മുഖ്യമന്ത്രി പിണറായി വിജയൻ ഈ മാസം സഊദിയിലും, ബഹ്റൈനിലും പര്യടനം നടത്തും
റിയാദ്: മുഖ്യമന്ത്രി പിണറായി വിജയൻ സഊദി അറേബ്യയിലും ബഹ്റൈൻനിലും എത്തുന്നു. ഈ മാസം 16 നു ബഹ്റൈനിലും 17 മുതൽ 19 വരെയുമായി സഊദിയിലുമായിരിക്കും പര്യടനം. മൂന്ന് ദിവസം സഊദി സന്ദർശനം നടത്തുന്ന മുഖ്യമന്ത്രി സഊദിയുടെ വിവിധ ഭാഗങ്ങളിൽ പരിപാടികളിൽ പങ്കെടുക്കും.
ഒക്ടോബര് 16-ന് ബഹ്റൈനിലെത്തുന്ന മുഖ്യമന്ത്രി ഏകദിന സന്ദര്ശനത്തിനു ശേഷം ദമാമിലേക്കു തിരിക്കും. 17 ന് ദമാമിലും 18 ന് ജിദ്ദയിലും 19 ന് റിയാദിലുമായി പരിപാടികളിൽ മുഖ്യമന്ത്രി പങ്കെടുക്കും. മലയാള ഭാഷാ പഠനത്തിനും പ്രചാരണത്തിനുമായി കേരള സർക്കാർ ആഗോള തലത്തിൽ ഒരുക്കിയിട്ടുള്ള വേദിയായ മലയാളം മിഷന്റെ ആഭിമുഖ്യത്തിൽ റിയാദ്, ദമാം, ജിദ്ദ മേഖലകളിൽ നടക്കുന്ന 'മലയാളോത്സവം' പൊതുപരിപാടിയിൽ മുഖ്യമന്ത്രി സംബന്ധിക്കും.
മുഖ്യമന്ത്രിക്കു പുറമേ സാംസ്കാരിക വകുപ്പു മന്ത്രി സജി ചെറിയാന്, നോര്ക്ക ഡയറക്ടര് ബോര്ഡ് അംഗങ്ങള് എന്നിവരും പരിപാടിയില് പങ്കെടുക്കും
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."