ഇന്ത്യയിലെ ഏറ്റവും ജനപ്രിയ ഇലക്ട്രിക് സ്‌കൂട്ടറുകളിൽ ഒന്നായി ടിവിഎസ് ഐക്യൂബ് മാറി. ഇപ്പോൾ ഇതാ ഐക്യൂബിന്  പിന്നാലെ ടിവിഎസ് മോട്ടോർ കമ്പനി പുതിയൊരു ഇലക്ട്രിക് സ്‌കൂട്ടർ വിപണിയിൽ അവതരിപ്പിക്കാൻ ഒരുങ്ങുകയാണ്. 'ഓർബിറ്റർ' എന്ന പേരിലായിരിക്കും പുറത്തിറക്കുക. കഴിഞ്ഞ വർഷം ടിവിഎസ് പേര് ട്രേഡ്മാർക്ക് ചെയ്തിരുന്നു. ഇത് തന്നെ ഉപയോഗിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇലക്ട്രിക് ടൂ-വീലർ വിപണിയിൽ കനത്ത മത്സരമാണ് രാജ്യത്ത് നടക്കുന്നത്. ഈ സാഹചര്യത്തിൽ കൂടുതൽ താങ്ങാനാവുന്ന വിലയിൽ പുതിയ മോഡൽ അവതരിപ്പിച്ച് വിപണി വിഹിതം വർധിപ്പിക്കാനാണ് ടിവിഎസ് കമ്പനിയുടെ ലക്ഷ്യം.

ALSO READ: ടിവിഎസ് ഓർബിറ്റർ vs ഏഥർ റിസ്ത: ഈ ഓണത്തിന് ഏത് ഇല്ക്ടിക് സ്കൂട്ടർ വാങ്ങാം?

 

 

ALSO READ: മികച്ച സാങ്കേതിക വിദ്യകളും സർവീസും: ആളുകളുടെ ഇഷ്ട സ്കൂട്ടറായി മാറി ടിവിഎസ് ജുപ്പിറ്റർ; ജൂലൈയിൽ വിറ്റഴിച്ചത് 1.24 ലക്ഷം യൂണിറ്റുകൾ

നിലവിൽ ടിവിഎസ് ഐക്യൂബ് ശ്രേണിയിലെ സ്‌കൂട്ടറുകൾ ഏകദേശം ₹1 ലക്ഷം മുതൽ ₹1.59 ലക്ഷം വരെയാണ് (എക്സ്-ഷോറൂം) വില. എന്നാൽ, പുതിയ ഓർബിറ്റർ, ഐക്യൂബിന് താഴെ സ്ഥാനം പിടിക്കുന്ന എൻട്രി-ലെവൽ മോഡലായിരിക്കും. ഇതിന്റെ വില ₹1 ലക്ഷത്തിൽ താഴെയായിരിക്കുമെന്നാണ് പ്രതീക്ഷ. ബജാജ് ചേതക്, ഓല S1 X തുടങ്ങിയവയുടെ താഴ്ന്ന വേരിയന്റുകളുമായി ഓർബിറ്റർ നേരിട്ട് മത്സരിക്കും.

ALSO READ: കൊച്ചിയിൽ പെൺസുഹൃത്തിനെ ഹോസ്റ്റലിൽ കൊണ്ടു വിടാൻ എത്തിയ യുവാവിന് നേരെ സദാചാര ആക്രമണം; അക്രമികൾക്കൊപ്പം സഹായത്തിനായി വിളിച്ച പൊലിസും കൂട്ട് നിന്നതായി പരാതി

