മുസ്‌ലിം ലീഗിനെതിരെ  പി സരിന്‍ നടത്തിയ വിദ്വേഷ പരാമര്‍ശത്തില്‍ രൂക്ഷ വിമര്‍ശനവുമായി കോണ്‍ഗ്രസ് വക്താവ് അനൂപ് വി.ഐര്‍.  മുസ്‌ലിം ലീഗ് എന്ന രാഷ്ട്രീയ പ്രസ്ഥാനത്തിന് എതിരായല്ലാ, മുസ്‌ലിം വിശ്വാസത്തിനെതിരെ തന്നെയാണ് സരിന്‍ വെറുപ്പ് പ്രസരിപ്പിച്ചിരിക്കുന്നതെന്ന് അദ്ദേഹം പേസ്ബുക്കില്‍ കുറിച്ചു. മരണാനന്തരം സ്വര്‍ഗം എന്ന വിശ്വാസത്തിന്റെ പേരില്‍ എഹ്ങനെയാണ് ഭൂമിയില്‍ നരകം ഉണ്ടാവുന്നത്.

മരണാനന്തരം സ്വര്‍ഗം എന്നത് ഒരു മുസ്‌ലിമിന്റെ പ്രാര്‍ഥനയും വിശ്വാസവും ആണ്. സരിന്‍ അമ്പലത്തില്‍ പോയി പ്രാര്‍ഥിക്കുന്നത് പോലെ തന്നെയുള്ള വിശ്വാസം- അദ്ദേഹം കുറിപ്പില്‍ ചൂണ്ടിക്കാട്ടുന്നു. ആരോപണം മുസ്‌ലിം ലീഗിന്റെ പേരിലാണെങ്കില്‍, മരണാനന്തരം ആഗ്രഹിക്കുന്ന സ്വര്‍ഗത്തിന്റെ പേരില്‍ ലീഗ് ഇവിടെ വര്‍ഗീയ കലാപങ്ങള്‍ നടത്തിയിട്ടുണ്ടോ? എന്നും അദ്ദേഹം ചോദിച്ചു. വ്യക്തമാക്കേണ്ടത് സരിന്റെ രാഷ്ട്രീയ കക്ഷി സി.പി.എം തന്നെയാണെന്ന് അദ്ദേഹം കൂട്ടിച്ചേര്‍ത്തു. കോണ്‍ഗ്രസില്‍ സീറ്റ് നിഷേധിക്കപ്പെട്ടപ്പോള്‍ ,സരിന്‍ സംഘപരിവാറിന്റെ സ്ഥാനാര്‍ഥിയാകാനും ശ്രമിച്ചു എന്ന അന്നത്തെ അടക്കം പറച്ചിലിന് ഇപ്പോള്‍ വ്യക്തത ലഭിച്ചിരിക്കുകയാണെന്നും അദ്ദേഹം കുറിപ്പില്‍ പരിഹസിക്കുന്നു. 

പോസ്റ്റ് വായിക്കാം
മുസ്‌ലിം ലീഗ് എന്ന രാഷ്ട്രീയ പ്രസ്ഥാനത്തിന് എതിരായല്ലാ, മുസ്‌ലിം വിശ്വാസത്തിനെതിരെ തന്നെയാണ് സരിന്‍ വെറുപ്പ് പ്രസരിപ്പിച്ചിരിക്കുന്നത്. മരണാനന്തരം സ്വര്‍ഗം എന്നത് ഒരു മുസ്‌ലിമിന്റെ പ്രാര്‍ഥനയും വിശ്വാസവും ആണ്. സരിന്‍ അമ്പലത്തില്‍ പോയി പ്രാര്‍ഥിക്കുന്നത് പോലെ തന്നെയുള്ള വിശ്വാസം. അതിന്റെ  പേരില്‍ എങ്ങനെയാണ് ഭൂമിയില്‍ നരകം ഉണ്ടാകുന്നത് എന്ന് പറയേണ്ടത് സരിന്‍ തന്നെയാണ്. ഇനി ആരോപണം മുസ്‌ലിം ലീഗിന്റെ പേരിലാണെങ്കില്‍, മരണാനന്തരം ആഗ്രഹിക്കുന്ന സ്വര്‍ഗത്തിന്റെ പേരില്‍ ലീഗ് ഇവിടെ വര്‍ഗീയ കലാപങ്ങള്‍ നടത്തിയിട്ടുണ്ടോ? വംശഹത്യങ്ങള്‍ നടത്തിയിട്ടുണ്ടോ? വ്യക്തമാക്കേണ്ടത് സരിന്റെ രാഷ്ട്രീയ കക്ഷി സി.പി.എം തന്നെയാണ്. കോണ്‍ഗ്രസില്‍ സീറ്റ് നിഷേധിക്കപ്പെട്ടപ്പോള്‍ ,സരിന്‍ സംഘപരിവാറിന്റെ സ്ഥാനാര്‍ഥിയാകാനും ശ്രമിച്ചു എന്ന അന്നത്തെ അടക്കം പറച്ചിലിന് ഇപ്പോള്‍ വ്യക്തത ലഭിച്ചിരിക്കുകയാണ്. ഇനി അത് വരുന്ന തിരഞ്ഞെടുപ്പില്‍ തന്നെയുണ്ടാകുമോ, വൈകുമോ എന്നുള്ള കാര്യത്തില്‍ മാത്രമാണ് വ്യക്തത വരാനുള്ളത്. അതും കാത്തിരുന്ന് കാണാം.

ജനിച്ച മതം ഏതാണെന്ന് നോക്കിയാണ് സ്വര്‍ഗത്തിലേക്കുള്ള വഴിവെട്ടിയിരിക്കുന്നതെന്ന് പറഞ്ഞ് നാടിന് നരകം സമ്മാനിച്ചവരാണ് ലീഗുകാരെന്നായിരുന്നു സരിന്റെ പരാമര്‍ശം. യുഡിഎഫ് ഭരിക്കുന്ന തിരുവേഗപ്പുറ പഞ്ചായത്ത് ഭരണ സമിതിക്കെതിരെ സിപിഎം സംഘടിപ്പിച്ച പ്രതിഷേധ പരിപാടിക്കിടെയാണ് സരിന്റെ പ്രസംഗം. മുസ്ലിം ലീഗ് സമം മുസ്ലിം എന്നാണ് പ്രചരിപ്പിക്കുന്നത്. അതോടെ ബിജെ പി സമം ഹിന്ദു എന്ന് ബിജെപിക്കാരും പ്രചരിപ്പിക്കുകയാണെന്നും പി സരിന്‍ പറഞ്ഞു.

Writer and activist Anoop V.R. has sharply criticized Sarin’s recent comments, stating that the hate expressed was not just against a political party but targeted the Islamic faith itself. The remarks have sparked widespread debate and condemnation.