ദുബൈ: ഷാർജയിലെ കിംഗ് ഫൈസൽ സ്ട്രീറ്റിൽ നിന്ന് അൽ വഹ്ദ സ്ട്രീറ്റിലേക്കുള്ള പ്രധാന എക്സിറ്റ് താൽക്കാലികമായി അടച്ചു. ഷാർജയിൽ നിന്ന് ദുബൈയിലേക്കുള്ള പ്രധാന എക്സിറ്റാണിത്. സമൂഹമാധ്യമങ്ങളിലെ ഔദ്യോ​ഗിക അക്കൗണ്ടിലൂടെ ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ) യാണ് ഇക്കാര്യം അറിയിച്ചത്.

ALSO READ: ഒടിപി ചോദിച്ച് പണം ചോർത്തി തട്ടിപ്പുകാർ: തട്ടിപ്പിന് ഇരയായവരിൽ മലയാളികളും; ഒടിപി സംവിധാനം നിർത്തലാക്കും, വെരിഫിക്കേഷനായി മൊബൈൽ ആപ്പ് അവതരിപ്പിക്കും 

ഗതാഗതം മെച്ചപ്പെടുത്താനും കാര്യക്ഷമത വർദ്ധിപ്പിക്കാനുമുള്ള റോഡ് വികസന പദ്ധതികളുടെ ഭാഗമായാണ് എക്സിറ്റ് അടച്ചിട്ടിരിക്കുന്നത്. തിരക്ക് കുറയ്ക്കുകയും ഡ്രൈവർമാർക്ക് സുഗമമായ യാത്ര ഉറപ്പാക്കുകയും ചെയ്യുമെന്ന് അധികൃതർ വ്യക്തമാക്കി.

ഒക്ടോബർ 3 വെള്ളിയാഴ്ച മുതൽ ഒക്ടോബർ 11 ശനിയാഴ്ച വരെയാകും എക്സിറ്റ് അടച്ചിടുക. ഷാർജയേയും ദുബൈയേയും തമ്മിൽ ബന്ധിപ്പിക്കുന്ന ഏറ്റവും പ്രധാനപ്പെട്ട എക്സിറ്റാണിത്. 

ALSO READ: യാത്രക്കാരെ നിങ്ങളറിഞ്ഞോ? എമിറേറ്റ്സിന് പിന്നാലെ പവർ ബാങ്കുകൾ നിരോധിച്ച് മറ്റൊരു പ്രമുഖ വിമാനക്കമ്പനി 

കാലതാമസം ഒഴിവാക്കാൻ ഡ്രൈവർമാർ ബദൽ റൂട്ടുകൾ ഉപയോഗിക്കണമെന്ന് ആർടിഎ അഭ്യർത്ഥിച്ചു. ഗതാഗത സുരക്ഷാ നിർദേശങ്ങൾ കർശനമായി പാലിക്കുക. അടച്ചിടൽ കാലയളവിൽ സൈനേജുകളും ഓൺ-ഗ്രൗണ്ട് മാർഗനിർദേശങ്ങളും ഡ്രൈവർമാരെ സഹായിക്കും.
അധിക യാത്രാസമയം കണക്കാക്കി മുൻകൂട്ടി റൂട്ട് ആസൂത്രണം ചെയ്യുക. നിർദേശങ്ങൾ പാലിക്കുന്നത് സുരക്ഷ ഉറപ്പാക്കുകയും ട്രാഫിക് തടസ്സങ്ങൾ കുറയ്ക്കുകയും ചെയ്യും.

Key Sharjah exit linking King Faisal Street to Al Wahda Street in Dubai will be temporarily shut for road improvement works from October 3 to October 11, 2025. Drivers urged to use detour routes to avoid delays and ensure smooth traffic flow.