ഫുജൈറ: മൂന്ന് വർഷങ്ങൾക്ക് മുമ്പ്, 27 വർഷത്തിനിടയിലെ ഏറ്റവും ശക്തമായ മഴയെ തുടർന്ന് ഫുജൈറയിൽ ഉണ്ടായ അഭൂതപൂർവമായ വെള്ളപ്പൊക്കം ഇന്നും താമസക്കാരുടെ മനസ്സിനെ പിടിച്ചുലക്കുന്നുണ്ട്. തുടയോളം വെള്ളത്തിലൂടെ നിവാസികൾ നടന്ന ആ ദിനങ്ങൾ, ദുരന്തത്തിന്റെ ദുരിതപൂർണമായ ഓർമകൾ ഇന്നും ബാക്കിയാക്കുന്നു.

ALSO READ: ഓഗസ്റ്റിൽ യുഎഇയിൽ ഇന്ധന വില കുറയുമോ? കൂടുതലറിയാം

രണ്ട് ദിവസത്തെ തുടർച്ചയായ മഴയിൽ ഫുജൈറ തുറമുഖ സ്റ്റേഷനിൽ 255.2 മില്ലിമീറ്റർ മഴ രേഖപ്പെടുത്തി, ഇത് യുഎഇയിൽ ജൂലൈ മാസത്തിൽ രേഖപ്പെടുത്തിയ ഏറ്റവും ഉയർന്ന തോതായിരുന്നു. മസാഫിയിൽ 209.7 മില്ലിമീറ്ററും ഫുജൈറ വിമാനത്താവളത്തിൽ 187.9 മില്ലിമീറ്ററും മഴ ലഭിച്ചു. വെള്ളപ്പൊക്കം അടിസ്ഥാന സൗകര്യങ്ങളിൽ വൻനാശം വിതച്ചു. ഒട്ടേറെ താമസക്കാർ ഹോട്ടലുകളിലേക്ക് മാറിയെങ്കിലും, ആവശ്യകത വർധിച്ചതോടെ ഹോട്ടൽ നിരക്കുകൾ കുത്തനെ ഉയർന്നു.

ദുരന്തത്തിന്റെ തുടർദിനങ്ങളിൽ, വെള്ളപ്പൊക്കത്തിൽ ഒഴുകിപ്പോയ കാറുകൾ മറിഞ്ഞുവീഴുന്ന ദൃശ്യങ്ങൾ ഞെട്ടലുണ്ടാക്കി. റിക്കവറി ടീമുകൾ വാഹനങ്ങൾ നീക്കംചെയ്യാൻ ശ്രമിക്കുന്ന കാഴ്ചകൾ പലരും വീഡിയോയിൽ പകർത്തിയിരുന്നു.

വെള്ളപ്പൊക്കത്തിൽ ഏഴ് ഏഷ്യൻ വംശജർ മരിച്ചതായി യുഎഇ ആഭ്യന്തര മന്ത്രാലയം സ്ഥിരീകരിച്ചിരുന്നു. ഫെഡറൽ സെൻട്രൽ ഓപ്പറേഷൻസ് ഡയറക്ടർ ജനറലായ ബ്രിഗേഡിയർ ജനറൽ ഡോ. അലി സലേം അൽ തുനൈജി ഇക്കാര്യം സ്ഥിരീകരിച്ചിരുന്നു.

ALSO READ: ദുബൈയിലാണോ? സാലികുമായി ബന്ധപ്പെട്ട് നിങ്ങൾ അറിയേണ്ടതെല്ലാം

"എമിറേറ്റുകളിലെ വെള്ളപ്പൊക്കത്തിൽ ആറ് ഏഷ്യൻ പൗരന്മാരെ മരിച്ചനിലയിൽ കണ്ടെത്തി. ഇരകളുടെ കുടുംബങ്ങളോട് ആഭ്യന്തര മന്ത്രാലയം അനുശോചനം രേഖപ്പെടുത്തുന്നു." അദ്ദേഹം അന്ന് പറഞ്ഞുവെച്ചതിങ്ങനെയാണ്. ദുരന്തത്തെ നേരിടാൻ രാഷ്ട്രനേതാക്കൾ ഒന്നിച്ചുനിന്നു. സൈന്യത്തിന്റെ സഹായത്തോടെ നടത്തിയ രക്ഷാപ്രവർത്തനങ്ങളിൽ വടക്കൻ എമിറേറ്റുകളിൽനിന്ന് ഏകദേശം 900 പേരെ രക്ഷപ്പെടുത്തി. ഫുജൈറയിലും ഷാർജയിലും 3,897-ലധികം ആളുകളെയാണ് താൽക്കാലിക ഷെൽട്ടറുകളിൽ പാർപ്പിച്ചത്.

Three years after the devastating floods in Fujairah, residents continue to recall the traumatic impact and lasting damage. The disaster remains fresh in memory, highlighting the region’s vulnerability to extreme weather.