പാലക്കാട്: നടന്‍ ശ്രീജിത്ത് രവി സ്‌കൂള്‍ വിദ്യാര്‍ഥിനികളെ അപമാനിച്ചെന്ന പരാതിയില്‍ അന്വേഷണത്തില്‍ വീഴ്ച വരുത്തിയതിന് ഒറ്റപ്പാലം സ്റ്റേഷനിലെ സിവില്‍ പൊലിസ് ഓഫിസര്‍ രാജശേഖരന് സസ്‌പെന്‍ഷന്‍. എസ്.ഐ എ ആദംഖാന്‍ ഉള്‍പ്പെടെ മൂന്നു പേര്‍ക്കെതിരേ വകുപ്പുതല അന്വേഷണത്തിനും ജില്ലാ പൊലിസ് മേധാവി ഉത്തരവിട്ടു. കഴിഞ്ഞ 27 ന് ലഭിച്ച പരാതിയില്‍ പൊലിസ് അന്വേഷണം ശരിയായ രീതിയില്‍ നടന്നില്ലെന്ന് കലക്ടര്‍ പി. മേരിക്കുട്ടിയുടെ നിര്‍ദേശപ്രകാരം ഒറ്റപ്പാലം സബ് കലക്ടര്‍ പി. ബി നൂഹ് നടത്തിയ അന്വേഷണത്തില്‍ തെളിഞ്ഞിരുന്നു. കാലതാമസം വരുത്തിയെന്നും പരാതിക്കാരോടു മോശമായി പെരുമാറിയെന്നും കേസ് മൂടിവെക്കാന്‍ ശ്രമിച്ചെന്നുമാണു കണ്ടെത്തല്‍.