റിയാദ്: ആലപ്പുഴയിലെ പുന്നപ്രയില്‍ വാഹനാപകടത്തില്‍ മരിച്ച മകനെ അവസാനമായി കാണാനാകാത്തതിന്റെ ദുഃഖത്തിലാണ് പ്രവാസിയായ അബ്ദുല്‍ സലാം. പാസ്‌പോര്‍ട്ട് പുതുക്കാന്‍ വൈകിയത് കാരണം സലാമിന് തന്റെ മകന്‍ മുഹമ്മദ് സമിലിനെ അവസാനമായി ഒരു നോക്ക് കാണാനായില്ല. റിയാദിലാണ് നീര്‍ക്കുന്നം സ്വദേശിയായ അബ്ദുല്‍ സലാം ജോലി ചെയ്യുന്നത്. 

ALSO READ: ചാവക്കാട് സ്വദേശി അബൂദബിയിൽ അന്തരിച്ചു

തീവ്ര ദുഃഖത്തിലായ ഉറ്റവരെ ആശ്വസിപ്പിക്കാനായി സുഹൃത്തുക്കളുടെയും മറ്റും സഹായത്തോടെ അബ്ദുല്‍ സലാം ഇന്നലെ ഒമാന്‍ എയര്‍ലൈന്‍സില്‍ നാട്ടിലെത്തി. സഊദിയിലെ സാമൂഹ്യ പ്രവര്‍ത്തകനായ ശിഹാബ് കൊട്ടുകാടിന്റെ സഹായത്തോടെ ഇന്നലെ അവധി ദിനം ആയിരുന്നിട്ട് കൂടി ഇന്ത്യന്‍ എംബസിയുമായി ബന്ധപ്പെട്ട് പാസ്‌പോര്‍ട്ട് പുതുക്കിയതോടെ സലാമിന്റെ യാത്ര സാധ്യമാവുകയായിരുന്നു. 

ഈസ്റ്റ് വെനീസ് അസോസി യേഷന്‍ ഭാരവാഹികളായ സജാദ് സലീം, ആന്റണി വിക്ടര്‍, നിസാര്‍ മുസ്തഫ, ഹാഷിം ചീയാപള്ളി, രാജേഷ് ഗോപിനാഥന്‍, സുരേഷ് കുമാര്‍, ആസിഫ് ഇഖ്ബാല്‍, റിയാദ് ടാക്കീസ് പ്രതിനിധി ഷൈജു എന്നിവര്‍ അബ്ദുല്‍ സാലമിനെ യാത്രയാക്കാനായി വിമാനത്താവളത്തില്‍ എത്തിയിരുന്നു. 

ALSO READ: 30 വർഷത്തിലധികമായി ഒമാനിലെ പ്രവാസി; അവധിക്ക് നാട്ടിൽ എത്തിയപ്പോൾ മരത്തിൽനിന്ന് വീണു മരിച്ചു 

കഴിഞ്ഞ വെള്ളിയാഴ്ചയാണ് ബന്ധുവുമായി പോകവേ സമില്‍ സഞ്ചരിച്ചിരുന്ന സൈക്കിളില്‍ കാര്‍ വന്നിടിക്കുന്നത്. ഗുരുതര പരുക്കുകളോടെ വണ്ടാനം മെഡിക്കല്‍ കോളേജില്‍ പ്രവേശിപ്പിച്ചെങ്കിലും സമിലിന്റെ ജീവന്‍ രക്ഷിക്കാനായില്ല.

a malayali expatriate couldn't see his son, who died in a car accident, for the last time due to a delayed passport renewal, highlighting the importance of timely documentation.