മനാമ: ബഹ്‌റൈനില്‍ നിയമവിരുദ്ധ തൊഴിലാളികളെ കണ്ടെത്താനുള്ള പരിശോധന കര്‍ശനമാക്കി. ഈ മാസം 13 നും 19 നും ഇടയില്‍ ആകെ 1,132 പരിശോധനകളാണ് നടത്തിയത്. ഇതില്‍ 12 അനധികൃത തൊഴിലാളികളെ കസ്റ്റഡിയിലെടുക്കുകയും 89 പേരെ നാടുകടത്തുകയും ചെയ്തതായി ബഹ്‌റൈന്‍ ലേബര്‍ മാര്‍ക്കറ്റ് റെഗുലേറ്ററി അതോറിറ്റി (Labour Market Regulatory Authority - LMRA) അറിയിച്ചു.

എല്ലാ ഗവര്‍ണറേറ്റുകളിലുമായി 1,117 പരിശോധന സന്ദര്‍ശനങ്ങളും വിവിധ മന്ത്രാലയങ്ങളുടെ ഏകോപനത്തോടെ 15 സംയുക്ത റെയ്ഡുകളും നടത്തിയതായും എല്‍എംആര്‍എ അറിയിച്ചു. തലസ്ഥാനമായ ബഹ്‌റൈനില്‍ ഗവര്‍ണറേറ്റില്‍ ഒരു റെയ്ഡും മുഹറഖ് ഗവര്‍ണറേറ്റിലെ ആറു റെയ്ഡും വടക്കന്‍ ഗവര്‍ണറേറ്റിലും തെക്കന്‍ ഗവര്‍ണറേറ്റിലും നാലുവീതവും ഉള്‍പ്പെടെ 15 ജോയിന്റ് കാംപയിനുകള്‍ക്ക് പുറമെ  എല്ലാ ഗവര്‍ണറേറ്റുകളിലെയും വിവിധ കടകളില്‍ 1,117 പരിശോധനകളും നടത്തിയതായി അതോറിറ്റി ചൂണ്ടിക്കാട്ടി.

ബഹ്‌റൈനിന്റെ സാമ്പത്തിക, സാമൂഹിക സുരക്ഷ സംരക്ഷിക്കുന്നതിനൊപ്പം തൊഴില്‍ വിപണി സ്ഥിരതയും മത്സരശേഷിയും നിലനിര്‍ത്തുന്നതിനുള്ള തുടര്‍ച്ചയായ ശ്രമങ്ങളുടെ ഭാഗമാണ് ഇത്തരം റെയ്ഡുകളെന്ന് എല്‍എംആര്‍എ പ്രസ്താവനയില്‍ പറഞ്ഞു.

ദേശീയത, പാസ്‌പോര്‍ട്ട്, റെസിഡന്‍സ് അഫയേഴ്‌സ് (എന്‍.പി.ആര്‍.എ), ഗവര്‍ണറേറ്റിന്റെ അതത് പോലീസ് ഡയറക്ടറേറ്റ്, കോസ്റ്റ് ഗാര്‍ഡ് ഹെഡ്ക്വാര്‍ട്ടേഴ്‌സ്, ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ്, വ്യവസായ, വാണിജ്യ മന്ത്രാലയം, ആരോഗ്യ മന്ത്രാലയം, മുനിസിപ്പാലിറ്റി അഫയേഴ്‌സ് ആന്‍ഡ് അഗ്രികള്‍ച്ചര്‍ മന്ത്രാലയം, സോഷ്യല്‍ ഇന്‍ഷുറന്‍സ് ഓര്‍ഗനൈസേഷന്‍ എന്നിവയാണ് പ്രചാരണങ്ങളില്‍ പങ്കെടുത്ത സര്‍ക്കാര്‍ സ്ഥാപനങ്ങള്‍.

നിയമവിരുദ്ധമായ തൊഴില്‍ രീതികള്‍ കൈകാര്യം ചെയ്യുന്നതില്‍ സര്‍ക്കാര്‍ ഏജന്‍സികളുടെ ശ്രമങ്ങളെ പിന്തുണയ്ക്കാന്‍ ലേബര്‍ മാര്‍ക്കറ്റ് റെഗുലേറ്ററി അതോറിറ്റി സമൂഹത്തിലെ എല്ലാ അംഗങ്ങളോടും ആഹ്വാനം ചെയ്തു. അതോറിറ്റിയുടെ വെബ്‌സൈറ്റില്‍ www.lmra.gov.bh എന്ന ഇലക്ട്രോണിക് ഫോം വഴി ലംഘനങ്ങള്‍ റിപ്പോര്‍ട്ട് ചെയ്യുകയോ അതോറിറ്റിയുടെ കോള്‍ സെന്ററില്‍ 17506055 എന്ന നമ്പറിലോ അല്ലെങ്കില്‍ ഗവണ്‍മെന്റിന്റെ നിര്‍ദ്ദേശങ്ങളും പരാതികളും സിസ്റ്റം (തവസുല്‍) വഴിയോ വിളിക്കുകയോ ചെയ്യണമെന്നും അധികൃതര്‍ അറിയിച്ചു.

ALSO READ: മൂല്യം അറിഞ്ഞ് നാട്ടിലേക്ക് പണമയക്കാം; ഇന്നത്തെ രൂപയും മറ്റ് കറന്‍സികളും തമ്മിലെ വിനിമയ നിരക്ക് | India Rupee Value

The Labour Market Regulatory Authority (LMRA) announced the implementation of 1,132 inspection campaigns and visits from July 13-19, which resulted in the detention of 12 violating and irregular workers, while 89 violators were deported