തൃശൂര്‍: വിദ്യാര്‍ഥി സംഘര്‍ഷത്തിന്റെ പേരില്‍ വടക്കാഞ്ചേരി പൊലിസ് മുഖംമൂടി ധരിപ്പിച്ച് കോടതിയില്‍ ഹാജരാക്കിയ കെഎസ്‌യു പ്രവര്‍ത്തകര്‍ക്ക് ജാമ്യം. അറസ്റ്റിലായി 18 ദിവസങ്ങള്‍ക്ക് ശേഷമാണ് കെഎസ്‌യു തൃശൂര്‍ ജില്ല വൈസ് പ്രസിഡന്റ് അടക്കം മൂന്ന് പേര്‍ക്കും ഹൈക്കോടതി ജാമ്യം അനുവദിച്ചത്. കേസില്‍ ജില്ല പ്രസിഡന്റ് ഗണേഷ് ആറ്റൂര്‍, അല്‍ അമീന്‍, അസ് ലം എന്നിവരെയാണ് പൊലിസ് പ്രതി ചേര്‍ത്തത്.

വടക്കാഞ്ചേരിക്ക് സമീപമുണ്ടായ എസ്.എഫ്.ഐ, കെഎസ്‌യു സംഘര്‍ഷത്തിന് പിന്നാലെയാണ് മൂവര്‍ക്കെതിരെയും പൊലിസ് കേസ് രജിസ്റ്റര്‍ ചെയ്തത്. ഒളിവിലായിരുന്ന ഇവരെ കോഴിക്കോട് നിന്ന് പൊലിസ് പിടികൂടുകയായിരുന്നു. പിന്നീട് വടക്കാഞ്ചേരി കോടതിയില്‍ ഹാജരാക്കാന്‍ എത്തിയപ്പോഴാണ് മൂവരെയും പൊലിസ് കൈയ്യാമവും, മുഖം മൂടിയും ധരിപ്പിച്ചത്. പൊലിസ് നടപടിയുടെ ദൃശ്യങ്ങള്‍ പുറത്തുവന്നതോടെ ശക്തമായ പ്രതിഷേധമാണ് ഉയര്‍ന്നത്. വടക്കാഞ്ചേരി കോടതി നേരിട്ട് നടപടിയെ രൂക്ഷമായി വിമര്‍ശിക്കുകയും, എസ്.പി.ഒയില്‍ നിന്ന് വിശദീകരണം തേടുകയും ചെയ്തിരുന്നു. 

സംഭവത്തില്‍ വീഴ്ച്ച സംഭവിച്ചെന്ന് വ്യക്തമായതിനെ തുടര്‍ന്ന് വടക്കാഞ്ചേരി എസ്.എച്ച്.ഒ ഷാജഹാനെ സ്ഥലം മാറ്റുകയും ചെയ്തിരുന്നു.

ALSO READ: പാക് അധിനിവേശ കശ്മീരിൽ ജനകീയ പ്രക്ഷോഭം; പൊലിസ് വെടിവയ്പ്പിൽ രണ്ട് മരണം, 22 പേർക്ക് പരിക്ക് 

KSU activists, who were produced in court with their faces covered by the Wadakkanchery police in connection with a student protest, have been granted bail.