ഡല്‍ഹി: ഹിമാചല്‍ പ്രദേശ് ബിലാസ്പൂരിലെ മണ്ണിടിച്ചിലില്‍ 16 പേര്‍ മരണപ്പെട്ടു. ബസിന് മുകളിലേക്ക് മണ്ണും പാറക്കല്ലുകളും ഇടിഞ്ഞ് വീണാണ് അപകടം. മരിച്ചവരില്‍ 10 പുരുഷന്‍മാരും മൂന്ന് സ്ത്രീകളും മൂന്ന് കുട്ടികളും ഉണ്ടായിരുന്നു. ബസില്‍ ബാക്കിയുണ്ടായിരുന്ന യാത്രക്കാരെ രക്ഷപ്പെടുത്തിയെന്നും അധികൃതര്‍ വ്യക്തമാക്കി.

മല മുഴുവനായി ഇടിഞ്ഞ് ബസ്സിനു മുകളിലേക്ക് വീഴുകയായിരുന്നു. മരിച്ചവരുടെ കുടുംബാംഗങ്ങള്‍ക്ക് പ്രധാനമന്ത്രി രണ്ട് ലക്ഷം രൂപ സഹായധനം പ്രഖ്യാപിച്ചിട്ടുണ്ട്. സംഭവസ്ഥലത്ത് നിന്നുള്ള വിഡിയോയില്‍ നാട്ടുകാര്‍ കുടുങ്ങിയവരെ രക്ഷിക്കാന്‍ ശ്രമിക്കുന്നതും കാണാം.

ALSO READ: യുഗാന്ത്യം...മെസിയുടെ പ്രിയപ്പെട്ടവൻ ഫുട്ബോളിൽ നിന്നും വിരമിക്കുന്നു

ബസിന് മുകളില്‍ നിന്ന് ജെസിബി ഉപയോഗിച്ച് അവശിഷ്ടങ്ങള്‍ നീക്കം ചെയ്യുന്നുണ്ടായിരുന്നു. ഇന്നലെ രാത്രിയാണ് ദാരുണമായ അപകടം നടന്നത്. രക്ഷാപ്രവര്‍ത്തനം ഊര്‍ജിതമാക്കി അടിയന്തര നടപടികള്‍ സ്വീകരിക്കാന്‍ ഹിമാചല്‍ മുഖ്യമന്ത്രി നിര്‍ദേശിച്ചിട്ടുണ്ട്. എന്‍ഡിആര്‍ഫിനെ അടക്കം നിയോഗിച്ചുള്ള രക്ഷാപ്രവര്‍ത്തനമാണ് ഇവിടെ നടന്നത്.

A devastating landslide in Bilaspur, Himachal Pradesh, resulted in the death of 16 people after debris of mud and rocks fell onto a bus. Among the deceased were 10 men, 3 women, and 3 children. The remaining passengers were rescued, according to officials.

The landslide caused an entire section of the hill to collapse onto the bus. Rescue operations were launched immediately, with locals seen trying to save the trapped passengers. JCB machines were used to remove debris from atop the bus.