ദുബൈ: രാജ്യത്തെ ബിസിനസുകൾ എപ്പോൾ, എങ്ങനെ ഇലക്ട്രോണിക് ഇൻവോയ്‌സിംഗ് സംവിധാനം ഉപയോഗിക്കണമെന്ന് വിശദീകരിക്കുന്ന രണ്ട് പുതിയ തീരുമാനങ്ങൾ പുറപ്പെടുവിച്ചിരിക്കുകയാണ് യുഎഇ ധനകാര്യ മന്ത്രാലയം.

രാജ്യത്തെ പൂർണ ഡിജിറ്റൽ സമ്പദ്‌വ്യവസ്ഥയിലേക്ക് മാറ്റാനവും, ബിസിനസ് പ്രക്രിയകൾ കൂടുതൽ എളുപ്പവും വേഗതയേറിയതും സുതാര്യവുമാക്കാനുള്ള പദ്ധതിയുടെ ഭാഗമാണ് ഇത്.

ഇലക്ട്രോണിക് ഇൻവോയ്‌സിംഗ് സംവിധാനം

ഈ പുതിയ സംവിധാനം, ബിസിനസുകൾ പേപ്പർ ഇൻവോയ്‌സുകൾക്ക് ഒഴിവാക്കി ഇലക്ട്രോണിക് (ഓൺലൈൻ) ഇൻവോയ്‌സുകൾ ഉപയോ​ഗിക്കാൻ പ്രോത്സാഹിപ്പിക്കുന്നു.  പ്രത്യേക ഒഴിവാക്കലുകൾ പ്രഖ്യാപിക്കപ്പെടാത്തിടത്തോളം, ബിസിനസ്-ടു-ബിസിനസ് (B2B), ബിസിനസ്-ടു-ഗവൺമെന്റ് (B2G) ഇടപാടുകൾക്ക് ഈ നിയമം ബാധകമാണ്.

ALSO READ: എഐ, എന്റർടൈൻമെന്റ് തുടങ്ങി വിവിധ മേഖലളിലെ വിദ​ഗ്ദർക്കിത് സുവർണാവസരം; നാല് പുതിയ സന്ദർശന വിസാ വിഭാഗങ്ങൾ അവതരിപ്പിച്ച് യുഎഇ

ബിസിനസുകൾക്കുള്ള പ്രധാന ആവശ്യകതകൾ

1) ഇലക്ട്രോണിക് ഇൻവോയ്‌സുകൾ അയക്കാനും സ്വീകരിക്കാനും സഹായിക്കുന്നതിന് ബിസിനസുകൾ ഒരു അംഗീകൃത സേവന ദാതാവിനെ (Accredited Service Provider - ASP) നിയോഗിക്കണം.
2) ധനകാര്യ മന്ത്രാലയം അംഗീകൃത സേവന ദാതാക്കളുടെ പട്ടിക പ്രസിദ്ധീകരിക്കും.
3) എല്ലാ ബിസിനസ് ഇടപാടുകൾക്കും ഇലക്ട്രോണിക് ഇൻവോയ്‌സ് നൽകണം.
4) റീഫണ്ട്, വിലയിലെ മാറ്റങ്ങൾ, അല്ലെങ്കിൽ തെറ്റുകൾ തിരുത്തേണ്ട സാഹചര്യങ്ങളിൽ, ഇലക്ട്രോണിക് ക്രെഡിറ്റ് നോട്ട് നൽകണം.
5) ഇൻവോയ്‌സ് അയക്കുന്നവരും സ്വീകരിക്കുന്നവരും തങ്ങളുടെ ASP-യിലൂടെ നിയമങ്ങൾ പാലിക്കണം.
6) മന്ത്രാലയം നിശ്ചയിച്ച പ്രത്യേക വിവരങ്ങൾ ഇൻവോയ്‌സുകളിൽ ഉൾപ്പെടുത്തണം.

പെപ്പോൾ (Peppol) എന്ന അന്താരാഷ്ട്ര മാനദണ്ഡത്തെ അടിസ്ഥാനമാക്കിയാണ് ഈ സംവിധാനം. ഇത് നിലവിൽ പല രാജ്യങ്ങളും ഉപയോഗിക്കുന്നുണ്ട്. വിദേശ പങ്കാളികളുമായി എളുപ്പത്തിൽ വ്യാപാരം നടത്താനും സമയം, പിഴവുകൾ, കടലാസ് ജോലികൾ എന്നിവ കുറയ്ക്കാനും ഇതുവഴി യുഎഇ ബിസിനസുകൾക്ക് സാധിക്കും. 

ALSO READ: ഒമാനില്‍ രണ്ട് മലയാളികള്‍ ചികിത്സയ്ക്കിടെ മരിച്ചു

എന്ന് ആരംഭിക്കും?

സംവിധാനം ഘട്ടം ഘട്ടമായി നടപ്പാക്കും:

1) പരീക്ഷണ ഘട്ടം: 2026 ജൂലൈ ഒന്ന് മുതൽ തിരഞ്ഞെടുക്കപ്പെട്ട ബിസിനസുകൾക്ക്.
2) 2027 ജനുവരി 1 മുതൽ: വാർഷിക വരുമാനം 50 മില്യൺ ദിർഹമോ അതിൽ കൂടുതലോ ഉള്ള ബിസിനസുകൾക്ക് നിർബന്ധം. 2026 ജൂലൈ 31-നകം ഈ ബിസിനസുകൾ ASP തിരഞ്ഞെടുക്കണം.
3) 2027 ജൂലൈ 1 മുതൽ: വാർഷിക വരുമാനം 50 മില്യൺ ദിർഹത്തിൽ താഴെയുള്ള ബിസിനസുകൾക്ക് നിർബന്ധം. ഈ ബിസിനസുകൾ 2027 മാർച്ച് 31-നകം ASP തിരഞ്ഞെടുക്കണം.
4) 2027 ഒക്ടോബർ 1 മുതൽ: എല്ലാ സർക്കാർ സ്ഥാപനങ്ങൾക്കും നിർബന്ധം, 2027 മാർച്ച് 31-നകം ASP നിയോഗിക്കണം.

പ്രയോജനങ്ങൾ

യുഎഇ ബിസിനസുകൾക്ക് സമയം ലാഭിക്കാനും പിഴവുകൾ കുറയ്ക്കാനും ചെലവ് കുറയ്ക്കാനും നികുതി, ധനകാര്യ റിപ്പോർട്ടിംഗ് കാര്യക്ഷമമാക്കാനും ഈ പുതിയ നിയമങ്ങൾ സഹായിക്കും. പൂർണ ഡിജിറ്റൽ, ബിസിനസ്-സൗഹൃദ സമ്പദ്‌വ്യവസ്ഥയാകാനുള്ള യുഎഇയുടെ പ്രതിബദ്ധതയെ പ്രതിഫലിപ്പിക്കുന്നതാണ് ഈ നീക്കം. കൂടുതൽ വിവരങ്ങൾക്കും അപ്‌ഡേറ്റുകൾക്കുമായി ധനകാര്യ മന്ത്രാലയത്തിന്റെ ഔദ്യോഗിക പ്രഖ്യാപനങ്ങൾ പിന്തുടരുക.

The UAE Ministry of Finance has introduced two new decisions outlining the implementation of an Electronic Invoicing System for businesses. This system requires companies to issue and receive invoices electronically, enhancing transparency, efficiency, and tax compliance. Key implementation phases include