ദുബൈ: യുഎഇയിലെ വിദ്യാർഥികൾക്ക് ഗൂഗിൾ ജെമിനി പ്രോയിലേക്ക് ഒരു വർഷത്തെ സൗജന്യ ആക്‌സസ് ലഭിക്കും. ഗൂഗിളും യുഎഇ സർക്കാരും തമ്മിലുള്ള സഹകരണത്തിന്റെ ഫലമായാണ് ഇത്. എഐ സാങ്കേതികവിദ്യകൾ ഉപയോഗിച്ച് വിദ്യാർഥികളിലെ ഗവേഷണ കഴിവുകൾ മെച്ചപ്പെടുത്താനും, ഉള്ളടക്കം സൃഷ്ടിക്കാനും, പ്രോജക്ടുകൾ സംഘടിപ്പിക്കാനും സഹായിക്കുന്നതിനാണ് ഇതിലൂടെ ലക്ഷ്യമിടുന്നത്.

18 വയസ്സിന് മുകളിലുള്ള യൂണിവേഴ്സിറ്റി വിദ്യാർഥികൾക്കാണ് ഗൂഗിൾ ജെമിനി പ്രോ സൗജന്യമായി ലഭിക്കുക. ഇതിനായി 2025 ഡിസംബർ 9-ന് മുമ്പ് വിദ്യാർഥികൾ‌ അവരുടെ വ്യക്തിപരമായ ഇമെയിൽ വിലാസങ്ങൾ ഉപയോഗിച്ച് 12 മാസത്തെ സൗജന്യ പ്രവേശനത്തിനായി രജിസ്റ്റർ ചെയ്യണം. 

ALSO READ: ദുബൈ ട്രാഫിക് എന്‍ജിനീയറിങ് പ്രോഗ്രാമിന് 7 സ്റ്റാര്‍ ബൗദ്ധിക സ്വത്തവകാശ അംഗീകാരം

ഇതുവഴി വിദ്യാർഥികൾക്ക് ടെക്സ്റ്റ്, ചിത്രങ്ങൾ, വീഡിയോകൾ എന്നിവ സൃഷ്ടിക്കാനും, ഗവേഷണം നടത്താനും, ദൈനംദിന ജോലികൾ ക്രമീകരിക്കാനും ജെമിനി പ്രോ ഉപയോഗിക്കാൻ സാധിക്കും. വിദ്യാർഥികളുടെ പഠനത്തെ പിന്തുണയ്ക്കുന്നതിനുള്ള പ്രധാന ഫീച്ചറുകൾ ഇവയാണ്:

ജെമിനി 2.5 പ്രോ: ഗവേഷണ വിശകലനം, ആശയവിനിമയം തുടങ്ങിയ സങ്കീർണ്ണ ജോലികൾക്കായി ജെമിനിയുടെ ഏറ്റവും മികച്ച മോഡലിലേക്കുള്ള പ്രവേശനം.

ഡീപ് റിസർച്: ഓൺലൈൻ ഉറവിടങ്ങളിൽ നിന്നുള്ള വിവരങ്ങൾ ഉപയോഗിച്ച് ഗവേഷണ റിപ്പോർട്ടുകൾ തയ്യാറാക്കാനുള്ള ഉപകരണങ്ങൾ.

നോട്ട്ബുക്ക് എൽഎം: വിദ്യാർത്ഥികളുടെ ചിന്തകൾ ക്രമീകരിക്കാൻ സഹായിക്കുന്ന ഒരു ഡിജിറ്റൽ സഹായി, ഇപ്പോൾ അഞ്ച് മടങ്ങ് കൂടുതൽ ഓഡിയോ, വീഡിയോ അവലോകനങ്ങൾ ഉൾപ്പെടുത്തുന്നു.

ALSO READ: യുഎഇയിലെ ആദ്യത്തെ ആശുപത്രി അധിഷ്ഠിത വെർട്ടിപോർട്ട് പ്രഖ്യാപിച്ചു: ആരോഗ്യ സേവനങ്ങൾ ഇനി മിനിറ്റുകൾക്കകം

വിയോ 3: ടെക്സ്റ്റോ ചിത്രങ്ങളോ 8 സെക്കൻഡ് ശബ്ദമുള്ള വീഡിയോകളാക്കി മാറ്റുന്നു.

2 ടിബി സ്റ്റോറേജ്: ഗൂഗിൾ ഫോട്ടോസ്, ഡ്രൈവ്, ജിമെയിൽ എന്നിവയിൽ കുറിപ്പുകൾ, പ്രോജക്ടുകൾ, ഫോട്ടോകൾ, രേഖകൾ എന്നിവ സംഭരിക്കാനുള്ള സ്ഥലം.

നാഷണൽ ടാലന്റ്‌സിനെയും സമൂഹത്തെയും എഐ ടൂളുകൾ ഉപയോഗിച്ച് മുന്നോട്ട് കൊണ്ടുപോകുന്നതിന് യുഎഇ മുൻഗണന നൽകുന്നു. കൂടാതെ, എല്ലാ മേഖലകളിലും കഴിവുകൾ വികസിപ്പിക്കാനും, ശേഷി വർധിപ്പിക്കാനും, കാര്യക്ഷമത മെച്ചപ്പെടുത്താനും, നവീകരണം ത്വരിതപ്പെടുത്താനും എഐ ഉപയോഗിച്ച് ആഗോള നേതൃത്വം കൈവരിക്കാൻ ശ്രമിക്കുന്നുവെന്നും സ്റ്റേറ്റ് മിനിസ്റ്റർ ഫോർ ആർട്ടിഫിഷ്യൽ ഇന്റലിജൻസ്, ഡിജിറ്റൽ എക്കണോമി ആൻഡ് റിമോട്ട് വർക്ക് ആപ്ലിക്കേഷൻസ് ഓമർ സുൽത്താൻ അൽ ഒലാമ വ്യക്തമാക്കി.

ഗൂഗിളിന്റെ മിഡിൽ ഈസ്റ്റ് ആൻഡ് നോർത്ത് ആഫ്രിക്ക മാനേജിംഗ് ഡയറക്ടർ ആന്റണി നകാഷെ, എഐയിലും വിദ്യാഭ്യാസത്തിലും വർധിച്ചുവരുന്ന താൽപര്യം ചൂണ്ടിക്കാട്ടി. “ഗൂഗിൾ ട്രെൻഡ്‌സ് അനുസരിച്ച്, കഴിഞ്ഞ വർഷത്തെ അപേക്ഷിച്ച് കഴിഞ്ഞ രണ്ട് മാസങ്ങളിൽ എഐയും പഠനവുമായി ബന്ധപ്പെട്ട സെർച്ചുകളിൽ 110 ശതമാനം വർധനവുണ്ടായി. ഇത് അധ്യാപകരും വിദ്യാർഥിത്ഥികളും വിദ്യാഭ്യാസത്തിൽ സർഗാത്മകത വളർത്തുന്നതിന് ആധുനിക സാങ്കേതികവിദ്യകൾ പരീക്ഷിക്കുന്നതിനോടുള്ള പോസിറ്റീവ് മനോഭാവത്തെ സൂചിപ്പിക്കുന്നു,” അദ്ദേഹം കൂട്ടിച്ചേർത്തു.

As part of a collaborative effort between Google and the UAE government, students in the UAE will receive one year of free access to Google Gemini Pro. This initiative aims to enhance students' research skills, content creation, and project organization using AI technology. The program is expected to benefit students across the country, providing them with valuable tools to excel in their academic pursuits