ഇംഗ്ലണ്ടിനെതിരായ അഞ്ചു ടെസ്റ്റ് മത്സരങ്ങളുടെ പരമ്പരയിൽ മികച്ച ഫോമിൽ കളിക്കുന്ന ഇന്ത്യൻ വിക്കറ്റ് കീപ്പർ ബാറ്റർ റിഷബ് പന്തിനെ പുകഴ്ത്തി മുൻ ഇന്ത്യൻ താരം സുരേഷ് റെയ്‌ന. പന്തിനെ ഇന്ത്യൻ ടീമിന്റെ നട്ടെല്ലെന്നാണ് റെയ്‌ന വിശേഷിപ്പിച്ചത്. 

"റിഷബ് പന്ത് ഇന്ത്യൻ ടെസ്റ്റ് ടീമിന്റെ നട്ടെല്ലാണ്. അദ്ദേഹത്തിന്റെ ബാറ്റിംഗ് മികവും സ്റ്റമ്പിന് പിന്നിൽ നിന്നുകൊണ്ട് നിരന്തരമായുള്ള സംസാരിക്കുന്നതും എതിർ ടീമിലെ ബാറ്റർമാരെ   സമ്മർദത്തിൽ നിലനിർത്തുന്നു" റെയ്‌ന ഇന്ത്യ ടുഡേയോട് പറഞ്ഞു. 

മൂന്ന് ടെസ്റ്റ് മത്സരങ്ങളിൽ നിന്നും 70.83 എന്ന മികച്ച ശരാശരിയിൽ 425 റൺസ് ആണ് പന്ത് നേടിയിട്ടുള്ളത്. ഇംഗ്ലണ്ടിനെതിരായ ആദ്യ ടെസ്റ്റിൽ തകർപ്പൻ പ്രകടനമാണ് പന്ത് പുറത്തെടുത്തത്. രണ്ട് ഇന്നിംഗ്സുകളിലും സെഞ്ച്വറി നേടിയാണ് പന്ത് തിളങ്ങിയത്. ആദ്യ ഇന്നിങ്സിൽ 178 പന്തിൽ 12 ഫോറുകളും ആറ് സിക്സുകളും അടക്കം 134 റൺസ് ആണ് പന്ത് നേടിയത്. രണ്ടാം ഇന്നിങ്സിൽ 140 പന്തിൽ 118 റൺസും താരം സ്വന്തമാക്കി. 15 ഫോറുകളും മൂന്ന് സിക്സുകളും അടങ്ങുന്നതായിരുന്നു പന്തിന്റെ പ്രകടനം. 

ആദ്യ മത്സരത്തിൽ നടത്തിയ തകർപ്പൻ പ്രകടനങ്ങൾക്ക് പിന്നാലെ ഐസിസി ടെസ്റ്റ് റാങ്കിങ്ങിലും മികച്ച മുന്നേറ്റവുമായി ഇന്ത്യൻ വിക്കറ്റ് കീപ്പർ റിഷബ് പന്ത്. റാങ്കിങ്ങിൽ ഏഴാം സ്ഥാനത്തേക്കാണ് പന്ത് കുതിച്ചുയർന്നത്. 800 പോയിന്റുമായാണ് പന്ത് പട്ടികയിൽ മികച്ച മുന്നേറ്റം നടത്തിയത്. ഇന്ത്യൻ ക്രിക്കറ്റിന്റെ ചരിത്രത്തിൽ ഇതാദ്യമായാണ് ഒരു വിക്കറ്റ് കീപ്പർ 800 പോയിന്റുകൾ കരസ്ഥമാക്കുന്നത്. 

നിലവിൽ പരമ്പരയിൽ മൂന്ന് മത്സരങ്ങൾ പിന്നിട്ടപ്പോൾ ഇന്ത്യ 2-1ന് പുറകിലാണ്. നാലാം മത്സരം നാലാം ടെസ്റ്റ് മത്സരം ജൂലൈ 23 മുതൽ 27 വരെ മാഞ്ചസ്റ്ററിലാണ് നടക്കുന്നത്.

Former Indian cricketer Suresh Raina has praised Indian wicketkeeper-batsman Rishabh Pant who is in excellent form in the five-Test series against England Raina described Pant as the backbone of the Indian team