ഫ്യൂച്ചറിസ്റ്റിക് ഡിസൈനും നൂതന സവിശേഷതകളും

കഴിഞ്ഞ ജൂണിൽ ടിവിഎസ് ഇന്തോനേഷ്യൻ വിപണിയിൽ രജിസ്റ്റർ ചെയ്ത ഡിസൈൻ പേറ്റന്റ്, ഈ സ്‌കൂട്ടറിന്റെ രൂപഘടനയെക്കുറിച്ച് സൂചന നൽകുന്നു. ഫ്യൂച്ചറിസ്റ്റിക് ഡിസൈൻ, സ്ലീക്ക് ബോഡി പാനലുകൾ, ഉയർന്ന വിൻഡ്‌സ്‌ക്രീൻ, ഹൊറിസോണ്ടൽ എൽഇഡി ഡിആർഎൽ, ഇന്റഗ്രേറ്റഡ് ടേൺ ഇൻഡിക്കേറ്ററുകൾ, ഫ്ലാറ്റ് ഫ്ലോർബോർഡ്, സ്പ്ലിറ്റ് ഗ്രാബ് റെയിലുകൾ, ടെലിസ്‌കോപ്പിക് ഫോർക്കുകൾ എന്നിവ ഇതിന്റെ പ്രത്യേകതകളാണ്. നൂതനമായ മിഡ്-മൗണ്ടഡ് ഇലക്ട്രിക് മോട്ടോർ ഈ സ്‌കൂട്ടറിൽ ഉപയോഗിക്കുമെന്നും റിപ്പോർട്ടുകൾ സൂചിപ്പിക്കുന്നു. ഹബ്-മൗണ്ടഡ് മോട്ടോറുകളെ അപേക്ഷിച്ച് മെച്ചപ്പെട്ട ഭാരവിതരണവും ശാന്തമായ റൈഡും കാര്യക്ഷമമായ പ്രകടനവും ഇത് ഉറപ്പാക്കും.

ALSO READ: ടോൾ പ്ലാസകളിൽ ടെൻഷൻ വേണ്ട: ഇലക്ട്രിക് വാഹനങ്ങൾക്ക് സൗജന്യ യാത്ര പ്രഖ്യാപിച്ച് സംസ്ഥാനം

ഇന്ത്യൻ വിപണിയിൽ ഉത്സവ സീസണിൽ വിൽപ്പന വർധിപ്പിക്കാനുള്ള കമ്പനിയുടെ സുവർണാവസരമാണ് ഇപ്പോൾ. ഈ സാഹചര്യം മുതലെടുത്താവണം ഓഗസ്റ്റ് 28-ന് ടിവിഎസ് ഓർബിറ്റർ വിപണിയിൽ അവതരിപ്പിക്കുന്നത്. സർക്കാർ സബ്സിഡികൾ കുറയുന്നതും പണപ്പെരുപ്പം വർധിക്കുന്നതും വാഹന നിർമാതാക്കൾക്ക് വെല്ലുവിളി സൃഷ്ടിക്കുന്നുണ്ട്. എന്നാൽ, മത്സരാധിഷ്ഠിത വിലയിൽ പുതിയ ഓർബിറ്റർ അവതരിപ്പിച്ച് ടിവിഎസ് ഈ വെല്ലുവിളികളെ മറികടക്കുമെന്നാണ് പ്രതീക്ഷ. കൂടുതൽ വിവരങ്ങൾ ഓഗസ്റ്റ് 28-ന് ലോഞ്ചിനോടൊപ്പം വെളിപ്പെടുത്തും. ഇലക്ട്രിക് വാഹന വിപണിയിൽ ടിവിഎസിന്റെ ഈ പുതിയ നീക്കം എത്രമാത്രം വിജയിക്കുമെന്ന് കാത്തിരുന്ന് കാണാം.

ALSO READ: കോച്ചിങ് ഇല്ലാതെ 21-ാം വയസ്സിൽ ഐപിഎസ്, 22-ൽ ഐഎഎസ്: പ്രതിസന്ധികളെ തോല്പിച്ച ദിവ്യ തൻവാറിന്റെ വിജയഗാഥ

TVS Motor Company is set to launch a new electric scooter priced under ₹1 lakh within the next two days, offering an affordable and eco-friendly mobility solution for Indian consumers