തിരുവനന്തപുരം: തിരുവനന്തപുരം മെഡിക്കല്‍ കോളജിലെ സൂപ്രണ്ട് ഡോ. ബി എസ് സുനില്‍കുമാറിനെ നീക്കി ആരോഗ്യവകുപ്പ്. ഡോ.സി ജി ജയചന്ദ്രനെയാണ് പുതിയ സൂപ്രണ്ടായി ചുമതലപ്പെടുത്തിയിരിക്കുന്നത്. മെഡിക്കല്‍ കോളജുമായി ബന്ധപ്പെട്ട് നിരവധി വിവാദങ്ങള്‍ ഉയര്‍ന്നതിന് പിന്നാലെയാണ് സൂപ്രണ്ടിന്റെ മാറ്റം. 

ആശുപത്രിയുടെ സൂപ്രണ്ടായി തുടരാന്‍ താത്പര്യമില്ലെന്ന് അറിയിച്ച് ഡോ.സുനില്‍ കുമാര്‍  മെഡിക്കല്‍ കോളജ് പ്രിന്‍സിപ്പാളിന് കത്ത് നല്‍കിയിരുന്നു. ഗവേഷണ ആവശ്യം മുന്‍നിര്‍ത്തി വിടുതല്‍ നല്‍കണമെന്ന ആവശ്യം പരിഗണിച്ച് സുനില്‍ കുമാറിനെ സ്ഥാനത്ത് നിന്ന് മാറ്റുന്നു എന്നാണ് ഉത്തരവില്‍ പറയുന്നത്. ൂപ്രണ്ട് ആയതോടെ ജോലിയില്‍ ശ്രദ്ധിക്കാന്‍ കഴിയുന്നില്ലെന്ന് കത്തില്‍ ചൂണ്ടിക്കാണിച്ചിരുന്നു.

ഉപകരണക്ഷാമം ഉള്‍പ്പെടെ ഡോ.ഹാരിസിന്റെ തുറന്നുപറച്ചിലാണ് വിവാദങ്ങള്‍ക്ക് തുടക്കമിട്ടത്. 

ഡോ.ഹാരിസിനെതിര സൂപ്രണ്ടും പ്രിന്‍സിപ്പാളും നടത്തിയ വാര്‍ത്താസമ്മേളനവും, വാര്‍ത്താസമ്മേളനത്തിനിടെയുള്ള ഫോണ്‍വിളികളും വിവാദമായിരുന്നു.