കല്‍പ്പറ്റ: വയനാട് ഡി.സി.സി അധ്യക്ഷസ്ഥാനത്ത് നിന്ന് രാജിവെച്ച് മുതിര്‍ന്ന കോണ്‍ഗ്രസ് നേതാവ് എന്‍.ഡി അപ്പച്ചന്‍. കെ.പി.സി.സി നിര്‍ദ്ദേശപ്രകാരമാണ് രാജിയെന്നാണ് സൂചന. രാജി കെ.പി.സി.സി പ്രസിഡന്റ് സണ്ണി ജോസഫ് സ്വീകരിച്ചു. ടി.ജെ ഐസകിനാണ് താല്‍ക്കാലിക ചുമതല.

വയനാട് ഡി.സി.സി ട്രഷറര്‍ എന്‍.എം വിജയന്റെ ആത്മഹത്യയില്‍ ഐ.സി ബാലകൃഷ്ണന്‍ എം.എല്‍.എ, ഡി.സി.സി പ്രസിഡന്റ് എന്‍.ഡി അപ്പച്ചന്‍, കെ.കെ ഗോപിനാഥന്‍ എന്നിവര്‍ക്കെതിരെ ആത്മഹത്യാ പ്രേരണ കുറ്റം ചുമത്തിയിരുന്നു. 

മുള്ളന്‍കൊല്ലി പഞ്ചായത്ത് അംഗവും കോണ്‍ഗ്രസ് മണ്ഡലം വൈസ് പ്രസിഡന്റുമായ ജോസ് നെല്ലേടവും കഴിഞ്ഞയാഴ്ച്ച ആത്മഹത്യ ചെയ്തിരുന്നു. പാര്‍ട്ടിയിലെ ഗ്രൂപ്പ് പോരിനെ തുടര്‍ന്നാണ് ജോസ് ആത്മഹത്യ ചെയ്തത്.  

Read More: വയനാട്ടില്‍ ആത്മഹത്യ ചെയ്ത എന്‍.എം വിജയന്റെ കുടുംബത്തിന്റെ കുടിശ്ശിക തീര്‍ത്ത് കെ.പി.സി.സി; 63 ലക്ഷം രൂപ അടച്ചു

അതേസമയം, തദ്ദേശ തെരഞ്ഞെടുപ്പ് നടക്കാനിരിക്കെ ജില്ലയില്‍ നേതൃമാറ്റം വേണമെന്ന് പ്രവര്‍ത്തകരില്‍ നിന്നും ആവശ്യമുയര്‍ന്നിരുന്നു.ഈയിടെ വയനാട്ടിലെത്തിയ സോണിയാ ഗാന്ധിയും പ്രിയങ്കാഗാന്ധിയുമായി സംസ്ഥാനനേതാക്കളുമായി യോഗം ചേര്‍ന്ന് ചര്‍ച്ച ചെയ്തിരുന്നു. 

കെ.പി.സി.സി പറയുന്നതിന് അനുസരിച്ച് ചെയ്യുമെന്നും നേരത്തെ തന്നെ രാജി സന്നദ്ധത അറിയിച്ചിരുന്നുവെന്നും രാജിക്ക് പിന്നാലെ എന്‍.ഡി അപ്പച്ചന്‍ പ്രതികരിച്ചു.

English Summary: Senior Congress leader N.D. Appachan has resigned from his post as the Wayanad District Congress Committee (DCC) President. Reports suggest that the resignation was made as per the directive of the Kerala Pradesh Congress Committee (KPCC). KPCC President Sunny Joseph has accepted the resignation, and T.J. Isaac has been given temporary charge.