അഹമ്മദാബാദ്: ഇന്ത്യ-വെസ്റ്റ് ഇൻഡീസ് രണ്ട് ടെസ്റ്റ് മത്സരങ്ങളുടെ പരമ്പരക്ക് തുടക്കമായി. അഹമ്മദാബാദ് നരേന്ദ്ര മോദി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ വെസ്റ്റ് ഇൻഡീസ് ബാറ്റിംഗ് തെരഞ്ഞെടുത്തു. 

5430 ദിവസങ്ങൾക്ക് ശേഷം ഇതാദ്യമായാണ് ഇന്ത്യ രോഹിത് ശർമ്മ, വിരാട് കോഹ്‌ലി, ആർ അശ്വിൻ എന്നീ താരങ്ങളില്ലാതെ ഇന്ത്യൻ മണ്ണിൽ ഒരു ടെസ്റ്റ് മത്സരം കളിക്കുന്നത്. മൂവരും റെഡ് ബോൾ ക്രിക്കറ്റിൽ നിന്നും വിരമിക്കൽ പ്രഖ്യാപിച്ചിരുന്നു. ഈ മൂന്ന് താരങ്ങളിൽ ഒരാൾ പോലും ഇന്ത്യ അവസാനമായി ഒരു ഹോം ടെസ്റ്റ് കളിച്ചത് 2010 നവമ്പറിൽ ആയിരുന്നു.  വിദർഭ ക്രിക്കറ്റ് അസോസിയേഷൻ സ്റ്റേഡിയത്തിൽ ന്യൂസിലാൻഡിനെതിരെയായിരുന്നു ഇന്ത്യ ഈ മത്സരം കളിച്ചത്. 

പുതിയ വേൾഡ് ടെസ്റ്റ് ചാമ്പ്യൻഷിപ്പ് സൈക്കിളിൽ ഇന്ത്യയുടെ രണ്ടാമത്തെ മത്സരമായിരിക്കും പരമ്പര. നേരത്തെ ഇംഗ്ലണ്ട് പര്യടനം സമനിലയിൽ (2-2) അവസാനിപ്പിക്കാൻ ഇന്ത്യക്ക് സാധിച്ചിരുന്നു. കഴിഞ്ഞ നവംബറിൽ 0-3 ന് ന്യൂസിലാൻഡിനോട് ഏറ്റ നാണംകെട്ട തോൽവിക്ക് ശേഷം ഇതാദ്യമായാണ് ഇന്ത്യ സ്വന്തം മണ്ണിൽ ഒരു ടെസ്റ്റ് പരമ്പരക്കിറങ്ങുന്നത്. 2000 ൽ ദക്ഷിണാഫ്രിക്കയ്‌ക്കെതിരായ രണ്ട് മത്സരങ്ങളുടെ പരമ്പരയിലാണ് ഇന്ത്യ അവസാനമായി സ്വന്തം നാട്ടിൽ പരാജയപ്പെട്ടത്. സ്വന്തം മണ്ണിൽ വീണ്ടും ഒരു ടെസ്റ്റ് പരമ്പര എത്തുമ്പോൾ ഗില്ലും സംഘവും മികച്ച മുന്നേറ്റം തന്നെ നടത്തുമെന്നാണ് ആരാധകർ പ്രതീക്ഷിക്കുന്നത്.

ഇന്ത്യ പ്ലെയിങ് ഇലവൻ

യശസ്വി ജയ്സ്വാൾ, കെ എൽ രാഹുൽ, സായ് സുദർശൻ, ശുഭ്‌മാൻ ഗിൽ (ക്യാപ്റ്റൻ), ധ്രുവ് ജുറൽ (വിക്കറ്റ് കീപ്പർ), രവീന്ദ്ര ജഡേജ, വാഷിംഗ്‌ടൺ സുന്ദർ, നിതീഷ് കുമാർ റെഡ്ഡി, കുൽദീപ് യാദവ്, ജസ്പ്രീത് ബുംറ, മുഹമ്മദ് സിറാജ്

വെസ്റ്റ് ഇൻഡീസ് പ്ലെയിങ് ഇലവൻ

ടാഗെനറൈൻ ചന്ദർപോൾ, ജോൺ കാംബെൽ, അലിക് അത്തനാസ്, ബ്രാൻഡൻ കിംഗ്, ഷായ് ഹോപ്പ്(വിക്കറ്റ് കീപ്പർ), റോസ്റ്റൺ ചേസ്(ക്യാപ്റ്റൻ), ജസ്റ്റിൻ ഗ്രീവ്സ്, ജോമെൽ വാരിക്കൻ, ഖാരി പിയറി, ജോഹാൻ ലെയ്ൻ, ജെയ്‌ഡൻ സീൽസ്

India-West Indies two-Test series begins. This is the first time in 5430 days that India will play a Test match on Indian soil without Rohit Sharma, Virat Kohli and R Ashwin. All three had announced their retirement from red-ball cricket.