ബെം​ഗളൂരു: എറണാകുളം കോടനാട്ടിൽ അന്നമ്മയെ (74) ക്രൂരമായി കൊലപ്പെടുത്തിയ കേസിലെ പ്രതി പിടിയിൽ. ബെംഗളൂരുവിൽ നിന്നാണ് 24 വയസ്സുകാരനായ അദ്വൈത് ഷിബുവിനെ പൊലിസ് അറസ്റ്റ് ചെയ്തത്. അന്നമ്മയുടെ അയൽവാസിയായ പ്രതി, ഒറ്റയ്ക്കാണ് കൊലപാതകം നടത്തിയതെന്ന് പൊലിസ് വ്യക്തമാക്കി.

പോസ്റ്റ്‌മോർട്ടം റിപ്പോർട്ടിൽ കൊലപാതകം സ്ഥിരീകരിച്ചതിനെ തുടർന്ന് എസ്.പി.യുടെ നേതൃത്വത്തിലുള്ള പ്രത്യേക സംഘവും കോടനാട് പൊലിസും സംയുക്തമായി നടത്തിയ അന്വേഷണത്തിലാണ് പ്രതിയെ വേഗത്തിൽ കണ്ടെത്തിയത്. കൊലപാതകത്തിന് ശേഷം അന്നമ്മയുടെ സ്വർണാഭരണങ്ങൾ മോഷ്ടിച്ച് അദ്വൈത് ബെംഗളൂരുവിലേക്ക് കടന്നുകളയുകയായിരുന്നു.

പ്രതിയുടെ അമ്മയും അന്നമ്മയും തമ്മിൽ നേരത്തെ തർക്കങ്ങൾ ഉണ്ടായിരുന്നു. അന്നമ്മ, അദ്വൈതിന്റെ അമ്മയെ വഴക്കു പറഞ്ഞതിന്റെ വൈരാഗ്യമാണ് കൊലപാതകത്തിന് പിന്നിലെന്ന് പൊലീസ് പറഞ്ഞു. തുടക്കത്തിൽ ഇതരസംസ്ഥാന തൊഴിലാളിയാണ് കൊലപാതകത്തിന് പിന്നിലെന്ന് സംശയിച്ചെങ്കിലും, അന്നമ്മയുടെ പരിസരം നന്നായി അറിയാവുന്ന ആളാണ് പ്രതിയെന്ന നിഗമനത്തിൽ പൊലിസ് അന്വേഷണം കേന്ദ്രീകരിച്ചു. പ്രദേശത്തെ സി.സി.ടി.വി. ദൃശ്യങ്ങളും പോസ്റ്റ്‌മോർട്ടം റിപ്പോർട്ടിൽ നിന്നുള്ള സൂചനകളും പ്രതിയെ കുടുക്കുന്നതിൽ നിർണായകമായി.

ALSO READ: പെരിന്തൽമണ്ണയിൽ യുവതിയെ കൂട്ടബലാത്സംഗത്തിനിരയാക്കി; ആറുപേർ അറസ്റ്റിൽ

അന്നമ്മയുടെ ശരീരത്തിൽ ബലപ്രയോഗത്തിന്റെ പാടുകൾ കണ്ടെത്തിയിരുന്നു. കൈ, മുഖം, തല എന്നിവിടങ്ങളിൽ പരുക്കുകളും, സ്വർണവളകളും കമ്മലും ബലമായി ഊരിയെടുത്തതായും പോസ്റ്റ്‌മോർട്ടം റിപ്പോർട്ടിൽ വ്യക്തമായി. പതിവുപോലെ വീടിന് സമീപമുള്ള ജാതിത്തോട്ടത്തിൽ ജാതിക്കായ് ശേഖരിക്കാനിറങ്ങിയ അന്നമ്മ, രാത്രി വൈകിയും തിരിച്ചെത്താത്തതിനെ തുടർന്ന് നടത്തിയ തിരച്ചിലിൽ തോട്ടത്തിൽ മരിച്ച നിലയിൽ കണ്ടെത്തുകയായിരുന്നു. അന്നമ്മയുടെ ദിനചര്യ മനസ്സിലാക്കിയ പ്രതി, മുൻകൂട്ടി ആസൂത്രണം ചെയ്താണ് കൊലപാതകം നടത്തിയതെന്ന് പൊലിസ് വ്യക്തമാക്കി. അന്വേഷണം തുടരുകയാണ്.

In Kodanad, Ernakulam, 24-year-old Adwaith Shibu was arrested in Bengaluru for the murder of 74-year-old Annamma, a neighbor. Driven by revenge over Annamma scolding his mother, Adwaith killed her, stole her gold ornaments, and fled. Police, using CCTV footage and post-mortem evidence, swiftly nabbed him. Annamma’s body, found in a nearby plantation, showed signs of assault