സനാ: യമന്‍ ജയിലില്‍ വധശിക്ഷയ്ക്ക് വിധിക്കപ്പെട്ട് കഴിയുന്ന നിമിഷപ്രിയയെ മോചിപ്പിക്കാനുള്ള ശ്രമങ്ങള്‍ ശക്തമായി തുടരുന്നതിനിടെ മലയാള മാധ്യമങ്ങളെ നിശിതമായി വിമര്‍ശിച്ച് കൊല്ലപ്പെട്ട തലാലിന്റെ സഹോദരന്‍. മലയാള മാധ്യമങ്ങള്‍ നിമിഷപ്രിയയെ കുറ്റവാളിയാക്കുന്നതിന് പകരം ഒരു പാവമായി ചിത്രീകരിക്കുകയാണെന്നും തങ്ങളുടെ നിലപാട് ശക്തമാക്കുകയാണെന്നും തലാലിന്റെ സഹോദരന്‍ അബ്ദുല്‍ ഫത്താഹ് മഹ്ദി സമൂഹമാധ്യമത്തില്‍ പങ്കുവെച്ച പോസ്റ്റില്‍ പറയുന്നു. അറബിയിലും മലയാളത്തിലും എഴുതിയ ഈ പോസ്റ്റിനൊപ്പം മലയാള മാധ്യമങ്ങളിലെ വാര്‍ത്തകളുടെ സ്‌ക്രീന്‍ഷോട്ടുകളും പങ്കുവെച്ചിട്ടുണ്ട്.

ഫൈസല്‍ നിയാസ് എന്നയാളുടെ ഫേസ്ബുക്ക് പോസ്റ്റും തലാലിന്റെ സഹോദരന്‍ പങ്കുവെച്ചിട്ടുണ്ട്. മലയാള മാധ്യമങ്ങളുടെ റിപ്പോര്‍ട്ടിംഗ് തലാലിന്റെ കുടുംബത്തെ ചൊടിപ്പിക്കുന്നുവെന്ന് ഫൈസല്‍ നിയാസ് പറയുന്നു.

ALSO READ: തലാലിന്റെ കുടുംബം പൊറുക്കുമോ നിമിഷപ്രിയയോട്?;  പ്രതീക്ഷ കൈവിടാതെ ചര്‍ച്ച തുടരുന്നു

അബ്ദുല്‍ ഫത്താഹിന്റെ ഫേസ്ബുക്ക് പോസ്റ്റ്

ഇതുവരെ ഇന്ത്യന്‍ മീഡിയ, പ്രത്യേകിച്ചും കേരള മീഡിയ, കുറ്റക്കാരിയായ നിമിഷ പ്രിയയെ കുറ്റവാളിയെന്നതിനു പകരം ഒരു പാവമെന്ന നിലയില്‍ ചിത്രീകരിക്കാന്‍ ശ്രമിക്കുന്നു. അവള്‍ നടത്തിയ അതിക്രമവും, ക്രൂരവും, മനുഷ്യത്വരഹിതവുമായ കുറ്റകൃത്യം ഇവര്‍ അകറ്റുകയും ഒതുക്കുകയും ചെയ്യുന്നു.

ഞങ്ങള്‍ പൊതുജനങ്ങളെ പറഞ്ഞു കൊടുക്കുന്നു: ഇന്ത്യന്‍ മീഡിയയില്‍ പ്രചരിക്കുന്ന പ്രചാരണങ്ങള്‍ സത്യം മാറ്റുന്നില്ല. മറിച്ചും, അതിനാല്‍ ഞങ്ങളുടെ നിലപാട് കൂടുതല്‍ ശക്തമാകുന്നു — കുറ്റവാളിക്കെതിരെയുള്ള വിധിയാകുന്ന ഖത്തല്‍ ശിക്ഷ നടപ്പാക്കപ്പെടണം എന്നത് ഞങ്ങളുടെ അവകാശമാണ്.