കോട്ടത്തറ: കോട്ടത്തറ പഞ്ചായത്തിലെ ഒമ്പതാം വാര്‍ഡിലുള്‍പ്പെട്ട ചേലാകുനി പാടങ്ങളിലെ 23 ഏക്കറില്‍ നെല്‍കൃഷിയിറക്കി യുവകൂട്ടായ്മയുടെ മാതൃക.  പാടശേഖരസമിതിയുടെയും  തൗഫീഖ് കുടുബശ്രീയുടെയും ഫാര്‍മേഴ്‌സ് ക്ലബിന്റെയും സഹകരണത്തോടെ കോട്ടത്തറയിലെ ഇരുപതോളം ചെറുപ്പക്കാര്‍ ചേര്‍ന്ന കൂട്ടായ്മയാണ് വര്‍ഷങ്ങളായി തരിശിട്ട പാടങ്ങളില്‍ നെല്‍കൃഷിയൊരുക്കിയത്. പഞ്ചായത്ത് പ്രസിഡന്റ് ലീലാമ്മ ജോസഫ് ഉദ്ഘാടനം ചെയ്തു. വി. നാസര്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ശകുന്തള ഷണ്മുഖന്‍, സുലോചന, നീത, ഉണ്ണികൃഷ്ണന്‍, സുരേഷ് മാസ്റ്റര്‍, പി.സി കോട്ടത്തറ തുടങ്ങിയവര്‍ സംസാരിച്ചു. പാടശേഖര സമിതി പ്രസിഡന്റ് കെ.കെ മമ്മുട്ടി സ്വാഗതവും സെക്രട്ടറി എം.കെ അബൂബക്കര്‍ നന്ദിയും പറഞ്ഞു.