കൊല്ലം: കൊല്ലം തേവലക്കര ബോയ്‌സ് എച്ച് .എസ്.എസിലെഎട്ടാം ക്ലാസ് വിദ്യാർത്ഥി ഷോക്കേറ്റ് മരിച്ച സംഭവം വേദനാജനകമെന്ന്  വിദ്യാഭ്യാസ മന്ത്രി വി. ശിവൻ കുട്ടി. പൊതുവിദ്യാഭ്യാസ ഡയരക്ടർ സംഭവസ്ഥലം സന്ദർശിക്കുമെന്നും മന്ത്രി വ്യക്തമാക്കി. കേരളത്തിന്റെ മകനെയാണ് നഷ്ടമായത്. മാപ്പർഹിക്കാത്ത തെറ്റ്. തിരുത്താനാവാവാത്ത നഷ്ടമാണെന്നും മന്ത്രി ചൂണ്ടിക്കാട്ടി. 

സംഭവത്തിൽ വീഴ്ച അന്വേഷിക്കുമെന്ന് വൈദ്യുതി മന്ത്രി വ്യക്തമാക്കി. വകുപ്പിന്റെ ഭാഗത്ത് നിന്ന് നഷ്ടമുണ്ടെങ്കിൽ നടപടി സ്വീകരിക്കും. അന്വേഷണം നടത്താൻ ഡെപ്യൂട്ടി ചീഫ് എഞ്ചിനീയർക്ക് നിർദ്ദേശം നൽകിയിട്ടുണ്ട്. ഉടൻ തന്നെ രിപ്പോർട്ട് സമർപ്പിക്കാനും നിർദ്ദേശിച്ചിട്ടുണ്ട്.

ഇന്ന് രാവിലെയാണ് അപകടമുണ്ടായത്. എട്ടാം ക്ലാസ് വിദ്യാർഥി മിഥുൻ (13) ആണ് മരിച്ചത്.  സ്‌കൂൾ കെട്ടിടത്തിന് മുകളിൽ നിന്നാണ് അപകടമുണ്ടായത്. കെട്ടിടത്തിന് മുകളിൽ വീണ് ചെരുപ്പ് അടുക്കാൻ ശ്രമിക്കുകയായിരുന്നു മിഥുൻ.

ALSO READ: സ്‌കൂളില്‍ നിന്ന് കളിക്കുന്നതിനിടെ ഷോക്കേറ്റു; കൊല്ലത്ത് എട്ടാം ക്ലാസുകാരന് ദാരുണാന്ത്യം

ഇന്ന് രാവിലെ സ്‌കൂളിൽ നിന്ന് കളിക്കുന്നതിനിടെ മിഥുന്റെ ചെരുപ്പ് കെട്ടിടത്തിന്റെ മേൽക്കൂരയിലെ ഷീറ്റിന് മുകളിലേക്ക് വീഴുകയായിരുന്നു. ഇതെടുക്കാനായി മിഥുൻ ഷീറ്റിന് മുകളിലേക്ക് കയറി. ആ സമയത്ത് വൈദ്യുതി ലൈനിൽ നിന്നാണ് കുട്ടിക്ക് ഷോക്കേറ്റത്. 

കെ.എസി.ഇ.ബിയുടെ ലൈൻ ഷീറ്റിന് മുകളിലേക്ക് താഴ്ന്നാണ് കിടക്കുന്നതെന്ന് നാട്ടുകാർ പറയുന്നു. അതിനാലാണ് വിദ്യാർഥിക്ക് ഷോക്കേറ്റതെന്നും ഇവർ ചൂണ്ടിക്കാട്ടുന്നു. കെ.എസ്.ഇ.ബിയിൽ പരാതിപ്പെട്ടിട്ടും കാര്യമുണ്ടായില്ലെന്നും അനാസഥയാണെന്നും നാട്ടുകാർ ആരോപിച്ചു.

Education Minister V. Sivankutty calls the death of an 8th-grade student in Kollam's Thevalakkara Boys HSS a heartbreaking tragedy. The boy was electrocuted while retrieving a shoe from a school rooftop. Government orders probe into alleged negligence by KSEB.