കല്‍പ്പറ്റ: 1946ല്‍ ആരംഭിച്ച അമ്മ സഹായം യു.പി സ്‌കൂളിന്റെ സപ്തതി ജൂബിലിയാഘോഷ പരിപാടി നാളെ സമാപിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. സമാപന പരിപാടികളുടെ ഉദ്ഘാടനം സി.കെ ശശീന്ദ്രന്‍ എം.എല്‍.എ നിര്‍വഹിക്കും.
ജില്ലാ പഞ്ചായത്ത് പ്രസിഡന്റ് ടി ഉഷാകുമാരി അധ്യക്ഷയാകും. പൂര്‍വ വിദ്യാര്‍ഥികളുടെ ഉപഹാരമായ ശൗചാലയത്തിന്റെയും സ്‌കൂള്‍ മാനേജ്‌മെന്റ് വക പ്രീെ്രെപമറി ബ്ലോക്കിന്റെയും ഉദ്ഘാടന ചടങ്ങും നടക്കും. സിനിമാതാരം കിരണ്‍രാജ് മുഖ്യാതിഥിയാവും.
വാര്‍ത്താസമ്മേളനത്തില്‍ സ്വാഗതസംഘം ചെയര്‍പേഴ്‌സണ്‍ സി.പി പുഷ്പലത, സ്‌കൂള്‍ ഹെഡ്മാസ്റ്റര്‍ വി ദിനേശ്കുമാര്‍, പി.ടി.എ പ്രസിഡന്റ് പി ജിജീഷ്, പി സുനില്‍കുമാര്‍, സി ഉണ്ണികൃഷ്ണന്‍, പി രാജഗോപാലന്‍, ഇ.എഫ് ടോമി, കെ സത്യജിത്, എം രജിഷ് എന്നിവര്‍ പങ്കെടുത്തു.