ഗോതമ്പ് മാവ് നമ്മുടെ വീടുകളില്‍ എപ്പോഴും ഉണ്ടാവുന്ന ഒന്നാണ്. ചപ്പാത്തിക്കു വേണ്ടിയും മറ്റു പലഹാരങ്ങള്‍ക്കുമൊക്കെ നമ്മള്‍ കഴിക്കുന്നതാണ് ഗോതമ്പ് മാവ്. എന്നാല്‍ ഇതുകൊണ്ട് വളരെ എളുപ്പത്തില്‍ രുചികരമായൊരു ഹല്‍വ റെഡിയാക്കാം. കുട്ടികള്‍ക്കും മുതിര്‍ന്നവര്‍ക്കുമൊക്കെ ഇഷ്ടമാവും രുചികരമായ ഈ ഹല്‍വ. 

ചേരുവ


ഗോതമ്പു മാവ്- അരകപ്പ്
നെയ്യ്- കാല്‍ കപ്പ്
പഞ്ചസാര - ആവശ്യത്തിന്

ALSO READ: എന്താണ് ടേബിള്‍ മാനേഴ്‌സ്..? ഭക്ഷണം കഴിക്കാന്‍ ഒരു റസ്റ്ററന്റില്‍ പോയാല്‍ എങ്ങനെയാണ് കഴിക്കേണ്ടത്..?  ഒരു വിരുന്നിന് പോയാല്‍ എങ്ങനെയാണ് കഴിക്കേണ്ടത്..?  അല്ലെങ്കില്‍ നിര്‍ബന്ധമായും അറിഞ്ഞിരിക്കേണ്ട ടേബിള്‍ മാനേഴ്‌സ് എന്തൊക്കെയാണ്..?

ഉണ്ടാക്കുന്ന വിധം

ചുവടു കട്ടിയുള്ള ഒരു പാനില്‍ ഗോതമ്പ് മാവ് ചൂടാക്കുക. ചെറിയ ചൂടില്‍ 5-6 മിനിറ്റ് വറുത്തെടുത്ത് ഇതിലേക്ക് നെയ്യൊഴിച്ചു വീണ്ടും വറുക്കുക. 
അഞ്ചോ ആറോ മിനിറ്റ് വേവിക്കുക. തുടര്‍ന്ന് ഇളക്കുകയും വേണം. മാവിന്റെ നിറം സ്വര്‍ണ നിറമാകുമ്പോള്‍ ഇതിലേക്ക് പഞ്ചസാരയും വെള്ളവും ചേര്‍ത്ത് കട്ടിയാകുന്നതു വരെ വേവിക്കുക. പാകമായാല്‍ ഇറക്കി വയ്ക്കുക. അലങ്കരിക്കണമെങ്കില്‍ ഡ്രൈഫ്രൂട്ട്‌സ് കട്ട് ചെയ്തു വയ്ക്കാവുന്നതാണ്. അടിപൊളി രുചിയില്‍ ഹല്‍വ റെഡി. ചൂടോടെയോ തണുപ്പിച്ചോ നിങ്ങള്‍ക്കിഷ്ടമുള്ള പോലെ കഴിക്കാവുന്നതാണ്.