ഷാർജ: ഷാർജയിൽ ഫ്ലാറ്റിനുള്ളിൽ മരിച്ച നിലയിൽ കണ്ടെത്തിയ കൊല്ലം സ്വദേശി അതുല്യയുടെ ഫോറൻസിക്ക്  പരിശോധനഫലം ഇന്ന് ലഭിക്കുമെന്നാണ് പ്രതീക്ഷിക്കുന്നത്. പരിശോധനഫലം ലഭിച്ചതിനുശേഷം ആയിരിക്കും  ഷാർജ പൊലിസ് തുടർ നടപടികൾ സ്വീകരിക്കുക. നേരത്തെ തന്നെ അതുല്യയുടെ ഭർത്താവ് സതീഷിനെതിരെ സഹോദരി അഖില ഷാർജത്തിൽ പരാതി നൽകിയിരുന്നു.

അതുല്യയുടെ മൃതദേഹം നാട്ടിലേക്ക് കൊണ്ടുവരുന്നതിനായുള്ള നടപടികൾ ബന്ധുക്കൾ ആരംഭിച്ചിട്ടുണ്ട്. ഇതിന് ഭർത്താവ് സതീഷ് സമ്മതിച്ചില്ലെങ്കിൽ സഹോദരി അഖിലക്ക് പവർഓഫ് അറ്റോണി നൽകി മൃതദേഹം നാട്ടിലെത്തിക്കാൻ സാധിക്കും അതുല്യയുടെ മരണത്തിൽ നാട്ടിൽ മാതാപിതാക്കൾ നൽകിയ പരാതിയിൽ ചവറ തെക്കുംഭാഗം പോലീസ് സ്റ്റേഷനിൽ ഭർത്താവായ സതീഷിനെതിരെ നേരത്തെ തന്നെ കേസ് രേഖപ്പെടുത്തിയിരുന്നു. തെക്കുംഭാഗം സിഐയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഈ കേസ് അന്വേഷിക്കുന്നത് 

ജൂലൈ 19നാണ് അതുല്യയെ ഫ്ലാറ്റിൽ മരിച്ച നിലയിൽ കണ്ടെത്തിയത് സംഭവം നടക്കുന്ന ഒരു ദിവസങ്ങൾക്കു മുമ്പ് ഭർത്താവായ് സതീഷിൽ നിന്നുണ്ടായ മാനസിക, ശാരീരിക പീഡനങ്ങളുടെ വിവരം ഫോണിലൂടെ അമ്മയെയും ബന്ധുക്കളെയും അതുല്യ അറിയിച്ചിരുന്നു. 

Atulyas incident Forensic examination results may be received today