ദുബൈ: വീട്ടുജോലിക്കാരിയെ മർദിച്ച് കൊലപ്പെടുത്തിയ കേസിൽ ദമ്പതികൾക്ക് വധശിക്ഷ വിധിച്ച് കുവൈത്ത് കോടതി.ജഡ്ജി അബ്ദുൽവഹാബ് അൽ മുഅയ്‌ലിയുടെ അധ്യക്ഷതയിൽ തിങ്കളാഴ്ച ക്രിമിനൽ കോടതി പുറപ്പെടുവിച്ച വിധിന്യായ പ്രകാരം, ദമ്പതികൾ നിയമവിരുദ്ധമായി തടവിൽ വെക്കൽ, വടികൊണ്ട് ആവർത്തിച്ചുള്ള മർദനം, വൈദ്യസഹായം നിഷേധിക്കൽ, ബലമായി ജോലി ചെയ്യിപ്പിക്കൽ തുടങ്ങിയ കുറ്റങ്ങൾ ചെയ്തിട്ടുണ്ടെന്ന് കണ്ടെത്തി. 

കോടതി രേഖകൾ പ്രകാരം, ദേശീയത വെളിപ്പെടുത്താത്ത ഇരയെ ദമ്പതികളുടെ വീട്ടിൽ ബലമായി തടവിൽ വെച്ചു. അവർ തുടർച്ചയായ മർദനം ഏറ്റുവാങ്ങുകയും, ആരോഗ്യം വഷളായിട്ടും ചികിത്സ തേടുന്നതിൽ നിന്ന് വിലക്കപ്പെടുകയും ചെയ്തു.

ALSO READ: 2025 ആദ്യ പകുതിയിൽ ദുബൈ വിമാനത്താവളത്തിലെത്തിയത് 46 ദശലക്ഷം യാത്രക്കാർ: മുൻ വർഷത്തെ അപേക്ഷിച്ച് 2.3% വർധന

പരുക്കുകൾക്ക് കീഴടങ്ങുന്നതുവരെ ദമ്പതികൾ അവളെ ജോലിയിൽ തുടരാൻ നിർബന്ധിച്ചുവെന്ന് പ്രോസിക്യൂട്ടർമാർ പറഞ്ഞു. കുവൈത്തിൽ വധശിക്ഷ ലഭിക്കാവുന്ന കുറ്റമായ മരണത്തിലേക്ക് നയിച്ച ആക്രമണം എന്ന കുറ്റ പ്രകാരമാണ് കോടതി ദമ്പതികളെ കുറ്റക്കാരായി കണ്ടെത്തിയത്.

കൊലപാതകക്കുറ്റം ചുമത്തി ദമ്പതികളെ 21 ദിവസത്തേക്ക് വിചാരണയ്ക്ക് മുമ്പുള്ള തടങ്കലിൽ വയ്ക്കാൻ നേരത്തെ പബ്ലിക് പ്രോസിക്യൂഷൻ ഉത്തരവിട്ടിരുന്നു. പ്രതികൾ, "മനപ്പൂർവ്വം വീട്ടുജോലിക്കാരിയെ ആവർത്തിച്ച് മർദ്ദിക്കുകയും ഒടുവിൽ അവളുടെ മരണത്തിന് കാരണമാവുകയും ചെയ്തു" എന്ന് പ്രസ്താവിച്ചുകൊണ്ട് പരമാവധി ശിക്ഷ നൽകണമെന്ന് പ്രോസിക്യൂഷൻ ആവശ്യപ്പെട്ടു.

കുവൈത്തിലെ വീട്ടുജോലിക്കാരുടെ ദുരവസ്ഥയെക്കുറിച്ചുള്ള ആശങ്കകൾ ഉയർന്നുവരുന്ന സാഹചര്യത്തിലായിരുന്നു ഈ കേസ്. 2023-ന്റെ തുടക്കത്തിൽ, ഒരു ഫിലിപ്പിനോ ജോലിക്കാരിയെ കുവൈത്തിലെ ഒരു കൗമാരക്കാരൻ ബലാത്സംഗം ചെയ്ത് കൊലപ്പെടുത്തി മൃതദേഹം കത്തിച്ച സംഭവം വലിയ വിവാദങ്ങൾക്ക് വഴിവെച്ചിരുന്നു.

ALSO READ: അൽ ഐനിലെ അൽ സദ്ദ് പ്രദേശത്തുണ്ടായ തീപിടുത്തം നിയന്ത്രണവിധേയമാക്കി

2023 ജനുവരി 22-ന് സൽമിയയിൽ ഒരു സ്ത്രീയുടെ കത്തിക്കരിഞ്ഞ ശരീരം അധികാരികൾ കണ്ടെത്തി. ഫോറൻസിക് പരിശോധനയിൽ, അവർ ബലാത്സംഗം ചെയ്ത് കൊലപ്പെടുത്തിയതായി കണ്ടെത്തി. ശേഷം കുറ്റം മറച്ചുവെക്കാൻ ശരീരം കത്തിച്ചതായും തെളിഞ്ഞു. സംഭവത്തിലെ പ്രതി ഇര ജോലി ചെയ്തിരുന്ന വീട്ടിലെ ഒരാളായിരുന്നു. 

ഈ ക്രൂരമായ കൊലപാതകം, ഫിലിപ്പിനോ തൊഴിലാളികൾക്ക് മതിയായ സംരക്ഷണം ലഭിക്കാത്തതിനാൽ, ഫിലിപ്പീൻസ് സർക്കാർ കുവൈത്തിലേക്ക് വീട്ടുജോലിക്കാരെ അയക്കുന്നത് താൽക്കാലികമായി നിരോധിക്കുന്നതിന് കാരണമായി.

A Kuwaiti court has sentenced a husband and wife to death for beating and killing a domestic worker. According to the verdict issued by the Criminal Court on Monday, presided over by Judge Abdulwahab Al-Muaili, the couple were found to have committed crimes including unlawful imprisonment, repeated beatings with sticks, denial of medical care, and forced labor.