ഇന്ത്യ-ഇംഗ്ലണ്ട് അവസാന ടെസ്റ്റ് മത്സരത്തിൽ ഇന്ത്യ ആവേശകരമായ വിജയമാണ് സ്വന്തമാക്കിയത്. ഓവലിൽ നടന്ന അഞ്ചാം ടെസ്റ്റിന്റെ അവസാന ദിനം ഇംഗ്ലണ്ടിന്റെ അവസാന നാല് വിക്കറ്റുകൾ വീഴ്ത്തിയാണ് ത്രില്ലിങ് വിജയം നേടിയത്. ഈ വിജയത്തോടെ അഞ്ച് മത്സരങ്ങളടങ്ങിയ പരമ്പര 2-2 എന്ന നിലയിൽ സമനിലയിലാക്കാൻ ഇന്ത്യക്ക് സാധിച്ചു. 

മത്സരശേഷം പരമ്പരയിൽ ഇംഗ്ലണ്ട് ടീമിന്റെ പ്രകടങ്ങളെക്കുറിച്ച് ഇംഗ്ലീഷ് നായകൻ ബെൻ സ്റ്റോക്സ് സംസാരിച്ചിരുന്നു. പരമ്പരയിൽ ടീം മികച്ച പ്രകടനമാണ് നടത്തിയതെന്നാണ് ബെൻ സ്റ്റോക്സ് പറഞ്ഞത്. ആഷസിൽ ഓസ്‌ട്രേലിയക്കെതിരെ മികച്ച പ്രകടനം നടത്താൻ സാധിക്കുമെന്നും ബെൻ സ്റ്റോക്സ് ആത്മവിശ്വാസം പ്രകടിപ്പിക്കുകയും ചെയ്തു.

''പരമ്പരയിലുടനീളം ഞങ്ങൾക്ക് മികച്ച പ്രകടനം നടത്താൻ സാധിച്ചു. ഇനി ഞങ്ങൾ ഓസ്‌ട്രേലിയയിലേക്ക് പോവുകയാണ്. അവിടെ ഞങ്ങൾ മികച്ച പ്രകടനങ്ങൾ കാഴ്ചവെക്കാനാണ് ആഗ്രഹിക്കുന്നത്. ഇതിനായി ഞാൻ ആകാംക്ഷയോടെ കാത്തിരിക്കുകയാണ്" ബെൻ സ്റ്റോക്സ് ബിബിസിയോട് പറഞ്ഞു. 

നവംബർ 21 മുതലാണ് ആഷസ് പരമ്പരക്ക് തുടക്കമാവുന്നത്. തോളിന് പരുക്കേറ്റത്തിന് പിന്നാലെ ബെൻ സ്റ്റോക്സ് ഇന്ത്യക്കെതിരായ അവസാന ടെസ്റ്റിൽ കളിച്ചിരുന്നില്ല. അതേസമയം മത്സരത്തിന്റെ രണ്ടാം ഇന്നിങ്സിൽ മുഹമ്മദ് സിറാജിന്റെ അഞ്ച് വിക്കറ്റും പ്രസിദ്ധ് കൃഷ്ണയുടെ നാല് വിക്കറ്റും ആണ് ഇന്ത്യയ്ക്ക് അവിസ്മരണീയമായ വിജയം സമ്മാനിച്ചത്. മത്സരത്തിൽ 374 റൺസ് വിജയലക്ഷ്യവുമായി ബാറ്റിങ് ആരംഭിച്ച ഇംഗ്ലണ്ട്, അവസാന ദിനത്തിൽ ആറ് വിക്കറ്റ് ശേഷിക്കെ 339 റൺസ് എന്ന നിലയിൽ ബാറ്റിങ് തുടരുകയായിരുന്നു.

 

ഇംഗ്ലണ്ടിന് വിജയിക്കാൻ വേണ്ടിയിരുന്നത് 35 റൺസ് മാത്രമായിരുന്നു. ജാമി ഓവർട്ടൺ പ്രസിദ്ധ് കൃഷ്ണയുടെ ആദ്യ രണ്ട് പന്തുകളും ബൗണ്ടറി കടത്തി ഇംഗ്ലണ്ടിന്റെ പ്രതീക്ഷകൾ ഉയർത്തി. എന്നാൽ, തൊട്ടടുത്ത ഓവറിൽ മുഹമ്മദ് സിറാജ് ജാമി സ്മിത്തിനെ (2) പുറത്താക്കി മത്സരത്തിന്റെ ഗതി മാറ്റി. 80-ാം ഓവറിൽ ഓവർട്ടനെ (9) വിക്കറ്റിന് മുന്നിൽ കുടുക്കിയ സിറാജ്, ഇന്ത്യയുടെ വിജയസാധ്യതകൾ വർധിപ്പിച്ചു. 

11 പന്തുകൾ പ്രതിരോധിച്ച ജോഷ് ടങ്ങിന്റെ കുറ്റി 12-ാം പന്തിൽ പ്രസിദ്ധ് തെറിപ്പിച്ചതോടെ മത്സരം കൂടുതൽ ആവേശകരമാവുകയായിരുന്നു. തോളിന് പരിക്കേറ്റ ക്രിസ് വോക്സ് ക്രീസിലെത്തിയെങ്കിലും, ഗസ് ആറ്റ്കിൻസൺ ഇംഗ്ലണ്ടിനെ മുന്നോട്ട് നയിക്കാൻ ശ്രമിച്ചു. എന്നാൽ, 86-ാം ഓവറിൽ ആറ്റ്കിൻസനെ ക്‌ളീൻ ബൗൾഡാക്കി സിറാജ് ഇന്ത്യയ്ക്ക് ആവേശകരമായ വിജയം സമ്മാനിക്കുകയായിരുന്നു. 

India secured a thrilling victory in the final Test match between India and England. They took the last four wickets of England on the final day of the fifth Test at The Oval. After the match, England captain Ben Stokes spoke about the England team's performance in the series. Ben Stokes said that the team performed well in the series.