റോം: യുവന്റസിലേക്ക് ചേരാൻ തന്നെ പ്രേരിപ്പിക്കാൻ 2019-ൽ ക്രിസ്റ്റ്യാനോ റൊണാൾഡോ വിളിച്ചിരുന്നുവെന്ന് പറഞ്ഞ് മുൻ ബാഴ്സലോണ മിഡ്ഫീൽഡർ ഇവാൻ റാക്കിറ്റിച്ച് . ഇറ്റാലിയൻ ഫുട്ബോളിനെ ആരാധിക്കുന്നതിനാൽ രാജ്യത്തേക്ക് മാറാതിരുന്നതിൽ താൻ ഖേദിക്കുന്നുവെന്നും ക്രൊയേഷ്യൻ സൂപ്പർതാരം സമ്മതിച്ചു. ടൂറിൻ ആസ്ഥാനമായ ക്ലബ്ബിലേക്കുള്ള ട്രാൻസ്ഫറിനായി പോർച്ചുഗീസ് സൂപ്പർതാരം നേരിട്ട് ഇടപെട്ടതായി റാക്കിറ്റിച്ച് വെളിപ്പെടുത്തി.

ലാ ഗസെറ്റ ഡെല്ലോ സ്പോർട്ടിനോട് സംസാരിക്കുമ്പോൾ റാക്കിറ്റിച്ച് പറഞ്ഞു: "ശരിയാണ്, ക്രിസ്റ്റ്യാനോ 2019-ൽ എന്നെ വിളിച്ച് പറഞ്ഞു: 'യുവന്റസിലേക്ക് വരൂ'. സത്യസന്ധമായി പറഞ്ഞാൽ എനിക്ക് ഇറ്റലിയിൽ കളിക്കാൻ ഇഷ്ടമായിരുന്നു. അതാണ് എന്റെ ഏറ്റവും വലിയ ഖേദം. ഇറ്റാലിയൻ ഫുട്ബോളിനെയും അവിടത്തെ ജീവിതരീതിയെയും ഞാൻ ആരാധിക്കുന്നു. ഹജുക്ക് സ്പ്ലിറ്റിൽ എന്നെ പരിശീലിപ്പിച്ച ജെന്നാരോ ഗട്ടുസോയുടെ വലിയ ആരാധകനുമാണ് ഞാൻ. മികച്ച നേട്ടങ്ങൾ കൈവരിക്കാൻ കഴിയുന്ന മികച്ച പരിശീലകനാണ് ഇറ്റലിയിലുള്ളത്."
അദ്ദേഹം കൂട്ടിച്ചേർത്തു: "അതൊരു കാരണമായിരുന്നു, പക്ഷേ പ്രധാന കാരണം ഞാൻ ബാഴ്സയിലായിരുന്നു എന്നതാണ്. അവിടെ കളിക്കാൻ എനിക്ക് ഭാഗ്യം ലഭിച്ചു, പിന്നെ സെവില്ലയിലും ഹജുക്കിലും. അത് വലിയൊരു കാര്യമാകുമായിരുന്നു, പക്ഷേ എന്റെ ജീവിതം എന്തായാലും മികച്ചതായി മാറി. ഞാൻ എന്റെ സഹോദരനോട് പറഞ്ഞു: ഞാൻ പോകില്ല, സെവില്ലയുടെ പ്രസിഡന്റിന് ഞാൻ വാക്ക് കൊടുത്തിരുന്നു. 

ഇറ്റാലിയൻ ഫുട്ബോളിന്റെ സൗന്ദര്യവും ജീവിതശൈലിയും റാക്കിറ്റിച്ചിനെ ആകർഷിച്ചിരുന്നു. ഹജുക്ക് സ്പ്ലിറ്റിലെ പരിശീലകനായിരുന്ന ജെന്നാരോ ഗട്ടുസോയെ അദ്ദേഹം പ്രശംസിച്ചു.ഇറ്റലിയിലെ മികച്ച മാനേജർമാരിൽ ഒരാളെന്ന് അദേഹത്തെ വിശേഷിപ്പിച്ചു. എന്നാൽ ബാഴ്സലോണയിലെ അനുഭവവും സെവില്ലയോടുള്ള വാഗ്ദാനവും കാരണം യുവന്റസിലേക്കുള്ള ക്ഷണം അവസാനിപ്പിച്ചു. "അത് എന്റെ കരിയറിലെ വലിയൊരു 'ദുഖം' മാണ്, പക്ഷേ ഞാൻ സംതൃപ്തനാണ്" എന്ന് അദ്ദേഹം പറഞ്ഞു.

ഈ വേനൽക്കാലത്ത് കരിയർ അവസാനിപ്പിച്ച റാക്കിറ്റിച്ച് ക്ലബ്ബുകളിലും രാജ്യത്തിനുമായി മികച്ചൊരു കരിയർ സൃഷ്ടിച്ചിരുന്നു. ഷാൽക്കെ, സെവില്ല, ബാഴ്സലോണ, ഹജുക്ക് സ്പ്ലിറ്റ് തുടങ്ങിയ ടീമുകൾക്ക് വേണ്ടി കളിച്ച അദ്ദേഹം, ക്രൊയേഷ്യയെ 106 തവണ പ്രതിനിധീകരിച്ചു. 2018-ലെ ഫിഫ വേൾഡ് കപ്പിൽ റണ്ണേഴ്സ്-അപ്പായ ക്രൊയേഷ്യൻ ടീമിന്റെ പ്രധാന താരമായിരുന്നു.

റൊണാൾഡോയുമായി നേരിട്ട് കളിച്ചിട്ടില്ലെങ്കിലും...

റൊണാൾഡോയുമായി ഒരു ക്ലബ്ബിലും ഒരുമിച്ച് കളിച്ചിട്ടില്ലെങ്കിലും, പോർച്ചുഗീസ് സൂപ്പർതാരത്തിനെതിരെ 18 മത്സരങ്ങളിൽ നിന്ന് റാക്കിറ്റിച്ച് ആറ് വിജയങ്ങളും രണ്ട് സമനിലകളും നേടി. 10 തവണ തോറ്റിരുന്നു. ഈ ഏറ്റുമുട്ടലുകൾ റാക്കിറ്റിച്ചിന്റെ കരിയറിന്റെ മറ്റൊരു ഹൈലൈറ്റാണ്.
റാക്കിറ്റിച്ചിന്റെ വെളിപ്പെടുത്തൽ ഫുട്ബോൾ ലോകത്ത് ചർച്ചയായി. യുവന്റസിന്റെ റൊണാൾഡോ യുഗത്തിലേക്കുള്ള ഒരു 'നെർലി മിസ്' എന്ന് ആരാധകർ വിശേഷിപ്പിക്കുന്നു. ഇറ്റലിയൻ സീരി എയുടെ ആകർഷണം ഇപ്പോഴും താരങ്ങളെ വലയ്ക്കുന്നുവെന്ന് ഇത് തെളിയിക്കുന്നു.