പനജി: എ ഐ കെ എം സി സി ദേശീയ കമ്മിറ്റി സംഘടിപ്പിക്കുന്ന ദ്വിദിന ശിൽപശാല ഈ മാസം 29,30 തിയ്യതികളിൽ ഗോവയിൽ നടക്കും. കാൻഡോളിം ഹിൽട്ടൺ ഗോവ റിസോർട്ടിൽ നടക്കുന്ന പരിപാടി മുസ്ലിംലീഗ് ദേശീയ സെക്രട്ടറി പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. എ ഐ കെ എം സി സി ദേശീയ പ്രസിഡൻ്റ് കെ കുഞ്ഞുമോൻ ഹാജി അധ്യക്ഷത വഹിക്കും. മുസ്‌ലിം ലീഗ് കേരള സംസ്ഥാന സെക്രട്ടറിയും എ ഐ കെ എം സി സി നിരീക്ഷകനുമായ അബ്ദുറഹിമാൻ രണ്ടത്താണി മുഖ്യപ്രഭാഷണം നടത്തും. ഷരീഫ് സാഗർ, എസ് വി മുഹമ്മദലി മാസ്റ്റർ, പി വി അഹമ്മദ് സാജു എന്നിവർ സെഷനുകൾക്ക് നേതൃത്വം നൽകും. ദേശീയ സെക്രട്ടറി ഡോ എം എ അമീറലി പദ്ധതി രൂപരേഖ അവതരിപ്പിക്കും. ഖലീൽ ഹുദവി കാസർകോഡ് പ്രാർത്ഥന നിർവഹിക്കും. ജനറൽ സെക്രട്ടറി എം കെ നൗഷാദ് സ്വാഗതവും ട്രഷറർ കെ എം അബ്ദുറഹ്മാൻ നന്ദിയും പറയും.

കേരളത്തിന് പുറത്ത് ഇന്ത്യയിലെ വിവിധ സംസ്ഥാനങ്ങളിൽ പ്രവർത്തിക്കുന്ന കെ എം സി സി കമ്മിറ്റികളുടെ പ്രവർത്തനങ്ങൾ ഒരു കുടക്കീഴിൽ കൊണ്ടുവരിക എന്ന ഉദ്ദേശ്യത്തോടെയാണ് 2017 ൽ ദേശീയതലത്തിൽ എ ഐ കെ എം സി സി ക്ക് രൂപം നൽകിയത്. വിവിധ സംസ്ഥാനങ്ങളിൽ ഇതിനോടകം നിരവധി പ്രവർത്തനങ്ങൾ നടത്താൻ ഈ സംവിധാനത്തിനു കഴിഞ്ഞിട്ടുണ്ട്. പുതിയ കാലത്തെ വെല്ലുവിളികൾ നേരിടാൻ പറ്റുന്ന തരത്തിൽ സംഘടനാ സംവിധാനം പരിവർത്തിപ്പിക്കുന്നതിനും അതുവഴി മാതൃസംഘടനയുടെ സന്ദേശം പരമാവധി അടിസ്ഥാന തലത്തിൽ എത്തിക്കുന്നതിനും വിവിധ സംസ്ഥാനങ്ങളിൽ പ്രവർത്തിക്കുന്ന കാരുണ്യ സംവിധാനങ്ങൾ വിപുലപ്പെടുത്തുന്നതിനുമായുള്ള ചർച്ചകളാണ് ശിൽപശാലയിൽ നടക്കുക.കർണാടക, തമിഴ്നാട്, മഹാരാഷ്ട്ര, പോണ്ടിച്ചേരി,ഡൽഹി, ആന്തമാൻ, തെലുങ്കാന,ഗുജറാത്ത്, പശ്ചിമ ബംഗാൾ, ആസാം, ബീഹാർ, ചത്തീസ്ഘട്, ഗോവ, രാജസ്ഥാൻ, ആന്ധ്രപ്രദേശ് സംസ്ഥാനങ്ങളിൽ നിന്നായി 104 പ്രതിനിധികൾ ശിൽപശാലയിൽ പങ്കെടുക്കും.

പരിപാടിയുടെ ഒരുക്കങ്ങൾ ഗോവയിൽ ചേർന്ന സംഘാടക സമിതി യോഗം വിലയിരുത്തി. എ ഐ കെ എം സി സി ദേശീയ സെക്രട്ടറി ഡോ എം എ അമീറലി ഉദ്ഘാടനം ചെയ്തു. ഗോവ എസ് ടി സി എച്ച് പ്രസിഡൻ്റ് പി അബ്ദുല്ല അധ്യക്ഷത വഹിച്ചു. ഹുമയൂൺ കബീർ, ബി എം നൗഷാദ്, സൈഫ് ചെർക്കള, സി എ അഷ്റഫ് ,ഹംസ സാഗർ, സുബൈർ കെ സംസാരിച്ചു. സി മുഹമ്മദ് സ്വാഗതവും സി അബൂബക്കർ നന്ദിയും പറഞ്ഞു.

The AI KM CCI is hosting a two-day national workshop in Goa, bringing together experts, enthusiasts, and professionals to explore advancements in artificial intelligence and knowledge management. The event features interactive sessions, discussions, and networking opportunities to foster innovation and collaboration