2025 വനിത ഏകദിന ലോകകപ്പിന് ഇന്നാണ് തുടക്കമാവുന്നത്. ഇന്ന് നടക്കുന്ന ആദ്യ മത്സരത്തിൽ ശ്രീലങ്കയാണ്‌ ഇന്ത്യയുടെ എതിരാളികൾ. ഹർമൻപ്രീത് കൗറിന്റെ കീഴിലാണ് ഇന്ത്യ ലോകകപ്പ് കളിക്കാനെത്തുന്നത്. ഈ ആവേശകരമായ മത്സരത്തിന് മുന്നോടിയായി ലോകകപ്പ് ടീമിൽ ഇടം നേടിയ ജെമീമ റോഡ്രിഗസിനെക്കുറിച്ച് സംസാരിക്കുകയാണ് ഇന്ത്യൻ ടി-20 ക്യാപ്റ്റൻ സൂര്യകുമാർ യാദവ്. ലോകകപ്പിൽ ജെമീമ റോഡ്രിഗസ് മികച്ച പ്രകടനം നടത്തുമെന്നാണ് സ്‌കൈ പറഞ്ഞത്. 

ലോകകപ്പിൽ കളിക്കുകയെന്നത് അവിശ്വസനീയമായ ഒരു അവസരമാണ്, ജെമീമ മികച്ച പ്രകടനം നടത്തുമെന്ന് എനിക്ക് ഉറപ്പുണ്ട്. കളിക്കളത്തിലേക്ക് അവിശ്വസനീയമായ ഊർജ്ജം അവർ കൊണ്ടുവരുന്നു. കളിക്കളത്തിൽ വലിയ സമ്മർദ്ദ സാഹചര്യങ്ങളിൽ ഇന്ത്യ ജെമീമയിൽ നിന്നും ധാരാളം കാര്യങ്ങൾ പഠിക്കുന്നുണ്ട്. വെല്ലുവിളികൾ നേരിടുമ്പോൾ എങ്ങനെയാണ് പ്രകടനം നടത്തേണ്ടതെന്ന് അവർ കാണിച്ചുതന്നു. ചെയ്യുന്ന കാര്യങ്ങളിൽ ഉറച്ചു നിൽക്കുകയും ആ നിമിഷം ആസ്വദിക്കുകയും ചെയ്യുക എന്നതാണ് പ്രധാനം'' സൂര്യകുമാർ യാദവ് പറഞ്ഞു. 

ഇന്ത്യക്ക് ഇതുവരെ വനിത ലോകകപ്പ് സ്വന്തമാക്കാൻ സാധിച്ചിട്ടില്ല. 2017ൽ നടന്ന ടൂർണമെന്റിൽ ഇന്ത്യ ഫൈനലിൽ എത്തിയെങ്കിലും ഇംഗ്ലണ്ടിനോട് പരാജയപ്പെട്ട് ഇന്ത്യക്ക് കിരീടം നഷ്ടമാവുകയായിരുന്നു. മിതാലി രാജിന്റെ കീഴിലാണ് ഇന്ത്യ ആ ടൂർണമെന്റിൽ റണ്ണേഴ്‌സ് അപ്പായത്. 

2025 വനിത ഏകദിന ലോകകപ്പിനുള്ള ഇന്ത്യൻ ടീം

ഹർമൻപ്രീത് കൗർ (ക്യാപ്റ്റൻ), സ്മൃതി മന്ദാന (വൈസ് ക്യാപ്റ്റൻ), പ്രതീക റാവൽ, ഹർലീൻ ഡിയോൾ, ദീപ്തി ശർമ, ജെമീമ റോഡ്രിഗസ്, രേണുക സിംഗ് താക്കൂർ, അരുന്ധതി റെഡ്ഡി, റിച്ച ഘോഷ് (വിക്കറ്റ് കീപ്പർ), ക്രാന്തി ഗൗഡ്, അമാൻജോത് കൗർ, ശ്രീ ചരാനി, രാധ യാദവ്, യാസ്തിക ഭാട്ടിയ(വിക്കറ്റ് കീപ്പർ), സ്നേഹ റാണാ.

The 2025 Women's ODI World Cup begins today. India will face Sri Lanka in the first match today. India will be playing the World Cup under the leadership of Harmanpreet Kaur. Ahead of this exciting match, Indian T20 captain Suryakumar Yadav talks about Jemimah Rodrigues, who has been included in the World Cup squad.