അബൂദബി: യു.എ.ഇയുടെ പല ഭാഗങ്ങളിലും ഇന്നലെ കനത്ത മഴ പെയ്തു. അസ്ഥിര കാലാവസ്ഥ രാജ്യത്തെ ബാധിച്ചു. മേഘാവൃതമായ ആകാശവും ശക്തമായ കാറ്റും മൂലം വരുംദിവസങ്ങളില്‍ കൂടുതല്‍ മഴയ്ക്കുള്ള സാധ്യത രൂപപ്പെട്ടിരിക്കുന്നു. നാഷണല്‍ സെന്റര്‍ ഓഫ് മീറ്റിയറോളജി (എന്‍.സി.എം) പ്രവചനമനുസരിച്ച്, ഉപരിതല ന്യൂന മര്‍ദവും മുകളിലെ മര്‍ദ വായു സാഹചര്യവുമാണ് നിലവിലെ സാഹചര്യങ്ങള്‍ക്ക് കാരണം.

ഇന്നലെ ആകാശം ഭാഗികമായി മേഘാവൃതമായിരുന്നു. വടക്കന്‍ കിഴക്കന്‍ ഓഫ്‌ഷോര്‍ ദ്വീപുകള്‍ ഉള്‍പ്പെടെയുള്ള ചില തെക്കന്‍ഉള്‍ പ്രദേശങ്ങളില്‍ മേഘങ്ങള്‍ രൂപപ്പെടുമെന്ന് പ്രതീക്ഷിക്കുന്നു. ഇത് മഴയ്ക്ക് കാരണമായേക്കാം. ഞായറാഴ്ച നടത്തിയ കാലാവസ്ഥാ നിരീക്ഷണമനുസരിച്ച് ഇന്നും വരും ദിവസങ്ങളിലും ഇടിമിന്നലോട് കൂടിയ മഴയുണ്ടാകും. മധ്യപടിഞ്ഞാറന്‍ പ്രദേശങ്ങളിലും കനത്ത മഴ പ്രതീക്ഷിക്കുന്നു. കാറ്റ് വീശുന്നത് മൂലം അന്തരീക്ഷത്തില്‍ പൊടിയും മണലും നിറയുന്നതിനാല്‍ ദൃശ്യപരത കുറയാനിടയുണ്ട്. അസ്ഥിര സാഹചര്യങ്ങള്‍ക്കിടയില്‍, കനത്ത മഴയിലും ഇടിമിന്നലിലും പൊതുജനങ്ങള്‍ ജാഗ്രത പാലിക്കണമെന്നും താഴ്‌വരകളും വെള്ളപ്പൊക്ക സാധ്യതാ പ്രദേശങ്ങളും ഒഴിവാക്കണമെന്നും മിന്നല്‍ സമയത്ത് തുറസ്സായ സ്ഥലങ്ങളിലോ ഉയര്‍ന്ന സ്ഥലങ്ങളിലോ നിന്ന് മാറിനില്‍ക്കണമെന്നും എന്‍.സി.എം സുരക്ഷാ ഉപദേശം നല്‍കി.

 

 

അതേസമയം, ഔദ്യോഗിക വിവരങ്ങളെ മാത്രം ആശ്രയിക്കാനും, കാലാവസ്ഥാ സാഹചര്യങ്ങളെക്കുറിച്ചുള്ള കിംവദന്തികള്‍ പ്രചരിപ്പിക്കുന്നത് ഒഴിവാക്കാനും എന്‍.സി.എം താമസക്കാരോട് അഭ്യര്‍ഥിച്ചു. എമിറേറ്റിലുടനീളമുള്ള പ്രദേശങ്ങളില്‍ മഴ പെയ്യുന്നതിനാല്‍ ഡ്രൈവര്‍മാര്‍ ജാഗ്രത പാലിക്കണമെന്ന് റാസല്‍ഖൈമ പൊലിസ് അധികൃതര്‍ ആവശ്യപ്പെട്ടു. പ്രത്യേകിച്ചും, അല്‍ ശുഹദ റോഡ്, അല്‍ ഗയില്‍, അദന്‍, പരിസര ജില്ലകള്‍ എന്നിവിടങ്ങളിലെ റോഡുകളില്‍ കൂടുതല്‍ സൂക്ഷ്മതയോടെ വാഹനമോടിക്കാനും നിര്‍ദേശിച്ചു. വാഹനങ്ങളുടെ സ്പീഡ് കുറയ്ക്കാനും റോഡിലുള്ള മറ്റുള്ളവരുടെ സുരക്ഷ ഉറപ്പാക്കാനും അധികൃതര്‍ അഭ്യര്‍ത്ഥിച്ചു.

ALSO READ: മുസ്‌ലിം വേള്‍ഡ് ലീഗ് മുന്‍ സെക്രട്ടറി ജനറലും സൗദി പണ്ഡിതനുമായ ഡോ. അബ്ദുല്ല നസീഫ് അന്തരിച്ചു

Heavy to moderate rain swept across several parts of the UAE on Sunday, with Abu Dhabi, Dubai, and Sharjah among the emirates affected as unstable weather continued across the country. Cloudy skies, gusty winds, and intermittent showers are expected to continue over the coming days, bringing cooler and more pleasant temperatures.