കൊല്‍ക്കത്ത: ബംഗാളില്‍ അനധികൃത ആയുധ ഫാക്ടറി പൊലിസ് തകര്‍ത്തു. സൗത്ത് 24 പര്‍ഗാന ജില്ലയിലെ മഹേഷ്താലയില്‍ പ്രവര്‍ത്തിച്ചുവന്ന ഫാക്ടറിയാണ് തകര്‍ത്തത്. ഇവിടെ നിന്നും നൂറോളം വെടിക്കോപ്പുകളും രണ്ട് ഒന്‍പത് എം.എം പിസ്റ്റളുകളും പിടിച്ചെടുത്തു. കൂടാതെ ഒന്‍പത് കിലോഗ്രാം സ്‌ഫോടകവസ്തുക്കളും കണ്ടെടുത്തിട്ടുണ്ട്. ഫാക്ടറിയുടെ ഉടമയടക്കം അഞ്ചു പേര്‍ അറസ്റ്റിലായിട്ടുണ്ട്. കൂടുതല്‍ അന്വേഷണത്തിന് ശേഷമേ ഇവര്‍ക്ക് തീവ്രവാദ സംഘങ്ങളുമായി എന്തെങ്കിലും ബന്ധമുണ്ടോയെന്ന് പറയാന്‍ സാധിക്കുവെന്ന് പൊലിസ് പറഞ്ഞു.