിക്കാനുള്ള ശ്രമങ്ങളെ ദുർബലപ്പെടുത്തിയെന്നാണ് ആരോപണം. എന്നാൽ, അവബോധം വളർത്താനാണ് വിവരങ്ങൾ പങ്കിട്ടതെന്ന് അഭിഭാഷകരായ ധീരജ് എസ്‌ജെ, അനന്യ ഗൗഡ എന്നിവർ വാദിച്ചു.

ALSO READ: ഉന്ത് വണ്ടിയിൽ ചായക്കട തുടങ്ങാൻ 6 ലക്ഷം, ചെറിയ സ്റ്റോറിന് 22 ലക്ഷം, കഫെ ആണെങ്കിൽ 43 ലക്ഷവും; ഫ്രാഞ്ചൈസി പ്രഖ്യാപനവുമായി ഡോളി ചായ് വാല

അന്വേഷണം വൈകുന്നു

ജൂലൈ 11-ന് പരാതിക്കാരൻ മജിസ്ട്രേറ്റിന് മുന്നിൽ സത്യവാങ്മൂലം നൽകി, മൃതദേഹങ്ങൾ കുഴിച്ച് മൂടിയ സ്ഥലത്ത് നിന്ന് കണ്ടെടുത്ത മനുഷ്യാവശിഷ്ടങ്ങൾ കൈമാറി. പൊലിസും ഫോറൻസിക് സംഘവും ഇവ സുരക്ഷിതമാക്കി. എന്നാൽ, ജൂലൈ 16 വരെ തുടർനടപടികൾ സ്വീകരിച്ചിട്ടില്ലെന്ന് അഭിഭാഷകർ ആരോപിച്ചു. കേസുമായി ബന്ധപ്പെട്ട ഹരജി സുപ്രീം കോടതിയുടെ പരിഗണനയിലാണ്, എന്നാൽ ഇത് അന്വേഷണ സംഘത്തിന് വെളിപ്പെടുത്തിയിട്ടില്ലെന്ന് പൊലിസ് വ്യക്തമാക്കി.

ധർമ്മസ്ഥലയിൽ ദുരൂഹ സാഹചര്യത്തിൽ തന്റെ  കാണാതായ മകൾ അനന്യ ഭട്ടിന്റെ അസ്ഥികൂടം കണ്ടെത്താൻ സഹായം തേടി അമ്മ സുജാത ഭട്ട് ധർമ്മസ്ഥല പൊലിസിൽ പരാതി നൽകി. സെൻട്രൽ ബ്യൂറോ ഓഫ് ഇൻവെസ്റ്റിഗേഷനിൽ നിന്ന് വിരമിച്ച സ്റ്റെനോഗ്രാഫറായ സുജാത, മകളുടെ തിരോധാനത്തിന്റെ വിശദാംശങ്ങൾ പരാതിയിൽ വിവരിച്ചു. മണിപ്പാൽ മെഡിക്കൽ കോളേജിലെ ഒന്നാം വർഷ എംബിബിഎസ് വിദ്യാർത്ഥിനിയായിരുന്ന അനന്യ, സുഹൃത്തുക്കളോടൊപ്പം ക്ഷേത്രത്തിലേക്ക് യാത്ര ചെയ്തിരുന്നു. എന്നാൽ, യാത്രയ്ക്കിടെ അവളെ കാണാതാവുകയായിരുന്നു.

ALSO READ: നീറ്റ് പരീക്ഷയിൽ തോറ്റു; സിവിൽ സർവീസും കൈവിട്ടു; 20 വയസ്സുകാരി എത്തി നിൽക്കുന്നത് റോൾസ് റോയ്‌സ് കമ്പനിയിലെ 72 ലക്ഷം ശമ്പളത്തോടെയുള്ള ജോലിയിൽ

സുജാതയുടെ അന്വേഷണ ശ്രമങ്ങൾക്ക് പൊലിസിന്റെ എതിർപ്പ് നേരിട്ടു. ബെൽത്തങ്ങാടി പൊലിസ് സ്റ്റേഷനിൽ പരാതി രജിസ്റ്റർ ചെയ്യാൻ വിസമ്മതിച്ച ഉദ്യോഗസ്ഥർ, അനന്യ ഒളിച്ചോടിയെന്ന് ആരോപിച്ചു. ധർമ്മാധികാരി ഡോ. ഡി. വീരേന്ദ്ര ഹെഗ്ഗഡെയെ സമീപിച്ചെങ്കിലും ഫലമുണ്ടായില്ല. ഒരു രാത്രി, ക്ഷേത്രത്തിന് പുറത്ത് ഇരിക്കവേ, വിവരമുണ്ടെന്ന് പറഞ്ഞ് സമീപിച്ചവർ സുജാതയെ തട്ടിക്കൊണ്ടുപോയി, കെട്ടിയിട്ട് ആക്രമിച്ചു. മൂന്ന് മാസം കോമയിൽ കഴിഞ്ഞ അവർ, ബെംഗളൂരുവിലെ ആശുപത്രിയിൽ ചികിത്സയിലായിരുന്നു.

ഇപ്പോൾ, ശുചിത്വ തൊഴിലാളിയുടെ വെളിപ്പെടുത്തലിനെ തുടർന്ന്, മകൾ ഇരകളിൽ ഒരാളായിരിക്കാമെന്ന് സുജാത വിശ്വസിക്കുന്നു. “അനന്യയുടെ അന്ത്യകർമങ്ങൾ അന്തസ്സോടെ നിർവഹിക്കാൻ, അവളുടെ മൃതദേഹം വീണ്ടെടുക്കാൻ സഹായിക്കണം,” സുജാത അധികാരികളോട് അപേക്ഷിച്ചു. ആവശ്യമെങ്കിൽ പോളിഗ്രാഫ് പരിശോധനയ്ക്ക് തയ്യാറാണെന്നും അവർ വ്യക്തമാക്കി.

ALSO READ: വീട്ടിൽ ഉപയോ​ഗിക്കാത്ത പഴയ ​വസ്ത്രങ്ങളുണ്ടോ? എന്നാൽ മൊബൈൽ ആപ്പ് ഉപയോ​ഗിച്ച് വിറ്റ് കാശുണ്ടാക്കാം

In Dharmasthala, allegations of rape and mass burial of women and girls have prompted lawyers to demand a Special Investigation Team (SIT) probe to ensure a thorough and impartial investigation into the shocking claims