ദോഹ: അന്തരിച്ച മുന്‍ മുഖ്യമന്ത്രി ഉമ്മന്‍ ചാണ്ടിയുടെ ഓര്‍മ്മക്കായി ഇന്‍കാസ് ഖത്തര്‍ ഏര്‍പ്പെടുത്തിയ മികച്ച പൊതു പ്രവര്‍ത്തകനുള്ള പ്രഥമ 'ഉമ്മന്‍ ചാണ്ടി ജനസേവാ' പുരസ്‌കാരം അഡ്വ. വി.എസ് ജോയിക്ക്. ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് അവാര്‍ഡ്.

 

 

ഉമ്മന്‍ ചാണ്ടിയുടെ രണ്ടാം ചരമവാര്‍ഷികത്തോടനുബന്ധിച്ച് ഇന്‍കാസ് ഖത്തര്‍ സംഘടിപ്പിക്കുന്ന ഉമ്മന്‍ ചാണ്ടി അനുസ്മരണ പരിപാടിയില്‍വച്ച് അവാര്‍ഡ് വിതരണംചെയ്യും. നാളെ (ജൂലൈ 18 വെള്ളിയാഴ്ച) വൈകിട്ട് ആറു മണിക്ക് അബു ഹമൂറിലുള്ള ഐ.സി.സി അശോകാ ഹാളില്‍ വച്ചാണ് പരിപാടി നടക്കുക. നോര്‍ക്ക റൂട്‌സ് ഡയറക്ടര്‍ ജെ.കെ മേനോന്‍ പുരസ്‌കാരം സമ്മാനിക്കും. ഖത്തറിലെ സാമൂഹിക, സാംസ്‌കാരിക രംഗത്തെ പ്രമുഖര്‍ ചടങ്ങില്‍ പങ്കെടുക്കും. 

പ്രമുഖ എഴുത്തുകാരി സുധാ മേനോന്‍, ഇന്‍കാസ് ഉപദേശക സമിതി ചെയര്‍മാന്‍ ജോപ്പച്ചന്‍ തെക്കെക്കൂറ്റ്, ഇന്‍കാസ് ഖത്തര്‍ പ്രസിഡന്റ് ഹൈദര്‍ ചുങ്കത്തറ എന്നിവരടങ്ങിയ സമിതിയാണ് അവാര്‍ഡ് ജേതാവിനെ തിരഞ്ഞെടുത്തതെന്ന് സംഘാടക സമിതി വാര്‍ത്താസമ്മേളനത്തില്‍ അറിയിച്ചു.

ഹൈദര്‍ ചുങ്കത്തറ, ജോപ്പച്ചന്‍ തെക്കെക്കൂറ്റ്, അനുസ്മരണ സമിതി ചെയര്‍മാന്‍ കെ.വി ബോബന്‍, ഇന്‍കാസ് ട്രഷറര്‍ വി.എസ് അബ്ദുല്‍ റഹ്മാന്‍, കോര്‍ഡിനേറ്റര്‍ ബഷീര്‍ തുവാരിക്കല്‍ തുടങ്ങിയവര്‍ വാര്‍ത്താ സമ്മേളനത്തില്‍ സംബന്ധിച്ചു.

VS Joy receives Incas Qatar Award in memory of Oommen Chandy