കൊച്ചി: ഇന്ത്യയിലെ വാഹന വിപണിയിൽ ശക്തമായ വളർച്ച കൈവരിക്കുന്നതിന് തെളിവാണ് എംജി മോട്ടോഴ്സ് ഓഗസ്റ്റ് മാസത്തിൽ നേടിയ റെക്കോർഡ് വിൽപ്പന. കഴിഞ്ഞ വർഷം ഇതേ മാസത്തെ 4,323 യൂണിറ്റുകളുമായി താരതമ്യപ്പെടുത്തുമ്പോൾ 52 ശതമാനം വളർച്ചയോടെ 6,587 യൂണിറ്റുകൾ വിറ്റഴിച്ചാണ് കമ്പനി നേട്ടം സ്വന്തമാക്കിയത്. വിൻഡ്സർ ഇവിയും കൊമറ്റ് ഇവിയുമാണ് ഈ വളർച്ചയ്ക്ക് മുൻനിരയിൽ നിന്ന് സഹായിച്ചത്. എംജി മോട്ടോഴ്സിന് താങ്ങും തണലുമായി നിന്നത് എന്നും പറയാം.

ALSO READ: കാൽനടയാത്രക്കാരനെ എഐജിയുടെ വാഹനം ഇടിച്ചിട്ടു; പരുക്കേറ്റയാളെ പ്രതിയാക്കി പൊലിസിന്റെ നടപടി

ഡിമാൻഡ് വർധിച്ച് വിൻഡ്സർ ഇവി

ഹാച്ച്ബാക്ക്, എംപിവി, കോംപാക്റ്റ് എസ്‌യുവി എന്നിവയുടെ സവിശേഷതകൾ ചേർന്ന അതുല്യ ഡിസൈനാണ് വിൻഡ്സർ ഇവിയുടെ പ്രത്യേകത. മുൻവശത്ത് സ്പ്ലിറ്റ് ലൈറ്റിംഗ് ഡിസൈൻ, എൽഇഡി ഡേടൈം റണ്ണിംഗ് ലൈറ്റുകൾ, പ്രൊജക്ടർ ഹെഡ്‌ലൈറ്റുകൾ, ഇല്യുമിനേറ്റഡ് എംജി ലോഗോ എന്നിവ വാഹനത്തിന് ​ആകർഷകമായ ലുക്ക് നൽകുന്നുണ്ട്. വശങ്ങളിൽ മനോഹരമായ ലൈനുകളും വലിയ വിൻഡോകളും അലോയ് വീലുകളും. ചില വേരിയന്റുകളിൽ ബ്ലാക്കൗട്ട് പില്ലറുകളോടെ ഫ്ലോട്ടിംഗ് റൂഫ് ഇഫക്റ്റ്. പിന്നിൽ കണക്റ്റഡ് എൽഇഡി ടെയിൽ ലൈറ്റുകൾ, റൂഫ് സ്പോയിലർ, റിയർ വൈപ്പർ എന്നിവ പ്രത്യേകതകളാണ്.

ALSO READ: വെറും മൂന്ന് മിനിറ്റിൽ രണ്ട് ലക്ഷം ബുക്കിംഗ്: ഞെട്ടിച്ച് ഷവോമിയുടെ എസ്‌യുവി

 

 

ഡാർക്ക് തീമും ബ്രോൺസ്, വുഡ് ആക്സന്റുകളും വിശാലമായ ഇന്റീരിയറാണ് വാഹനത്തിന്. പനോരമിക് ഗ്ലാസ് റൂഫ് ക്യാബിന്റെ വിശാലത വർധിപ്പിക്കുന്നുണ്ട്. 38 kWh ബാറ്ററി പാക്കോടെ 331 കിലോമീറ്റർ റേഞ്ച് വാഗ്ദാനം ചെയ്യുന്ന മോഡലുകൾ 134 bhp പവറും 200 Nm ടോർക്കും നൽകുന്നു. പുതിയ പ്രോ വേരിയന്റുകളിൽ 52.9 kWh ബാറ്ററിയോടെ 449 കിലോമീറ്റർ റേഞ്ച് ലഭിക്കും.

അഞ്ച് വേരിയന്റുകളിൽ ലഭ്യം: എക്സൈറ്റ് (38kWh), എക്സ്ക്ലൂസീവ് (38kWh), എസൻസ് (38kWh), എക്സ്ക്ലൂസീവ് പ്രോ (52.9kWh), എസൻസ് പ്രോ (52.9kWh). ഫിക്സഡ് ബാറ്ററി അല്ലെങ്കിൽ ബാറ്ററി-ആസ്-എ-സർവീസ് (BaaS) ഓപ്ഷനുകൾ. BaaS-ൽ എക്സൈറ്റ് വേരിയന്റ് 10 ലക്ഷം രൂപയിലാണ് ആരംഭിക്കുന്നത്.

21 ശതമാനം വളർച്ചയുമായി കൊമറ്റ് ഇവി

കൊമറ്റ് ഇവിയും ഓഗസ്റ്റിൽ മികച്ച പ്രകടനമാണ് കാഴ്ച്ചവെച്ചത്. മുൻമാസത്തെക്കാൾ 21 ശതമാനം വളർച്ചയാണ് നോടിയത്. 4 സ്പീക്കറുകൾ, കീലെസ് എൻട്രി തുടങ്ങിയ ഫീച്ചറുകളോടെ തരക്കേടില്ലാത്ത റേഞ്ച്. എൻട്രി ലെവൽ വേരിയന്റ് 7,49,800 രൂപ (എക്സ്-ഷോറൂം). BaaS സ്കീമിൽ 4.99 ലക്ഷം രൂപയിലാണ് വില ആരംഭിക്കുന്നത്.

 

 

MG Motors' latest electric vehicles, Windsor and Comet, have achieved record-breaking sales, showcasing the brand's growing popularity in the EV market.