തിരുവനന്തപുരം: മേയര്‍ ആര്യ രാജേന്ദ്രന്‍ നടുറോഡില്‍ കെഎസ്ആര്‍ടിസി ബസ് തടഞ്ഞു നിര്‍ത്തിയ സംഭവത്തില്‍ ബസിന്റെ ഡ്രൈവറായിരുന്ന എല്‍എച്ച് യദു അന്വേഷണം ശരിയായ ദിശയില്‍ നടന്നില്ലെന്നു കാണിച്ച് സര്‍ക്കാരിനും പൊലിസിനും വക്കില്‍ നോട്ടീസ് അയച്ചു.  ചീഫ് സെക്രട്ടറി, ആഭ്യന്തര സെക്രട്ടറി, പൊലീസ് മേധാവി, കന്റോണ്‍മെന്റ് എസ്‌ഐ എന്നിവര്‍ക്കാണ് അഭിഭാഷകന്‍ അശോക് പി നായര്‍ വഴി യദു നോട്ടിസ് അയച്ചിരിക്കുന്നത്.

കോടതി നിര്‍ദേശപ്രകാരം നടത്തിയ അന്വേഷണം രാഷ്ട്രീയ സ്വാധീനത്തിനു വഴങ്ങി അട്ടിമറിക്കപ്പെട്ടുവെന്നും മേയര്‍ ആര്യ രാജേന്ദ്രനേയും ഭര്‍ത്താവ് സച്ചിന്‍ ദേവ് എംഎല്‍എയേയും കുറ്റവിമുക്തരാക്കി റിപോര്‍ട്ട് നല്‍കിയ നടപടി നീതിയുക്തമല്ലെന്നും യദു. 15 ദിവസത്തിനുള്ളില്‍ ഒരു ലക്ഷം രൂപ നഷ്ടപരിഹാരം നല്‍കിയില്ലെങ്കില്‍ വീണ്ടും കോടതിയെ സമീപിക്കുമെന്നും നോട്ടിസില്‍ പറയുന്നു. ഏപ്രില്‍ 28നു നടുറോഡില്‍ മേയര്‍ കെഎസ്ആര്‍ടിസി ബസ് തടഞ്ഞതിനെ തുടര്‍ന്നു തര്‍ക്കമുണ്ടായ സംഭവത്തില്‍ വലിയ വിവാദമായിരുന്നു ഉയര്‍ന്നത്. 

L.H. Yadhu, the KSRTC driver involved in the widely discussed incident where Thiruvananthapuram Mayor Arya Rajendran allegedly blocked a KSRTC bus on April 28, has issued a legal notice to the Kerala government and police officials. The notice, sent through advocate Ashok P. Nair, claims that the investigation was politically influenced and unfair.