കൊച്ചി: സംസ്ഥാനത്ത് സ്വര്‍ണവിലയില്‍ വന്‍ വര്‍ധന. ഗ്രാമിന് 85 രൂപയുടേയും  680 രൂപയുടേയും വര്‍ധനയാണ് ഇന്നുണ്ടായിരിക്കുന്നത്. സംസ്ഥാനത്ത് ആദ്യമായി പവന്‍ സ്വര്‍ണത്തിന്റെ വില 77,000 കടന്നിരിക്കുകയാണ്.

കഴിഞ്ഞ കുറച്ചു ദിവസങ്ങളായി വിലയില്‍ കുതിപ്പ് തന്നെയാണ് കണ്ടിരുന്നത്. ശനിയാഴ്ചയും സ്വര്‍ണവില റെക്കോര്‍ഡ് വിലയായിരുന്നു. 76,960 രൂപയായിരുന്നു 22 കാരറ്റില്‍ ഒരു പവന്‍ സ്വര്‍ണത്തിന്. 1200 രൂപയാണ് ശനിയാഴ്ച ഒറ്റയടിക്ക് വര്‍ധിച്ചത്. കഴിഞ്ഞ ഒമ്പത് ദിവസത്തിനിടെ സ്വര്‍ണത്തിന് 4000 രൂപയുടെ വര്‍ധനയാണ് ഉണ്ടായത്. വരും ദിവസങ്ങളിലും കേരളത്തില്‍ സ്വര്‍ണവില ഉയരാന്‍ തന്നെയാണ് സാധ്യതയെന്നാണ് പ്രവചനങ്ങള്‍. വൈകാതെ സ്വര്‍ണം പവന് ലക്ഷം തൊടുമോ എന്നാണ് ഇപ്പോള്‍ ഉപഭോക്താക്കളുടെ ആശങ്ക. 

ഇന്ത്യന്‍ രൂപയുടെ മൂല്യത്തകര്‍ച്ചയാണ് സ്വര്‍ണവില വലിയ തോതില്‍ ഇവിടെ കൂടാന്‍ കാരണമായി ചൂണ്ടിക്കാട്ടുന്നത്. രാജ്യാന്തര തലത്തിലും സ്വര്‍ണവിലയില്‍ കുതിപ്പ് തന്നെയാണ് രേഖപ്പെടുത്തുന്നത്.  വിപണിയില്‍ രൂപപ്പെട്ട ആശങ്കയാണ് ഇതിന് ഇടയാക്കുന്നത്. ഇതിന് പുറമേ അമേരിക്ക തുടങ്ങി വച്ച താരിഫ് പോര്, പലിശ നിരക്ക് കുറയ്ക്കുമെന്ന പ്രചാരണം എന്നിവയെല്ലാം സ്വര്‍ണവില കൂടുന്നതിന് കാരണമായിട്ടുണ്ടെന്ന് വിദഗ്ധര്‍ ചൂണ്ടിക്കാട്ടുന്നു. 

ഇന്നത്തെ വില അറിയാം
22 കാരറ്റ് സ്വര്‍ണം ഗ്രാമിന് 85 രൂപയാണ് കേരളത്തില്‍ ഇന്ന് കൂടിയിരിക്കുന്നത്. ഒരു ഗ്രാമിന്റെ ഇന്നത്തെ വില 9705 രൂപയായി. 22 കാരറ്റില്‍ പവനാകട്ടെ 680 രൂപ വര്‍ധിച്ച് 77640 രൂപയിലെത്തി. രാജ്യത്ത് ഇന്നുവരെ രേഖപ്പെടുത്തിയതില്‍ ഏറ്റവും ഉയര്‍ന്ന നിരക്കാണിത്. 

18 കാരറ്റ് സ്വര്‍ണം ഗ്രാമിന് ഇന്ന് 70 രൂപവര്‍ധിച്ച് 7941 രൂപയും  പവന് 560 കൂടി 63,528  രൂപയുമായി. 14 കാരറ്റ് സ്വര്‍ണം ഗ്രാമിന് 6205 രൂപയും 9 കാരറ്റ് ഗ്രാമിന് 4005 രൂപയുമാണ് ഇന്നത്തെ നിരക്ക്.  അതേസമയം, കാരറ്റ് കുറഞ്ഞ സ്വര്‍ണത്തിലെ ആഭരണങ്ങള്‍ക്ക് പണിക്കൂലി കൂടുതലാണ്. വലിയ ആഭരണങ്ങള്‍ ലഭിക്കുകയില്ല എന്നൊരു പ്രശ്‌നം കൂടിയുണ്ട് ഇതിന്. നിത്യോപയോഗത്തിനുള്ള ആഭരണങ്ങള്‍ മാത്രമാണ് കുറഞ്ഞ കാരറ്റില്‍ ലഭിക്കുന്നത്. വെള്ളിയുടെ വിലയും കുതിക്കുകയാണ്. ഒരു ഗ്രാമിന് 2 രൂപ വര്‍ധിച്ച് 130 രൂപയിലെത്തി. വെള്ളി വിലയിലെ റെക്കോര്‍ഡാണിത്. 

24 കാരറ്റ്
ഗ്രാമിന് 93 രൂപ കൂടി 10,588 ആയി
പവന് 744 കൂടി 84,704 ആയി

22 കാരറ്റ്
ഗ്രാമിന് 85 രൂപ കൂടി 9,705
പവന് 680 രൂപ കൂടി 77,640

18 കാരറ്റ്
ഗ്രാമിന് 70 രൂപ കൂടി 7,941
പവന് 560 രൂപ 63,528

gold prices in kerala saw a sharp hike today, with an increase of ₹85 per gram and ₹680 per sovereign. for the first time, the price of one sovereign has crossed ₹77,000 in the state.